🥰🥰🥰🥰🥰🥰🥰
اياد وحنين اعترفوا بحبهم لبعض بين الدموع والشجن ووجع قلب ليهم هما الاتنين
اياد : المهم دلوقتى عايزك تركزى فى المذاكرة عشان عاوز مراتى متفوقة وتكون اد المسئولية وعايز نتيجة حلوة عشان لما اروح لباباكى يبقى ليا عين اطلبك منة وميقوليش انت أثرت على مذاكرتها ،،اتفقنا ؟
حنين : ههههه مراتك
اياد : طبعا ولا انتى شايفة اية؟
حنين : لالا ولا حاجة خلاص هههههههه
اياد : ممكن اطلب طلب ؟
حنين : اهلااا بدأنا
اياد.: حقى بقي
حنين : أية الطلب الاول
اياد : انا دمى حامى شوية فممكن تراعى النقطة دى فيا
حنين : اعمل اية يعنى مش فاهمة
اياد : انا بتجنن لما بلاقى خصلة خارجة من شعرك وباينة من الحجاب وانا اصلا مش مقتنع أن دة حجاب
حنين : ممم وبعدين
اياد: غطى شعرك ومش عاوزة يبان الا ليا بعد جوازنا
حنين بدلع : هو شكلة وحش للدرجة دى عشان كدة مش عاوز تشوفة
اياد : وحش أية بس دانا خايف عليكى من الجمال دة ،،والله خايف عليكى من عينى انا قبل اى حد
حنين : 😊 انت بتتكلم حلو اوي
اياد : والله ما كلام دة احساس ،،انا لما ببص ف عينيكى واقعد اتفرج على ملامح وشك ببقي مش مصدق انك بتاعتى وهتبقي مراتى
حنين : ياااا للدرجادى هههههههه انت كدة هتخلينى اتغر بقي
اياد.: طبعا وانا هشجعك كمان هههههههه
حنين : اقولك على حاجه
اياد : قولى
حنين : انا لما شوفتك اول مرة عجبتنى اوى وعجبنى عدم اهتمامك بالبنات اللى معدية من قدامك بالرغم أن كل واحدة فيهم اجمل من التانية واحلى منى اكيد ،،ولما قربت منك وانت نزلت الجورنال حسيت ان عينى دخلت جوة عينيك ومحستش بنفسى وانا بتكلم وان عينى ثابتة فى عينيك ومش عاوزة تتحرك ويومها بقيت مستغربة هو أية اللى حصل
اياد : فاكرة لما كنتى قاعدة عند المدرج وجيت حطيت رجلى عالسلم جنبك
حنين : اااة طبعا فاكرة
اياد.: ساعتها كنت قاصد كدة وعشان كدة قولتلك فى حاجة خرجت منك وجاتلى واهو انتى دلوقتى اكدتى احساسى
حنين : ايوة فعلا دة بجد حصل هههه حاجة غريبة اوى
اياد : بالعكس مش غريبة ،،وانا اللى كنت بتريق عالناس اللى بتتكلم وتقول كيوبيد الحب رشق هههههههه اهو رشق معايا سبحان الله
حنين : انت عارف ان كل البنات بتقول عليك مغرور واتم
اياد.: عارف
حنين : عشان كدة اتراهنت عليك
اياد.: وكسبتى وقدرتى يا قادرة توقعينى على وشى وانا مبسوط ومبتكلمش
حنين : طب ما انت كمان وقعتنى ومكنش ف حسابى كدة خالص
اياد : انا دلوقتى مؤمن أن الحب دة بالنظرة الاولى ومن غير مقدمات ولا حتى العقل لية دور
حنين : صححح بدليل أن محدش فينا يعرف اى حاجة عن التانى خالص
اياد : انا حبيتك من غير ما اعرف حاجة بعيوبك بسلاطاتك ببابا غنوجك
حنين : اييييية دة انت جعان ولا أية
اياد.: انا جعان كلام معاكى ومش عاوز الوقت يعدى وهتدخلى ف امتحانات ومذاكرة وبعدها إجازة طويلة وانا محتاج اشوفك وأخرج معاكى برة إطار الجامعة أو عالاقل نتكلم يوميا في التليفون محتاج فعلا اعرفك اكتر محتاج اسمعك
حنين : انا كمان عاوزة اعرف عنك كل حاجة اسمك وعندك كام سنة وبتشتغل أية واهلك وكدة يعنى
اياد : طب والحل أية
حنين : الموضوع جة ف وقت غريب
اياد : انتى بتتكلمى عشان الامتحانات عندك مش كدة ؟
حنين : للاسف اة ،،طبعا انت عندك أسباب تانية مش كدة
اياد : سيبى كل حاجة لوقتها
حنين : قلقتنى كدة
اياد : شششش ولا قلق ولا حاجة وبعدين هتعرفى كل حاجة وريحى دماغك خالص وركزى فى مذاكرتك وبسس
حنين : انا بس بفهم اعرف وافهم
اياد : هتفهمى وتعرفى كل حاجة بعد الامتحانات ،،بس تعالى هو انتى متعرفيش أسمى !!
