البارت (٤٩) والاخيييير حدوتة حنين
.....................................
بوسى : الف مبروووك عذبتونا معاكوا ..الحق انا أجرى عشان زمان بنتى عاملة احلى واجب مع ماما ههههه
اياد.: الف شكر يا بوسى ولو احتاجتى اى حاجة انا عينى ليكى طبعااا
حنين : مش عارفة اقولك حاجة غير أن الحمدلله ربنا عوضنى بيكى 😘😘
الام : شكرا يا بنتى وان شاء الله ربنا يسعدك زى ما فرحتى حنين وفرحتينا
يوسف : تعالى بقى اوصلك انا وسما عشان الدنيا ضلمت
بوسى : ماشى موافقة
الام : انا هنزل اكلم بابا وافرحة وانت يا اياد بات بقي هنا فى الشقة النهاردة واسهروا كدة وشوفوا عايزيين تعملوا أية ولعلمكوا انتوا الاتنين بابا عاملكوا مفاجأة حلوة بس كان مستنى يشوف رد حنين
حنين : هو فى مفاجأة تانى
الام : ماهو ربنا رحمتة واسعة وكل حاجة بميعاد
اياد : متشكر يا امى جدا واسف لحضرتك لو زعلتك منى
الام : حمد الله على سلامتك
اياد.: الله يسلمك
🚪🚪🚪🚪🚪🚪🚪
حنين : هههههههه هههههههه
اياد.: ههههه حبيبى بيضحك على أية
حنين : معرفش بس مستغربة ..تخيل كلهم نزلوا وسابونى معاك فى الشقة لوحدنا والباب مقفول هههههههه
اياد.: تفتكرى قصدهم اعمل حاجة ؟
حنين : انت لسة بتفكر كدة
اياد.: عارفة يا حنين انا عرفتك وانا عندى ٢٦ تقريبا ودلوقتى داخل على ٣٠ بس من ساعة اخر مكالمة وكل حاجة وقفت بالنسبالى وياما اتمنيت امشى فى اى شارع واشوفك صدفة ولو مرة وياما وقفت وبصيت للسما وكنت بقول ياترى بتفكرى فيا دلوقتى ولا بتهربى من دماغك
حنين : انا كل مكان وكل شارع وكل اغنية كنت بسمعها معاك كانت بتخلينى غصب عني افتكرك كل يوم
اياد : انا عايز اعرف منك حاجة
حنين : أية هى
اياد.: وليد حاول يلمسك
حنين : المفروض متسألش
اياد.: عشان خاطرى ريحينى
حنين : لو اة هتعمل ايه
اياد.: هسألك حسيتى بية
حنين : انا يا اياد مسمحتش لحد يعدى حدودة للدرجة دى مش عشان مينفعش لاة عشان انت كنت مالى قلبى وصعب اعيش الاحساس دة مع حد غيرك
اياد.: بحبك يا مجنونة
حنين : انا مجنونة بعد كل دة
اياد.: انتى طاووس قلبى
حنين : يااااة لسة فاااكر
اياد : ولا هنسا عمرى
حنين : ولا انا .. هتبات فعلا هنا النهاردة
اياد بنظرة حب : انتى عاوزة أية
حنين : عاوزاك تبات ونقعد مع بعض للصبح عشان اشبع منك وقلبى يخف مع الوجع اللى كان فية
اياد.: حاضر وقلبك دة انا عارف علاجة وفى اقرب وقت هصالحة
حنين : هههههههه عايزة احضنك
اياد.: وانا كمان عايز احضنك وف نفس الوقت عايزك تفضلى قدامى كدة عشان عينى تشبع وتصدق انها شيفاكى
حنين : 👄👄
🥰🥰🥰🥰🥰🥰🥰
نزلت حنين وطلعت هى ويوسف وجابوا عشا لاياد ويوسف جاب طقم من عندة عشان اياد يغير فية ...
