البارت السادس
🥰🥰🥰🥰🥰🥰🥰
حنين وهى بتكلم اياد فى التليفون ...
اياد : بتقولى أية
حنين : بقول نعمم
اياد بهدوء : حلوة منك
حنين : هى أية
اياد: كلمة نعم
حنين : وبعدين
اياد : اكدب يعنى
حنين : اة
اياد : ههههه مش هقدر ،، وبعدين قوليلى انتى جميلة كدة لمين ماما ولا بابا
حنين : لااا انت مصمم انك تضحك عليا بكلمتين
اياد : والله العظيم ابدا هو انتى مش واخدة بالك من نفسك واكيد عارفة انك حلوة وخصوصا الغمازات ودقن ست الحسن سبحان الله فعلا
حنين : دانت مركز بقى
اياد : غصب عنى والله لقيت نفسى ببصلك وعينى مرتاحة وحابب كدة
حنين : احممم طيب انا اتصلت اهو عشان اشكرك عشان متقولش أن انا قليلة الذوق
اياد : مقدرش اقول كدة
حنين : ميرسى
اياد : العفو هههه المرة الجاية اجى الاقيكى مغطية شعرك
حنين : لعلمك انا كنت بشعرى من شهر
اياد : أية دة فعلا
حنين : يعنى مشوفتنيش
اياد : مافيش واحدة بشعرها بتلفت نظرى
حنين 🙄: افندم
اياد : اة انا مبحبش البنات اللى بتمشى بشعرها وتلبس ضيق وكل اللى رايح واللى جاى يبص على جسمها
حنين : طب خلاص خلاص
اياد : اضايقتى لية
حنين : مافيش خلاص
اياد : عايز اقولك على حاجة ممكن ؟
حنين : مم
اياد : استنى الاول انتى مشغلة اغنية أية بتسمعيها
حنين : ماشاء الله انت سامعها دانا مواطية الصوت
اياد : ههههه سامعها بس مش مفسر مين
حنين : دى وردة
اياد 😳: وردة مرة واحدة
حنين : أية عادى
اياد : طب ممكن تعلى الأغنية شوية
حنين : مش هينفع عشان اختى بتذاكر
اياد : حبة صغيرين
حنين : ماشى
اياد : وبحبك ،،،ايوة بحبك اد العيون السوووود بحباااك
حنين : ههههه بدندن كمان
اياد : اعمل فيكى أية بس
حنين : فى أية ؟
اياد : انا بعشق وردة ونجاة وام كلثوم وكنت متخيل ان انا بس اللى بحبهم
حنين : بالعكس أنا بحب اسمعلهم جدا
اياد : خلاص المرة الجاية هجيبلك شريط لام كلثوم واسمعية قبل ما تنامى
حنين : اشمعنا يعنى
اياد : هقولك لما اشوفك المرة الجاية
حنين : بتحب تعلق اللى قدامك مش كدة
اياد : لا والله بس اوقات بيبقى فى كلام ولحظات بتبقى اجمل لما العيون تبقى قدام بعض
حنين بخجل : طب انا هقفل بااى
اياد : هههه مع السلامة
🙈🙈🙈🙈🙈🙈
حنين قفلت مع اياد وقلبها بيتطنطط من الفرحة ودقاتة زادت اووى وبمجرد أنها تسمع نبرة صوت اياد بتحس أن روحها بتتسحب منها وكل شوية تفتكر كلمة من المكالمة ومن كتر فرحتها مسكت الكاسيت وباستة 😘 وشغلت اغنية لايهاب توفيق ( على كيفك ميل ) وفضلت ترقص عليها وتخيلت أن اياد قاعد وبيتفرج عليها وحسيت ساعتها انها مالكة الدنيا ف ايديها ومرة واحدة سما اختها دخلت عليها
سما 😡: انتى قاعدة بترقصى ومش حاسة بيا
حنين : اعوذ بالله فزعتينى
سما : محدش حاسس بيا انا ثانوية عامة يا ناااس حسوا بيا بقى
حنين : اعملك أية يعنى متذاكرى
سما : ابسط حاجة سمعيلى ولا انتى كبيرة بالاسم بس
حنين : بدأنا بقى فى طولة اللسان
سما : يا حنين مش انا اختك
حنين : للاسف 🙄
سما : يعنى مش بتحبينى
حنين : يا بنتى انجزى عايزة انام
سما : تنامى 🙄🙄 دلوقتى
حنين : أية المشكلة
سما : ما انتى كنتى بترقصى ولا دى طقوس قبل النوم هههههههه
حنين : ههههه خلصى بقي واقفلى الباب
سما : هقول لماما أن حنين رقصت وبعد كدة نامت
حنين : قولى يا رخمة ،، فصلتى المود
سما : مود أية بقى ان شاء الله ولا تكونى فاكرة أنة ممكن يبصلك
حنين 😱: مين دة
سما : ايهاب توفيق اللى بترقصى على اغنيتة وفاكرة نفسك سهير ذكى
حنين : ايهاب توفيق ممم لا طبعا مش هيبصلى وامشى اطلعى برة
سما : انا ليا سرير معاكى يعنى اقعد براحتى
حنين : نسيتى انك بتذاكرى والوقت دة ضاع منك ف الارض
سما : فكرتينى 😭😭 انا هقوم اذكر
حنين : قومى يالا
😊😊😊😊😊😊😊
حنين قفلت الكاسيت ونامت عالسرير وهى سرحانة وبتبص للسقف وبتتخيل اياد لما يجى المرة الجاية ممكن يقولها أية ...
