البارت (٣٦) حدوتة حنين
......................................
بعد اياد لما اتصل فى البيت عند حنين وسما ردت علية وقالتلة الرقم غلط فطبعا قفل ...
حنين : 😭 هو مش كدة ؟
سما : اة يا حنين وصوتة مخنوق
حنين : انا حاسة بية دلوقتى بس مالوش لازمة الكلام خلية يشوف قريبتة ويبتدى حياتة لان انا معطلاة جمبى
سما : انتى مصدقة أنة ممكن يعمل كدة ؟
حنين : لما ابعد اكيد هيعمل كده
سما : ومعملش كدة لية لما بعدتوا عن بعض ٤ شهور ؟
حنين : خلاص يا سما بقي
سما : خلاص يا حنين ..بس عالاقل كلمى داليا خليها تبلغة هو من حقة يعرف اللى حصل ..
حنين : هو زمانة فهم وحس باللى انا فية
سما : يعنى هتفضلى قافلة الموبايل مش هتفتحية
حنين : كنت شايلة الموبايل عشانة ودلوقتى مالوش لازمه هفضل قفلاة
سما : كدة هتبقي مرتاحة يعنى
حنين : 😭 هو اصلا مافيش راحة خلاص والاحساس الحلو اللى كنت عايشة فية مع اياد راااح معااة
سما : طب وبابا هنعمل ايه معاة
حنين : بابا 😭 تفتكرى بابا بيحبنى ؟
سما : لا يا حنين متفكريش كدة
حنين : هو ينفع اب يذل بنتة كدة لو كان بيحبها وخايف عليها
سما : هو بس اكيد اضايق لما عرف انك بتكلمى اياد وبعدين يا حنين كلامك كلة يبين انك عارفة كل حاجة عن اياد وان بابا شكل ومنظر بس
حنين : انا مكنتش هقول كدة بس كلامة كان صعب وضغط عليا لحد لما اضطريت ادافع عن اياد
سما : واهى ماما كمان عرفت كل حاجة
حنين : هو انا عملت أية غلط تقدرى تقوليلى ؟ انا اعجبت بواحد مثقف ومتعلم وطموح وانتى شوفتى مواقفة معايا عاملة ازاى واتعلقت بية وجة يتقدم رسمى يعنى مش اكتشفوا أن انا على علاقة بواحد ومش عاوز يتقدم لاة بالعكس جة وظروفة زية زى اى شاب طبيعى واحسن كمان بس هما مش عاوزين الطبيعى هما عاوزين المظاهر مهما كان تمنها ..
سما : خلاص يا حنين مالوش لازمه الكلام مبقاش في ايدك حاجة تعمليها واحنا دلوقتى نستنى بابا يمكن يغير رأية
حنين : بابا مش هيغير رأية يا سما خلاص انا مش عارفة انتوا ازاى مش فاهمين دماغ بابا وانا فاهماة اكتر منكوا
سما : معرفش بس يمكن يتغير عندى امل ان اى حاجة تحصل
حنين : مش عاوزة اعشم نفسى اكتر من كدة عشان لما بتعشم اوى بتوجع بعدها على طول
سما : حاولى تنامى
حنين : مبقاش عندى حاجة اعملها غير النوم خلاص
😭😭😭😭😭😭😭
حنين نامت على سريرها وهى دموعها مش راضية تقف وقلبها موجوع وكانت بتفتكر اول مرة شافت فيها اياد وهو قاعد على المدرج وماسك جورنال ولما راحت وكلمتة وساعتها حسيت ان قلبها خرج منها وفضلت تقاوم ولما جة قرب منها وهى قاعدة عالسلم وقالها فى حاجة خرجت من عندك وجاتلى وغمزلها ومشى وساعة خناقة الجامعة لما شدها بسرعة من قدام زميلها قبل ما يوقعها وكأنها زى الطفلة اللى لقت حماية من الناس وعيونهم وطريقة اياد وهو خايف عليها ودخل مخصوص اشترى ايشارب عشان تغطى شعرها وايدة حواليها وهى ماشية عشان محدش يخبط فيها وعينة اللى كانت بتبقى ماشية معاها لحد لما تعدى الشارع وتطلع بيتها ومذاكرتها وافتكرت يوم النتيجة لما ظهرت وهى مكنتش تعرف وساعتها مصدقتش أن اياد دة ممكن يكون من نصيبها ..
فلاااااش باااااك
.........................
بوسى اتصلت بحنين
☎☎☎☎☎☎
حنين : الو
بوسى : انتى نايمة يا هانم
حنين :فى أية عالصبح
بوسى : احنا داخلين عالضهر والنتيجة ظهرت وعمالين نتصل عالموبايل وحضرتك مش بتردى
حنين : انا عملاة سايلنت ونايمة ،،يعنى ظهرت خلاص ؟
بوسى : الدنيا مقلوبة فى الجامعة وكل الناس هناك وداليا سبقت وانا نازلة
حنين : طب خلاص انا هلبس بسرعة وانزل باى ونتقابل هناك
بوسى : ماشى باى
حنين جريت بسرعة ولبست من غير ما تاخد بالها تيشيرت ابيض وبنطلون جينز وكوتشى وعملت حجاب زى ما متعودة علية وحطت شنطتها الكروس على ضهرها ونزلت ...
