رجعت حنين البيت وهى سايبة قلبها مع اياد ومش حاسة باى حاجة غير بلمستة على خدها والأغنية اللى فى الفيلم واللى وعدها انها هتكون فى فرحهم ...
الام : كل دة يا حنين
حنين : معلش يا ماما دة اخر يوم وكدة وقولنا نقعد كلنا مع بعض
الام : الحمدلله خلصنا عشان نستقر بقى
حنين : نستقر هههههههه
الام : اة ولا انتى مش ناوية
حنين : 🙄 قصدك أية يا ماما
الام : نفسى اشوفك عروسة فى الكوشة واقف جنبك وانتى بتلبسى شبكتك
حنين : ههههه انتى ما صدقتى يا ماما انى خلصت ولا أية
الام : كدة بردو
حنين : يا ماما مش انتى اللى بتقولى!!؟
الام : طب ادخلى يالا غيرى عشان ناكل
حنين : مش جعانة يا ماما كلت مع اصحابى
الام : كمان ماشى
................
سما : يا بختك خلصتى
حنين : ناقصلك اسبوع وتخلصى انتى كمان
سما : الثانوية العامة دى فيلم رعب رهيب
حنين : كلنا عدينا بنفس الفيلم يالا شيدى حيلك
سما : انتى المفروض تعزمينى على ايس كريم عشان خلصتى امتحانات وودعتى الجامعة خلاص
حنين : انتى استغلالية
سما : انتى بتاخدى مصروف اكتر منى يبقى لازم تعزمينى
حنين : ماشى افتحى الشنطة وانزلى هاتى لينا كلنا
سما : انزل ميين انا هبعت ام محمد تجيب
حنين : ماشى الفلوس عندك فى الشنطة
سما : هو انتى جيبتى الايشارب دة امتى ولا انا بقي عندى زهايمر
حنين : 🙄 شكلك كده هههه
سما : أية دة يا حنين
حنين : مالكيش دعوة بالفلوس اللى فى الجنب خدى من السوستة
سما : أية السندوتشات دى
حنين : 😳
سما : طبعا هتاكلى لية بقي وانتى مظبطة نفسك
حنين : بسسس بسسس وطى صوتك لماما تسمع
سما : ههههه انتوا بتحتفلوا باخر يوم باكلة كباب وكفتة وانا واصحابى اخرنا بيبسى وباكو بسكوت ونقول احنا كدة انحرفنا
حنين : منى ليكى السندوتشات بس اسكتى عشان ماما متزعلش عشان مش هاكل معاكو
سما : وهتاكلى لية بقي ما خلاص وبعدين هى الجامعة فيها كباب وكفتة ،،يارب اروح الجامعة
حنين : لاة يا هبلة دى واحدة صاحبتنا جمعت مننا وجابتلنا بس انا مقدرتش اكمل
سما : لية هو انتى طالبة كام ساندويتش هو انتى بتفترى
حنين : انتى فاضية مش كدة
سما : ههههه والله خالص بس برخم وعالعموم ميرسى على الساندويتشات بس هخلى ماما تاكل معايا
حنين : ماما مش بتحب لحوم من برة ،،كلى انتى بقي من غير تشريد
سما : اة صحيح ماشى بس بالليل بقى عشان مش جعانة
حنين : اووووف ماشى
🙄🙄🙄🙄🙄🙄🙄
حنين نسيت خالص أن الساندويتشات فى شنطتها وفتحت شنطتها لقيت ريحتها كلها كباب وكفتة وبقيت ترش فيها برفيوم عشان الريحة تروح ....
😴😴😴😴😴😴😴
نامت حنين نووووم عميق جدا وهى حاطة الموبايل تحت المخدة وكان عندها احساس أن اياد هيتصل بيها أو يبعت مسدچ ...
صحيت حنين الساعة ١١.٣٠ وكانت مستنية برنامج اذاعى لأسامة منير وكانت من اشد المتابعين لية وكان بيعجبها اراؤة جدا...
وقامت عملت مج شاى باللبن وخدت الكاسيت وطلعت الشقة اللى فوق وضلمت الشقة وقعدت جنب البلكونة وشغلت البرنامج ومعاها الموبايل وبدأت تسمع ....
فى لحظة حنين سرحت مع الأغنية اللى اشتغلت فى البرنامج بتاعت محمد فؤاد ( وبحب كل ما فيا ) من فيلم رحلة حب ...
وافتكرت اليوم كلة من ساعة ما شافت اياد واتمنت تخرج معاة تانى وتالت ورابع ....
وفجأة الموبايل رن نص رنة وكان اياد وطبعا حنين فرحت جدا وردت علية نفس الرنة ...