😴😴😴😴😴😴😴
صحيت حنين زى كل يوم ولبست سالوبيت وجت تلبس الحجاب افتكرت كلام اياد وانة طلب منها تغطى شعرها وفعلا حنين طلعت الحجاب لقدام شوية بس كان فى شوية لسة باينين بحكم أن الحجاب شيفون يعنى مكنش لية لازمة اصلا وكانت مصدقة نفسها انها كدة محجبة معرفش ازاى هههههههه
🤭🤭🤭🤭🤭🤭🤭
داليا : ازيكوا
حنين : اهلا أية اللى اخرك
داليا : على ما لقيت حاجة اركبها
بوسى : طيب انا جعانة
حنين : وانا كمان يالا نقوم ناكل بيتزا من الكافتيريا
داليا : يالا
حنين بتلف تاخد شنطتها لقيت داليا بتقول : الحقى
حنين : فى أية
داليا : اياااد اهو
بوسى : هو انتى كلمتية امبارح
حنين بلهفة وفرحة : اة
داليا : كدة بانت اوى وعلى فكرة بص عليكى يا حنين وبعدين لف وشة تانى
حنين برعشة : طب أية يالا ناكل
بوسى : يالا وقولى قالك أية
حنين : ماشى ماشى بس امشوا بسرعة
اياد لمح حنين بتتحرك وتمشى وفضل واقف مكانة متحركش وكان واقف مع اتحاد الطلاب ف الجامعة وكان بيتكلم وكلهم مركزين معاة وحنين طبعا عجبها المنظر دة جدا وكبر فى نظرها اكتر واكتر...
داليا: يالا قولى بسرعة
حنين : انا اتصلت و................
بوسى : انتوا اللى اتنين وقعتوا يا حنين خلاص ولية بتكابروا
حنين : انا خايفة
داليا : هههههه مش بيخوف متخافيش دة انسان طبيعى زينا
حنين : أية اللى جابة النهاردة
داليا : باينة اوى أنة جة عشان يشوفك
حنين : معتقدش هو اصلا محاولش يسلم اصلا
داليا : احنا معترفين أنة تقيل وانتى عنيدة صح ؟
حنين : خلاص خلاص قفلوا هو شكلة كان بيتسلى ويشوف انا هتصل ولا لاة وهو كسب خلاص وانا غبية انى ضعفت وكلمتة
بوسى : لية حكمتى علية اصبرى لحد اليوم لما يخلص وتشوفى هيعمل ايه
حنين : هو شكلة موجود من بدرى ومجاش يسلم باينة اوى
داليا : طب يالا ناكل ونرجع المدرج ونشوف هيعمل ايه
حنين : احنا هندخل المحاضرة على طول
بوسى : خلاص ماشى
😊😊😊😊😊😊😊
رجعت حنين ولقيت مجموعة من زمايلها فى اثار واقفين وراحت تسلم عليهم وتشوفهم ....
نهى : حنون ازيك
حنين : الحمدلله الكلية نورت
نورهان : عندكوا زحمة زينا
بوسى : الجامعة كلها زحمة النهاردة عشان مراجعات بقى والكل بيلم المنهج
عمرو: احنا هنعمل رحلة بس مع نفسنا عشان نغير جو قبل الامتحانات أية رأيكوا تطلعوا معانا
بوسى : والله فكرة واهو مننا فى بعض
حنين : فكرة أية انتى كمان للاسف انا مش هينفع اطلع
نورهان : لية يا حنين
حنين : مافيش عندى حد ممكن يوافق انى اطلعها
نهى : لية يعنى احنا كبرنا المفروض
حنين : صعب يا جماعة ،،اطلعوا انتوا بقى وانا مش زعلانة والله
داليا : هنطلع من غيرك يا نونة
حنين : اة عادى انتوا محتاجين تغيروا جو
بوسى : طب نقول لباباكى يمكن يوافق
حنين : متحاوليش بابا استحالة يوافق
نورهان : خلاص براحتها يا جماعة هى ادرى بظروفها
عمرو : فين هانى ؟
داليا : اهو اهو جاى
هانى : جمعتوا كام
نهى : بقينا كدة ٤٦ ناقص أربعة والباص يكمل
حنين : طيب ظبطوا كدة وانا هقعد عند المدرج استناكوا
بوسى : ماشى يا نونة مش هنتأخر
😌😌😌😌😌😌😌
حنين مكنش فارق معاها الرحلة على اد ما ادايقت انها اتصلت باياد وحست انها كدة رخصت نفسها وثقتة بنفسة طلعت فى محلها وخدت قرار أنة لو حاول يكلمها مش هتديلة فرصة ولا هتسمعة ..