حنين : معرفش غير اياد بس باقى الاسم لاة
اياد : هههههههه خلاص كفاية ولا أية
حنين : ممم انا بقول كدة هههههههه
اياد : وانتى اسمك حنين أية
حنين : مش هقولك
اياد : هههه ماشى ،،،وبعدين فى دلعك دة انا كدة بتعب بلاش كدة
حنين : هو انا جيت جنبك
اياد : طب ما تيجى هو انا أقدر اقول حاجة
حنين :بعينك
اياد : ههه مالها عينى
حنين : حلوين اوى ولونهم يجنن بص انت كلك على بعضك حلو
اياد : اوووو كتير يا كاظم عليا كدة
حنين : أية دة صحيح دى اغنية كاظم هههههههه
اياد بنظرة شقاوة : كلك على بعضك حلو والاحلى الخجل اللى بعيونك تزعل أو تغضب حلو ......
حنين : صوتك حلو بس انا كمان على فكرة بعرف أغنى وياما اشتركت فى حفلات المدرسة وكنت بغنى لصباح ووردة
اياد بانبهار : كمان بتغنى
حنين : طبعا هههههههه انا المنوعات كلها تلاقيها عندى
اياد : هههههههه يعنى اية
حنين : يعنى ربنا يحمينى كدة ممكن انكد عليك واخليك تعيط ودموعك على خدك وتضحك فى نفس الوقت ونغنى كمان هههههههه مجنونة يعنى
اياد : دانا محظوظ بقي
حنين : اى خدمة لما بقي تبقى عاوز نكد شاور بس هتلاقينى على طول هههههههه
اياد : هههههههه يا ساتر ربنا ميجبش نكد
حنين : متاح عندى كل الاوبشن متقلقش
اياد : لذيذة
حنين : بجد
اياد : اة والله بجد
حنين : 🥰🥰
اياد : يالا نقوم بالرغم أن هقوم غصب عنى بس مش هينفع تتأخرى عن كدة
حنين : ياااخبر الساعة بقيت ٢ زمان البنات زعلوا منى
اياد : لما يعرفوا انى مكنتش بضحك عليكى مش هيزعلوا
حنين : هههههههه متزعلش منهم
اياد : لالا ازعل أية بالعكس دة هما السبب للى حصل النهاردة
حنين : انا مبسوطة
اياد : وانا كمان فرحان من جوايا اووى
حنين : خلاص انا مش هنزل الكلية تانى وهقعد عشان اذاكر
اياد : عارف ودة اللى بفكر فية ،، طب اى رقم اكلمك علية
حنين : بص انا معايا موبايل بس ساعات اخويا بياخدة منى لما بيتأخر عشان بابا مش عاوز يجيبلة موبايل وكدة ههههه
اياد : طب هاتى الرقم
حنين : طب افرض اتصلت واخويا رد عليك
اياد : عادى هقول اى اسم
حنين : ممم مش مضمونة الحكاية دى
اياد : اهو احتياطى لحد لما تخلصى
حنين : انا معايا رقمك قولى مواعيدك وانا لو الوقت مناسب عندى هتصل بيك
اياد : ماشى اهى فكرة بردة
حنين : لازم اخد الملازم وارجع البيت
اياد : انتى ساكنة فين
حنين : المعادى
اياد : تمام
حنين : وانت
اياد : عين شمس
حنين : اوك
اياد.: مالك
حنين : عين شمس اعرف انها منطقة شعبية صح
اياد.: قصدك منطقة فيها رجالة وناسها مستوى عالى بس بيقعدوا فيها عشان اللمة والعيلة والونس
حنين : لية بتقولى كدة
اياد : عشان فى فرق اكيد بين المعادى وعين شمس بس لو كنتى عيشتى فى عين شمس هتعرفى أن فيها روح حلوة ف كل المناسبات زى الاعياد ورمضان والافراح حتى العزاء كمان وكلة واقف جنب بعضة وكلة عارف بعضة
حنين : حلو اوى الجو دة للاسف احنا معندناش كدة وطبيعى الجيران كل واحد فى حالة ولو قابلوا بعض صباح الخير صباح النور وخلاص
اياد : لما يجى الوقت المناسب هخدك قبل اى حاجة تشوفى كل حاجة بعينك وتعيشيها وتحكمى بنفسك
حنين : ان شاء الله بس اللى يشوفك يقول انك من الدقى على فكرة أو مصر الجديدة فيك شبة منهم
اياد : ههة شبة ازاى يعنى
حنين : طريقة لبسك وكدة
اياد : لاااا دانتى شكلك واخدة فكرة كوبيا عن عين شمس هههههههه لعلمك كل الناس اللى ف عين شمس ناس مستواها كويس وراقى جدا ومستواهم المادى مرتاح بس السكن دة بيبقى راحة نفسية ،،فى ناس بتحب الهدوء وفى ناس ليها ف الدوشة وكل منطقة فيها وفيها وبعدين تعالى هنا هو انتى لية محسسانى انى ساكن فى حارة
حنين : هههههههه مش قصدى والله بس بفهم بس
اياد : لالا احنا هنعجبك اوى على فكرة بس متستعجليش وهنوريكى رجالة عين شمس هههههههه
حنين : هههههههه ماشى اتفقنا
😍😍😍😍😍😍😍😍😍😍
لااااايك وكومنت 😍 احساس حنين واياد فى اليوم دة كان قمة في الفرحة بمعنى الكلمه....
تحياتى حنين الماضى 🤗