دقيقة وبعت مسدچ " حبيبى اللى واحشنى سهران وخد الإجازة "
حنين " لسة صاحية وقاعدة فوق لوحدى "
اياد " جميل جدا وثوانى "
📲📲📲📲📲📲📲
حنين : الو
اياد.: حبيبى
حنين : نعم
اياد : جننتينى النهاردة حرام عليكى
حنين : ههههه محدش عارف مين جنن مين
اياد : بتعملى أية
حنين : بسمع اسامة منير
اياد : أية دة بتحبى برنامجة
حنين : اة جدا
اياد : استنى هشغلة انا كمان
حنين: هههههه هو بيجى مرة في الأسبوع الساعة ١٢
اياد : كويس عشان اتابعة معاكى
حنين : هتبقى رجعت من شغلك
اياد : اة أن شاء الله
حنين : عملت أية بعد ما سبتنى
اياد : ولا حاجة رجعت عالبيت بعد ما لفيت شوية فى الشارع
حنين : انت نسيت الساندويتشات معايا
اياد : انا منستهاش يا حبيبى انا سيبتها عشان تفتكرينى لما تشوفيها وقولت اكيد هتتعشى بيها واوعى تكونى رميتيها
حنين : ههههه لا طبعا بس الاكل من الصبح وهو قافل معايا وبشرب شاى باللبن دلوقتى
اياد : وانا بشرب شاى هههه
حنين : اجازتك امتى
اياد : بتتغير من شهر للتانى
حنين : بتعمل أية فيها
اياد : ولا حاجة بنام
حنين : مين اكتر حد بتسمعلة غير ام كلثوم
اياد : انا بسمع لكلة بس بفضل ام كلثوم ونجاة ووردة لان انا طلعت مع عمامى وهما دوول اللى كانوا بيسمعوهم
حنين : نفسى اتكلم معاك كتير بس الموبايل مش بستريح وانا بتكلم فية ودايما ببقي متوترة
اياد : متخافيش واتكلمى لحد لما يصفر وانا اصلا شاحن عشانك
حنين : انت صرفت كدة كتير
اياد : متفكريش فى الحاجات دى وكملى كلامك عشان مش ضامن الاقى فرصة زى دى امتى تانى
حنين : وحشتنى يا اياد
اياد : اخيرااااااا
حنين : هو أية اللى اخيراا
اياد : قلبى عمال يقولى هو انت موحشتهاش ولا أية
حنين : خلاص مبقتش اقدر
اياد : انتى مراتى فاهمة
حنين : ههههه
اياد : بكرة تشوفى
حنين : ياريت هو انا اكره
اياد : ياريت أية
حنين : ياريت ابقي مراتك
اياد : وتبقى حرم اياد اسماعيل
حنين : اممم
اياد : ناوية تعملى أية فى الإجازة
حنين : لسة مفكرتش بس فى الغالب عايزة اخد كورس فى الكمبيوتر
اياد : برافوا عليكى ولو خدتى القرار انا هشوفلك مكان لية اسمة تاخدى فية
حنين : لالا متشغلش بالك انا هدور واشوف
اياد : لاة انا اللى هشوف عشان هسأل الاول واعرف اذا كان المكان كويس ولا لاة واتأكد من أنهم بيدوا شهادة معتمدة ...
حنين : بحبك والله
اياد : انتى مسئولة منى خلاص يا حنين
حنين : أية الصفارة دى
اياد : تقريبا الكارت شطب
🙈🙈🙈🙈🙈🙈🙈
عدت الايام والشهور وحنين استمرت فى مكالمتها مع اياد وكمان حددوا مكان الكورس وميعادة وظبط اياد الميعاد على ميعاد مناسب لية عشان يكون مع حنين ...
وقدر اياد وحنين على حس الكورس لمدة ست شهور يكلموا ويشوفوا بعض وبقيت العلاقة بينهم قوية جدا جدا لدرجة أنهم وصلوا لمرحلة أن كل واحد يقدر من احساسة بالتانى يعرف هو بيعمل أية من غير ما حد فيهم يكلم التانى ...
😍😍😍😍😍😍😍
اياد : متهيألى كدة كفاية بقى واقابل باباكى
حنين : طب سيبنى امهد
اياد : ماشى
حنين : وانت عملت أية مع أهلك عشان موضوع قريبتك
اياد.: كلمتهم والكل عرف بس هما فاكرين انة اعجاب وهيخلص بعد شوية ولسة عندهم امل انى اكمل موضوع قريبتى دة
حنين : هو انت ممكن تتجوز حد غيرى
اياد بنظرة قوية: انا مينفعش المس ولا اقرب من حد غيرك
حنين : معرفش قلبى خايف لية
اياد : متخافيش يا حبيبى انا مش هسيبك حتى لو وصلت انى اخطفك واتجوزك واحط الكل قدام الأمر الواقع
حنين : ههههه حلو الخيال دة
اياد : انا مبقولش خيال ولو حد اضطرنى اعمل كدة هعمل كدة
حنين : انا كدة هخاف منك
اياد : متخافيش منى انا لو عملت اى حاجة هكون بعملها عشان تكونى معايا
حنين : الكورس قرب يخلص وخايفة لما يعرفوا بالموضوع مقدرش اخرج تانى
اياد.: متخافيش بقولك
حنين : أية الثقة دى
اياد : سيبيها بس على ربنا وساعتها ربنا يسهل ...
حنين : يارب
اياد : يالا عشان الحق اوصلك عشان عندى مشوار
حنين : مشوار أية
اياد.: شغل يا حبيبى لما يكمل هقولك علية
حنين : ربنا معاك
اياد : يالا
🤫🤫🤫🤫🤫🤫🤫🤫🤫🤫