نزلت حنين على اوضتها وهى مش مصدقة أن اياد بينة وبينها كام سلمة ومتاح انها تكلمة فى اى وقت وفى عز ماهى بتفكر فى اياد وصلت مسدچ من اياد " بحبك يا اجمل نساء الدنيا"
حنين " بحبك يا اجمل حاجة فى عمرى كلة "
اياد." نامى عشان عندنا مشاوير كتير بكرة من الصبح "
حنين " حاضر هحاول "
😴😴😴😴😴😴😴
نامت حنين بصعوبة وصحيت وطلعت جرى تطلع الفطار لاياد واول لما خبطت اياد فتح وابتسم
اياد.: فى جمال كدة
حنين : ههههه يالا عشان تفطر
اياد.: شبعان والله
حنين : هو انت كلت حاجة عشان تشبع
اياد.: امبارح وحضنك ليا خلانى احس انى شبعان من كل حاجة
حنين : طب عشان خاطرى افطر
اياد.: هتفطرى معايا
حنين : هشرب شاى باللبن وخلاص
اياد : طب البسى على ما انا اجهز
حنين : حاضر
🏃♀🏃♀🏃♀🏃♀🏃♀🏃♀🏃♀
نزلت حنين مع اياد فى عربيتة وراحوا يشوفوا مكان للفرح وفضلوا يلفوا لحد لما اختاروا دار الأسلحة والذخيرة واختاروا قاعة (....) وكان عددها ٢٥٠ فرد ...
اياد.حجز القاعة وحنين فضلت انها تروح كوافير مشهور ومعروف فى مصر الجديدة وراحوا حجزوا الكوافير واتحدد ميعاد الفرح ٧/٥ يعنى تاريخ خطوبتهم ١٠ وزواجهم ٥ من نفس الشهر ...
اياد خد حنين وطلعوا على مطعم الألفى بيك بتاع الكباب والكفتة اللى راحوا عندة من حوالى ٤ سنين وكانت حنين لسة فى الجامعة وعلى نفس الترابيزة ونفس الاوردر اياد طلبة وقالها : فاكرة هنا من اربع سنين أكدت على وعدى ليكى بانك مراتى والنهاردة احنا حجزنا قاعة الفرح والكوافير وكمان شوية هنعدى عليهم فى البيت ونروح نجيب الشبكة
حنين : لو قولتلك أن قلبى وجعنى من الفرحة تصدقنى
اياد.: مصدقك بس عايزك تهدى خالص وخلاص مافيش حاجة هتبعدنا تانى
حنين : كل حاجة حلوة دلوقتى حواليا بس لية حاسة انك حزين وبتحاول تدارى
اياد.: كنتى هتضيعى منى للابد ولما شوفت الموت كنت خايف اموت وانتى شيفانى ندل وكأنى كنت بجرى فى سباق ونفسى اتقطع لحد ما وصلت ومش مصدق انى وصلت
حنين : حبيبى الف سلامة عليك ،،طب فين اخواتك واهلك مش باينين لية
اياد.: طلبت منهم محدش هيظهر إلا لما اخلص كل حاجة وهبلغهم بميعاد الفرح ..المهم انتى دلوقتى يا حنين لأنك بسببى اتعرضتى لمواقف سخيفة زى تلميحات داليا
حنين : بلاش نجيب سيرتها لو بتحبنى وخلاص اهم حاجة انت دلوقتى وفرحنا
اياد.: عندك حق يالا ناكل عشان نلحق نرجع ناخدهم
حنين : ماشى
اياد : متنسيش تعملى ساندويتش لسما فاكرة هههههههه
حنين : هههههههه انت لسة فاكر
🥰🥰🥰🥰🥰🥰🥰
حنين جابت شبكتها ونزلت اشتريت فستانها وكان نفسها فستانها يكون منفوش جدااا وبديل صغير وطرحة ملفتة وفعلا لقت اللى هى عاوزاة وجابت فستان شيك والديل كان من التطريز تقيل جدا ...
الشاذلى اتفق مع اياد أنة هيجيب العفش كلة وفرض على اياد ميجبش حاجة خالص فى العفش ومع إلحاح اياد ومنعا لاحراجة جاب اياد اوضة النوم والشاذلى أصر يجيب باقى العفش وكمان حجز ٣ ليالى فى الفورسيزون للعروسين من تانى يوم الفرح واياد حضر مفاجأة لحنين انها تسافر اى مكان برة مصر لو حبت فى شهر العسل ...
لكن حنين رفضت وكان كل اللى هممها انها تفضل مع اياد فى شقتهم ويكون مقفول عليهم ....