قعدت حنين على سلم المدرج مستنية داليا وبوسى ولفت ضهرها للحيطة عشان عينيها متقعش على حد أو بالتحديد اياد وعشان ميفتكرش انها بتلاحقة بنظراتها ...
وبعد حوالى خمس دقائق جة اياد ..
اياد : ياعم مدينا ضهرك لية ولا خايف نحسدك
حنين : انت بتكلمنى
اياد : تفتكرى فى حد هنا ممكن يتحسد غيرك
حنين : انت لية بتتكلم معايا بلهجة غريبة كدة
اياد.: انتى مصرية مش كدة
حنين : افندم
اياد : سؤالى واضح
حنين : لية شايفنى بتكلم انجلش ولا فرنش معاك
اياد : بتتكلمى عربى يعنى
حنين : وبعدييين
اياد : مش انتى اللى بتقولى بتكلمنى بلهجة غريبة فقولت اشوف العربى بتاعى مفهوم ولا لاة
حنين : يا سلاام
اياد : أية اللى مزعلك
حنين : مافيش وانا هزعل لية
اياد : ملامحك ونبرة صوتك بتقول كدة
حنين : انت عاوز منى أية
اياد : هو دة اللى مزعلك أن بكلمك
حنين : لاة مش الكلام،، الطريقة غريبة مش عادية
اياد : حستيها يعنى ولا حد قالك
حنين : حستها طبعا
اياد : طب واحساسك دة وصلك لأية
حنين : عايز تعرف
اياد : ياريت
حنين : وصلنى أن لعبت لعبة وخلاص جيم اوفر
اياد 🤨: مش فاهم
حنين : انا كنت عاملة عليك رهان عشان البنات فاكرين انك مغرور وتنك ومافيش واحدة تقدر تكلمك وانا كسبت الرهان
اياد : كسبتى الرهان يعنى
حنين : طبعااا
اياد : والرهان كان على أية
حنين : نعم
اياد : اعرف بس
حنين : بيتزا هااا عرفت
اياد : هههههههههههه
حنين : أية اللى بيضحك
اياد : يا مفترية انا اساوى عندك بيتزا
حنين : دة رهان
اياد بنظرة قوية: وانا مبسوط انك كسبتى الرهان
حنين : مبسوط !!
اياد : طبعاا
حنين : انت بتستفزنى ولا أية
اياد : عنيدة وعنيكى بتكابر بس مليانة شقاوة
حنين : عنيدة ف أية
اياد : انا مش فارق معايا الرهان ولا كلام البنات دة بس لو عرفت انك عملتى الحكاية دى تانى مع حد مش هيحصل كويس
حنين : دة بجد
اياد : جربى وشوفى
حنين : انت بتخوفنى
اياد : برافوا عليكى انك سمعتى الكلام
حنين : كلام أية
اياد : عدلتى الحجاب شوية
حنين : .......
اياد.: عايز اقعد اتكلم معاكى ممكن
حنين : امبارح عايز اتكلم معاكى ورقم التليفون اهو والنهاردة عايز اقعد اتكلم معاكى وتعالى نتقابل وهكذا مش كدة ،،هو انت فاكرنى أية
اياد : انا جيت لية النهاردة وسايب شغلى وحالى
حنين : معرفش وانا مالى
اياد : عارفة انا موجود من الساعة كام
حنين برقة : لاة
اياد.: ٧.٣٠
حنين : لية
اياد : مستنيكى وكنت خايف تدخلى المحاضرة قبل ما اشوفك
حنين : لية دة كلة
اياد بنظرة اعجاب : عايزك فى موضوع
حنين : طب قول
اياد : طيب تيجى تتمشى وتسمحيلى اعزمك على حاجة
حنين : هقوم بس مش عاوزة حاجة
اياد : تعالى بس نقعد فى حتة ونتكلم
حنين : عندى محاضرة كمان عشر دقائق
اياد : مش هأخرك
حنين : ماشى
🥰🥰🥰🥰🥰🥰🥰
لااااايك وكومنت عشان نعرف اياد خد حنين وراحوا فين وقالوا أية 😉
تحياتى حنين الماضى 🤗
