البارت الحادى عشر
🥰🥰🥰🥰🥰🥰🥰
اياد : النهاردة البنت دى انفجرت ف العياط وطلبت منى ابعد عنها وحسيت وهى بتعيط أن فى حاجة جوايا بتتحرك ناحيتها بقوة ومقدرتش استحمل الكلام اللى بتقولة ومحستش بنفسى غير وانا بعترفلها
اسلام : اهلاااا
اياد : كأن فى حجر على قلبى وشيلتة ولقيتها بقيت شخصية تانية وف عينى مافيش احلى منها ومحستش لا بوقت ولا باى حد حوالينا خالص
أسر : ههههه مبروك يا كبير
اياد : هههه الله يبارك فيك بس المهم مش عاوز ابوكوا وامكوا يعرفوا حاجة دلوقتى
اخواتة : متقلقش
اياد : هى ممكن تتصل على تليفون البيت فخدوا بالكوا بس لانى اعتقد انها لو لقيت حد غيرى بيرد معتقدش هتتكلم فابقوا الحقوها..
اسلام : هههه ماشى يا عم
أسر : قول لاختك عشان هى هترد على التليفونات وموجودة ف البيت اكتر مننا
اياد : ماشى
🥰🥰🥰🥰🥰🥰🥰
حنين بقيت نفسها مفتوحة على المذاكرة وكل شوية تبص فى الملازم اللى اياد ادهالها وتبتسم ...
عدا حوالى ٣ ايام على اخر مرة اياد وحنين شافوا بعض فيها وكانت حنين نفسها تكلم اياد جدا بس مش عارفة تكلمة ازاى وامتى ..
قعدت حنين تذاكر وكل ما بوسى أو داليا يكلموها كانوا طبعا بيجيبوا سيرة اياد وبقوا يقولولها اتصلى بية على الأقل سلمى واقفلى لان هو اكيد مش عارف يتصل بيكى ...
حنين فكرت تتصل بية فى الوقت اللى اخواتها عندهم دروس برة البيت عشان هما اكتر حد بيستخدم التليفون فى البيت ....
وفعلا حنين دخلت اوضتها وطلعت رقم اياد وكانت مترددة فى الاتصال وبعدة كدة اتصلت ...
☎☎☎☎☎☎☎
اسلام : الو
حنين : .....
اسلام : الووووو
حنين : احمم ااا
اسلام 🤔: ايوة مين
حنين : اااا ....معلش...
اسلام : ثانية واحدة ثانية خليكى معايا
حنين : تمام
اياد وهو بينهج : الو الو
حنين : الو
اياد : اة اة هى هى برافوا عليك يا اسلام
حنين : 🙄 أية دة مش فاهمة
اياد : كنت متوقع انك هتعملى كدة فقولت اخد احتياطاتى
حنين : انا اصلا مقولتش حاجة معرفش هو عرف ازاى
اياد : دة خبرة دة هههههههه دة المستشار بتاعنا فى الأمور اللى زى دى
حنين : ايية دة انت مجرب قبل كدة ولا أية
اياد : مجرب أية بس ،،متضحكيش عليا وقوليلى اتأخرتى كل دة لية
حنين : مذاكرة ودوشة كتير دة غير مش دايما الوقت مناسب
اياد : طب وبعدين انا كل ما التليفون يرن اقول انتى وبقى شكلى وحش قدامهم
حنين : هههههههه
اياد : يتضحكى ماشى ماشى براحتك
حنين : انت عامل أية ؟
اياد : وحش من غيرك
حنين : طب الحمدلله انا كدة اطمنت عليك هههههههه
اياد : يعنى عجبك حالتى كدة
حنين : هو فى احلى من كدة هههههههه
اياد بصوت هادى : وحشتينى
حنين : ..........
اياد : والله وحشتينى وهتجنن واشوفك
حنين : ........
اياد : ساكتة لية ؟؟
حنين : محرجة ارد
اياد : معقولة المشاكسة تبقى كدة
حنين بدلع : قصدك أية يعنى
اياد : لما قولت عليكى لذيذة كان عندى حق
حنين : ازاى
اياد : عندك قدرة تغيرى مود اللى قدامك بسرعة غريبة
حنين : طب دى حاجة حلوة
اياد : طبعااا وعشان كدة هموت واشوفك
حنين : وانا كمان
اياد : وانتى كمان أية
حنين : عايزة اشوفك وأتكلم معاك
اياد : انا تحت امرك وقت ما تحبى ويكون مناسب ليكى عرفينى وانا انفذ
حنين : انت ذوق أوى
اياد : انتى اول بنت تقول عليا كدة ههههه
حنين : قصدك أية
اياد : مافيش واحدة حاولت تتكلم معايا الا واسترخمتنى
حنين : هههههههه فهمت
اياد : قوليلى المذاكرة عاملة أية معاكى
حنين : كويسة بس ربنا يستر بقى بردو الواحد خايف
اياد : ذاكرى من الملازم اللى ادتهالك ومش هتندمى
حنين : حاضر
اياد : .........
حنين : الو
اياد : .......