🥰🥰🥰🥰🥰🥰🥰
قرب الفرح وكل حاجة بقت تمام وحنين هتبقى بشعرها فى الفرح بعد موافقة اياد
👏🏻👏🏻👏🏻👏🏻
يوم الحنة اياد راح عند أهلة لأنهم كانوا عاملين حنة كبيرة فى الشارع وجايبين فرقة ودى چى وطلبوا منة يطلع من البيت عالكوافير وبعدها على شقتة الجديدة ..
وفعلا اياد كان بيحاول يرضى كل الأطراف ونفذ طلبهم ،،خصوصا أن الحنة عند حنين بتبقى بنات بس وممنوع حد.يدخل خالص ولا حتى باباها ...
حنين عملت حنة جميلة وجابت واحدة سودانية بفرقتها يغنوا ويرقصوا ويرسموا حنة لكل بنات العيلة ... وعالساعة ٩ حنين اتفاجئت بام اياد وعمتة واختة وبنات قرايبهم وجايبين ورد وشيكولاتات كتير ومامتة طلعت جنية دهب هدية لحنين و اختة جابت برفانات وباركولها وعملوا الواجب ورقصوا معاها وكانوا مبهورين بحنين ...
خلصت الحنة وكان يوم فى منتهى الجمال ...
وقبل ما تنام اتصلت باياد
📲📲📲📲📲📲📲
اياد.: مراتى
حنين : 😬 حبيبى وجوزى
اياد.: خلصتوا والناس مشيت
حنين : اة واتهديت
اياد.: لالا انا عايزك تجمدى كدة عشان محتاجك بكرة نشيطة
حنين : ههههه انا عيشت عمرى اللى فات كلة مستنية بكرة دة عشان تمنة كان غالى
اياد.: خلاااااص كلها سااااعات وتبقى مراتى بالشرع والقانون
حنين : ههههه حلوة بالشرع والقانون
اياد.: بحبك
حنين : وانا بمووووت فيك
اياد.: مافيش صورة كدة ولا كدة من الحنة يعنى اى تسريب كدة
حنين : هههههههه لاة
اياد.: مااااشى عالعموم هاانت
🥰🥰🥰🥰🥰🥰🥰
جة يوم الفرح والشاذلى كان جايب عربية لحنين تاخدها طولها ٣ متر ومن ذهول حنين مكنتش عارفة تصدق
سما : أية دة
حنين : هى العربية دى احنا هنركبها
سما : بابا واقف فوق بيشاورلى بيقول اركبوا
حنين : اة بيشاور ..طب يالا
يوسف : انتوا واقفين كدة لية يالا ولعلمكوا كنت عارف بس بابا قاللى سيبها مفاجأة
حنين : ههههه مفاجأة حلوة
سما : يالا يالا بس محتارة افتح أنة باب ،،هههه العربية طويلة اوى
حنين : ههههه كلنا هنركب
يوسف : معلش اتأخرنا عليك
انا هحط الفستان والحاجة فى الباب اللى ورا وانتوا اركبوا فى النص وانا هركب قدام
حنين : ماشى
🚎🚎🚎🚎🚎🚎🚎
وصلت حنين للكوافير ويوسف ساعدها هى وسما وطلع فساتينهم وحاجة اخواتة وبعد كدة رجع تانى وخد العربية عشان تتذوق
💃💃💃💃💃💃
خلاص حنين جهزت والساعة بقت ٧ واياد وصل عشان ياخدها ويوسف كان ظبط معاة موضوع العربية واتقابلوا عند الكوافير ...
طلع اياد ومعاة الچيرب لحنين واول لما شاف حنين باسها من ايديها وقالها قمررر
نزلت حنين من الكوافير مع اياد وركبت العربية ومعاها سما واخت اياد ومامتها وقرايبها وكان نفسها بوسى تركب معاها بس منفعش عشان بنتها ..