لكن وهى قاعدة فى المترو افتكرت انها مغيرتش نظام الموبايل وانة لسة سايلنت وطلعتة عشان تشوفة ..
حنين : 😳 ايييية دة كل دة اياد متصل بيا وانا مخدتش بالى يعنى كلة عرف أن النتيجة ظهرت وانا نايمة فى العسل وكمان مسدچين ...دوول اكيد داليا ...
فتحت حنين اول مسدچ" حبيبى صباح الجمال كلمينى ضرورى "
والمسدچ التانية بعدها بساعتين " مبروك جيد جدا يا حبيبى "
حنين فرحت جدا جدا جدا وكانت هترقص قدام الناس من جمال الاحساس والفرحة اللى هى فيها من النتيجة من ناحية ومن اهتمام اياد بيها وانة هو اول اللى بلغها بالنتيجة وبسرعة اتصلت بية
📲📲📲📲📲📲
اياد : اخيراااا صحى النوم
حنين : معلش معلش والله كنت ضايعة ونمت محستش
اياد.: انا قولت كدة ومبروك ياحبيبى بعتلك مسدچ
حنين : ااة شوفتها دلوقتى الله يبارك فيك بس انت شوفتها بعينك
اياد.: اول لما رامى كلمنى بالليل وقاللى أن النتيجة بتاعت رامز بكرة قولتلة هنشوف الناس بتوعنا يجيبوهالنا كدة قاللى نروح الصبح ونشوف وفعلا جينا و حبايبنا جابوها وجبتهالك طبعا ومن شوية انا شوفتها متقلقيش
حنين : انا بحبك اووى بحبك
اياد : حبيبى مبروووك انتى تعبتى وذاكرتى ودى نتيجة مجهودك وعايزك تستمرى كدة وعايز مراتى متفوقة وشاطرة على طول عشان اقول لاولادنا بعد كدة ماما دى كانت احلى واجمل واشطر بنت فى الجامعة وخليكوا زيها ..
حنين : حبيبى انت جميل وكل حاجة فيك احلى من التانية
اياد : صوتك فى المترو
حنين : قربت انزل المحطة اهو
اياد : أية دة يعنى ليا نصيب اشوفك واباركلك
حنين : اكتر من كدة
اياد : هو انا لسة عملت حاجة انا مبروك بتاعتى مش بالكلام بس يالا تعالى عشان هخطفك ..
حنين : خلاص انا نزلت اهو وقربت
اياد : مستنيكى عند المدرج بتاعنا
حنين : حاضر ..
حنين نزلت من المترو ومرة واحدة اكتشفت انها لابسة تيشرت وچينز وكوتشى والشنطة كروس زى بنات المدرسة وحاطة ميك اب خفيف جدا ..وف لحظة وقفت حنين على جنب بعيد من المترو و طلعت البرفيوم بتاعها وغرقت نفسها وربطت التيشرت من الجنب وطلعت الانسيال بتاعها من جيب الشنطة وحطتة فى رجلها ورفعت رجل البنطلون شوية وتنيتها و فضلت تشد الحجاب لقدام عشان شعرها كان باين شوية وف الاخر جريت وكأن قلبها هو اللى بيجرى من فرحتة واول لما دخلت الجامعة من الباب الرئيسى وهى نازلة من عالسلم ملقتش اياد عند المدرج وف اللحظة دى اتصل بيها ..
📲📲📲📲
حنين : الو
اياد : انتى فين كل دة
حنين : انا جيت بس انت فين
اياد : انا جوة المدرج تعالى يالا بسرعة
حنين : هو مفتوح
اياد.: اة يالا
حنين : اوك
دخلت حنين والمدرج كان ضلمة وبتنادى بصوت واطى
اياد...اياد انت فين انا خايفة
اياد.: قفل الباب شوية وشدها بسرعة لحضنة وقالها وحشتينى
حنين : انا اتخضيت
اياد : منى
حنين : لاة بس بحسبك مش هنا
اياد : اومال عايزانى اكون فين
حنين : معايا
اياد بنظرة قوية: اعمل فيكى أية ؟
حنين بدلع : لية انا عملت أية ؟
اياد : انتى مش محتاجة تعملى حاجة انتى بس تقفى قدامى مش اكتر من كدة بيحصلى حاجات كتير مع بعضها
حنين : اياد انا خايفة حد يشوفنا
اياد : مين هيفكر يجى هنا إذا كان كانوا بيدخلوا المحاضرات بالعافية ولا حد هيفكر يدخل وبعدين دانا لقيت العامل فتحة وشكلة نسية قولت فرصة عشان اقولك مبروك بس بطريقتى
حنين بفرحة : الله يبارك فيك يا حبيبى
اياد : مش تستنى اقولك مبروك الاول
حنين : ما انت قولتها في المسدچ وفى الموبايل
اياد : بس مقولتهاش بقلبى
حنين : از.......