حنين : اياد اياد
اياد بنفس عميق : نعم
حنين : انت سكت لية زهقت منى
اياد : هو دة اللى وصلك
حنين : يعنى اية
اياد : يعنى قلبتى كيانى وكل دة موصلش
حنين باحراج : انا مبعرفش ارد هالكلام دة
اياد : بس انا حاسك جدا
حنين : بجد
اياد : والله بجد
حنين : انا ببقي فرحانة اوى وانا بكلمك
اياد : مش اكتر منى
حنين : طب معلش انا هقفل
اياد : اوعى تعملى كدة انا ماصدقت
حنين : خايفة حد ياخد بالة
اياد : يااااريت عشان يقصروا علينا الطرق
حنين : انت مين ؟؟
اياد : هههههههه بتردهالى
حنين : هههههههه والله ابدا بس عايزة اعرف عنك كل حاجة
اياد : ماشى ولو حاجة وقعت منى هبقي اكيد هقولهالك بعد كدة
حنين : خلاص ماشى
اياد : انا أسمى اياد اسماعيل اتخرجت ودخلت الجيش سنة بعد ماكان جايلى ضابط احتياط ٣ سنين فالحمد لله خدت عسكرى وقعدت سنة ولما خلصت بقيت اقدم فى كذا حاجة عشان اثبت شهادتى ودلوقتى بعمل كورس فى الكلية عندكوا واليوم اللى باجى فية دة باخد. المفيد ومنها بقعد مع اصحابى وطبعا رامى اخو رامز هو اللى ملتزم اكتر منى
حنين : بس انا على طول بشوفك قاعد عند المدرج
اياد.: انا ممشيها بطريقتى متقلقيش
حنين : انت غريب اوى
اياد : هههههههه لاااا حبيبك واصل اوى ومظبط الدنيا
حنين : بتقول أية
اياد.: أية قولت حاجة غلط
حنين : هههه لا عادى
اياد.: مش انا حبيبك
حنين : ممم
اياد.: ماشى مش هضغط عليكى اكتر من كدة واكملك ،،المهم انا عندى ٣ اخوات أسر واسلام واخت واحدة اسمها نسرين وبنقولها نوسة ودى الدلوعة بتاعتنا وانا قاعد فى عمارة كلها اعمامى وابويا هو الكبير بتاعهم وهو اللى رباهم وبقي فى منهم الطيار والظابط بحرية واللى مهندس كهرباء وحتى عمتى كانت ظابظ
حنين : هههههههه لية كدة
اياد : هى كانت عاوزة كدة ومشيت فى الطريق دة وبعد كدة قعدت مكملتش
حنين : وباباك و مامتك
اياد : ابويا بيشتغل فى شركة خاصة وامى ست بيت ملهاش فى اى حاجة وسهل انك تكسبيها بسرعة
وابويا واخواتى كمان لكن ربنا ما يوريكى شغل السلايف هههههههه
حنين : سلايف مين
اياد.: مش بقولك قاعد فى عمارة مع اعمامى وكل واحد مراتة وعيالة معاة وانا عندى ٧ اعمام وعمة
حنين : اووو ماشاء الله
اياد : لالا عيلتنا كبيرة وكلهم جنب بعض
حنين : لية كلكوا فى عمارة واحدة
اياد : كانت فكرة جدى ولما مات ابويا كان الكبير وورث الارض وصمم يربى اخواتة ويكمل فكرة جدى واهى كملت
حنين : الللله احساس حلو اوى لما جيرانك يبقوا قرايبك
اياد : انا متربى مع اعمامى ويمكن سنى قريب منهم وجميل وكل حاجة بس ربنا ما يوريكى لما الستات تتجمع على بعض
حنين : الستات دوول نسمة
اياد : ااة الستات مش السلايف وكل واحدة شايفة التانية قدامها والزلازل والبراكين تقوم هههههههه
حنين : هههههههه حرام عليك انت ظالمهم
اياد : والله ابدا بكرة تشوفيهم وتعرفى بنفسك
حنين : لالا انا هبقى من بعيد لبعيد
اياد : أية العقل الجامد دة
حنين : عجبتك
اياد : طبعا وانا اصلا شقتى هنا بس انا معرفهم أن يوم ما اتجوز مش هقعد معاهم وهخرج برة عين شمس وانتى لو شاطرة تشجعينى على كدة عشان انتى ساعتها هتبقي اهلى واصحابى ومش هيبقى ليا حد غيرك ولازم تتعلمى الطاولة عشان العب معاكى بدل ما أنزل عالقهوة والعبها مع حد تانى
حنين : طااااولة هههههههه حاضر
اياد : تصدقينى لو قولتلك انك وحشانى وانا بكلمك وعندى احساس انى عاوز اشبع منك اكبر قدر عشان يصبرنى الفترة الجاية
حنين : ممم بتضحك كدة عليا
اياد : والله العظيم ابدا
حنين : طيب انا مضطرة اقفل عشان اختى جت باى باى
حنين قفلت من غير ما تسمع اياد بيسلم عليها وجريت قعدت عالسرير وهى مش مصدقة أن كل دة كانت بتتكلم مع اياد وكانت أول المكالمة هتقفل لولا اسلام لحقها وخلاها تستنى اياد ...
😍😍😍😍😍😍😍😍😍😍
لااااايك وكومنت لمتابعة حدوتة حنين❤️❤️❤️
تحياتى حنين الماضى 🤗