وصلت حنين واياد لدار الأسلحة والذخيرة وطلعوا فى الاستوديو اتصوروا وبعد كدة طلعوا على القاعة والزفة اشتغلت وقعدت تقريبا ساعة وكان الفرح زحمة جدااا جدااا وبعدها حنين دخلت القاعة مع شو للبنات البالية وبدأت تشتغل اسماء الله الحسنى وبعدها الشاذلى خد اياد فى قاعة تانية صغيرة يكتب الكتاب فيها وكانت حنين بتشوف دة من الشاشات الموجودة فى القاعة لحد لما جابوا الدفتر وخلوا حنين توقع علية ...وبعدها اشتغلت الزغاريط
وبدأت الفقرات تبتدى ورقصوا على اغنية تيتانك وهنا اياد فكر حنين بان الاغنية دى اللى رقصوا عليها فى فرح داليا وكانت ساعتها اول رقصة ليهم ...
اياد مكنش حاسس بحد حوالية وكانت كل مشاعرة مع حنين وبسسس وهى كمان لدرجة أنها كانت من وقت للتانى تدوس باظافرها على أيدها التانية عشان توجعها وتتاكد أن دة حقيقة مش حلم ...
اشتغل الدى جى شوية وبعدها جت المطربة هدى وغنت حوالى ساعة إلا ربع وعملت جو حلو فى الفرح وبعدها الاوبن بوفية ودخل اياد وحنين فى مكان منفصل عن القاعة يتعشوا ..
اياد.: اجمل نساء الدنيا فى عنيا انا قدرت تاخدنى فى ثانية ...... وعد منى ما احب غيرك فى الوجوووود
حنين : بصوت عالى جدا وبفرحة غير طبيعية .. عاشقة وغلبانة ونبى ....
اسلام : أية دة أية دة والله لهتغنوا كدة برة قدام الناس
اياد.: انت جيت امتى
اسلام : جيت اشوف يمكن الناس هنا حاطين حاجة زيادة فالاكل عندكوا ومش عندنا
كلهم : هههههههه
متر القاعة : يالا اتفضلوا معانا
اياد.: يالا يا حبيبى
وعند الدى جى اسلام قالة انة دخل عالعرسان ولقاهم بيغنوا وياريت يعصرهم فى الأسئلة لان دى قصة حب قوية ...
الدى جى: اهلا بعريسنا اياد وعروستنا حنين والف الف مبروك وياريت نسمع احلى زغروطة للعريس
لولولى لولولى لولولى
طب العروسة لولولى لولولى لولولى لولولى
الدى جى: عاوزين من عريسنا
احلى اغنية لعروستة
اياد.: لالا صوتى وحش
الكل: يالا يالا يالا
اياد.: غنى اجمل نساء الدنيا
الدى جى: وعروستنا عاوزين اغنية لعريسنا
حنين : أية الاحراج دة
سما : يالا يا حنين
بوسى : يالا يا نونة فاكرة الأغنية ولا نستيها هههههههه
حنين : ههههه فاكراها بس محرجة اوى اوى
اياد وقف قدام حنين وابتسم وبص جامد فى عينيها والكل ركز مع اياد واستغربة والإضاءة هديت خالص عشان حنين تتجرأ وتغنى من غير كسوف ولما اياد قرب منها مسك ايديها ،،حنين اتشجعت وغنت على عش الحب وبعدها اياد شالها ولف بيها...والكل طبعا كان بيسقف والزغاريط شغالة وكانت ماما بتعيط من فرحتها بحنين وانها شايفاها فرحانة كدة والشاذلى جة وحضن بنتة وباسها وبعد كدة رقص سلو معاها خمس دقايق وبعد كدة أداها ليوسف وبعد.يوسف راحت لاياد ...
خال حنين مبطلش رقص من اول الفرح وكل قرايب حنين كانوا معجبين باياد وبافعالة وعجبهم اكتر وهو بيرقص قدام حنين ،،خصوصا أن حنين اتفاجئت أن اياد بيعرف يرقص وكان رقصة فى منتهى الجمال ...
حنين كانت واخدة خلفية ان اى راجل بيرقص لازم يحرك وسطة وهو بيرقص وعمرها ما كانت بتحب رقص الرجالة لحد.لما شافت اياد كان قمة فى الجمال والرجولة والذوق ..
شوية والبنات طلبوا من حنين تغنى تانى وساعتها سما قالتلها غنى قولى قولى اللى غنتيها فى المسابقة فى مارينا بتاعة شاهيناز وفعلا حنين غنتها وعملت جو حلو وهيصة فى الفرح وخصوصا حنين وهى بترقص عليها كان اياد معجب بيها جدا..
من الاغانى اللى اشتغلت في الفرح ...
واحدة واحدة ..حماقى
النهاردة فرحى يا جدعان
سهر الليالي
لو بس بصلى انا هعمل ايه
اعمل اية ..عمرو دياب
منى عينى يا ناسينى ..شيرين
غمازات
اركب الحنطور
وغيرها من الاغانى الجميلة وطبعا اغنية اجمل نساء الدنيا ودى كانت اخر رقصة وبعدها حنين رمت الچيرب وسما هى اللى مسكتة
💃💃💃💃💃💃💃
خلص الفرح الحمدلله وكان الشارع مليان عربيات كتييير جدا خصوصا عربية العريس والعروسة كانت ملفتة فى الشوارع جدا وطبعا الشما ريخ اشتغلت وهما رايحين على البيت وكان اياد اتفق مع الشاذلى يقضى ليلة الفرح فى البيت وتانى يوم يروح هو وحنين الفورسيزون يقضوا ٣ ايام هناك ...وبعدها يطلعوا على شرم ودهب ..
🥰🥰🥰🥰🥰🥰🥰
وصلت زفة العربيات لحد بيت اياد وحنين والكل زغرط وبارك وفضلوا نص ساعة تحت العمارة واياد تعامل بأسلوب هادى وخد حنين وطلع الاسانسير وكانت كل العمارة مليانة ورد وتوقعت حنين أن اياد هيبوسها فى الاسانسير لكن معملش كدة🙈 وقبل ما الاسانسير يوصل للدور السادس اللى قبل شقتهم شال حنين ولما وقف الاسانسير ..اياد خد حنين وخرج وكان باب الشقة مفتوح لان ام حنين كانت سبقت وطلعت فتحتة وتحط ورد قدامة ...
وكانت سخنت العشا وطلعتة هى واخواتها معاها قبل ما العريس والعروسة يطلعوا ..
🚪🚪🚪🚪🚪🚪🚪
اياد قفل باب الشقة بالترباس وقلع الچاكيت وبارك لحنين وقالها : بقيتى مراتى وحب عمرى وعشيقتى
حنين : انت كمان بقيت جوزى وفرحانة انى مراتك عشان انت بقيت حتة منى
اياد قرب من حنين وبنظرة حب وشقاوة : بقيتى بتاعتى خلاااص
حنين : امممم
وقضى اياد وحنين احلى ليلة فى العمر بعد عذاب سنين ووجع وكانت ليلتهم اجمل ليلة بحكم الناس اللى عاشت قصتهم وفرحهم وكبر حب اياد وحنين وجابوا ولد زى القمر اسمة چينيار وبنوتة قمرين اسمها سيليا وربنا يخليهم يارب ....
ومن هنا خلصت حدوتة حنين وتوتة توتة خلصت الحدوتة واتمنى أن الرواية تبقى عجبت كل متابعينها لان كنت عارفة أن الوجع فيها اكتر من الفرح بس ربنا كبير وعوضنى بعد كدة بكتير ....
🥰🥰🥰🥰🥰🥰🥰
الرواية دى الوحيدة اللى كتبتها من غير هدف ولما نزلت اغنية اجمل نساء الدنيا ضعفت وبعض الفانز طلبوا روايتى وعشان كدة كتبتها وانا مش عارفة الهدف بس يكفى انى نشط الذاكرة اكتر وافتكرت ادق التفاصيل مع اياد تانى لانة شاركنى فى كتابتها وعيشت احداث خليتنى احس بحبى لاياد اكتر بعد كل السنين دى ... وعشان عارفة أنة هيقرا البارت دة وانا مستخبية منة دلوقتى عشان اعرف اكتبة ههههه عايزة اقولة حاجة مهمة ...
عدا على جوازنا ١٢ سنة ولسة بحبك ولسة بحترمك وبشكر الصدفة اللى جمعتنى بيك من ١٧ سنة وانت قاعد على المدرج وبتقرا الجورنال ،،ميرسى على كل حاجة بتعملها معايا وميرسى لشاهمتك معايا واحلى حاجة أن ولادى حتة منك سيليا وچينيار حبايب قلبى ...
تحياتى حنين الماضى 🤗