اياد قطع حنين عن الكلام وضمها لية جامد ورفعها من عالارض وبقى صوت نفسة وهو بيشم برفيوم حنين قوية جدا واداها بوسة على شفايفها كانت اول مرة حنين تعيش احساس بالجمال دة
حنين بكسوف : بحبك اووى ودى احلى مبروك جاتلى
اياد.: أية الجمال دة
حنين : انا كدة جميلة على فكرة بتضحك عليا
اياد : عينى فى عينك كدة وشوفى انا بكدب ولا لاة
حنين : انا مبقدرش ابصلك كدة
اياد.: لية
حنين : بتكسف منك
اياد بابتسامة : حد يتكسف من جوزة بردوا ههههه اومال هتجيبى عيال منى ازاى
حنين : بس يا اياد انا بتكسف عن جد.
اياد.: بيقولك اللى يتكسف من بنت عمة ميجبش منها عيال ههههه
حنين : انا مش هرد عليك عشان بتقول كلام..
اياد.قاطعها : كلام أية ؟
حنين : بس يا اياد بقى
اياد : ههههه خلاص كفاية عليكى كدة بس على شرط
حنين : موافقة بس اسكت
اياد.: يعنى موافقة يعنى
حنين : 🙄 موافقة اة
اياد.: طب يالا
حنين : يالا أية
اياد : عايز نفس الحضن والمس شفايفك مش عارف انا ممكن اشوفك امتى تانى عايز اخد رصيد كبير منك عشان يصبرنى على ما اشوفك المرة الجاية
حنين بحب وبكسوف وبفرحة حطت ايديها على شعر اياد ومشيت بصوابعها على وشة لحد.لما وصلت لشفايفة واياد مسك ايديها وباسها وحضنها جاااامد جدااا
حنين : هتوحشنى اوى
اياد.: انتى وحشانى من دلوقتى ..بس يالا نخرج عشان اكتر من كدة انا ممكن اتجنن عليكى
حنين : متقدرش
اياد : بلاش تستفزينى
حنين : ههههه خلاص حاضر
اياد : هخرج انا الاول ولما اخبط عالباب اخرجى .
حنين : حاضر بس الدنيا ضلمة اوى
اياد : افتحى نور الموبايل وانتى خارجة
حنين : حاضر
وخرج اياد وبعد دقيقة خبط لحنين عشان تخرج وخرجت
اياد : 😳 أية دة
حنين : فى أية وبعدين مينفعش تبص عليا كدة انا بتكسف
اياد.: أية دة يا حنين؟
حنين : فى أية بس ؟
اياد.: يعنى كفاية البرفيوم اللى مغرق المكان اللى بتقفى فية أية التيشيرت دة ولية الربطة على جنبك دية
حنين : عادى تغيير
اياد : فكى الربطة دى
حنين : ليييية
اياد : عشان الربطة مخلياة ماسك على وسطك ومبين صدرك وضيق وكلة مش نافع اصلا
حنين : أية يا اياد دة ؟
اياد : انا مكنتش شايف حاجة جوة
حنين : يا سلام دانا لابسة ابيض
اياد : ابيض ولا اسود مكنتش شايف حاجة غير وشك فكى فكى بقولك ونزلى البنطلون دة
حنين : شكلى هيبقى وحش كدة
اياد : وحش قدام مين
حنين : قدامك وقدام اصحابى
اياد.: حنين خلصى التيشرت موضح جسمك وانا مبحبش كدة ..دانا عينى عايزة تبص عليكى مابالك بقي الناس وكل واحد يشوف براحتة وانتى فى الطراوة
حنين : حاضر اهو وبقى مكرمش وشكلة وحش
اياد : مش مهم
اياد : شيلى اللى فى رجلك دة ونزلى البنطلون هو انا هغطى شعرك وتبينى رجلك
حنين : انا كدة هزعل
اياد : ازعلى وبعد كدة اصالحك المهم تسمعى الكلام
حنين : حاضر يا اياد اهو عشان يعجبك ..
اياد.: راحة فين ؟
حنين : رايحة لاصحابى عشان اكتر من كدة هنتخانق
اياد : اقعدى ومتتحركيش من جمبى
حنين : هو أمر
اياد : لاة بس اقعدى
حنين : لية
اياد : عشان اشوف فى النور الشفايف اللى لمستها شكلها بقى عامل ازاى بعد ما قربت منها واشوفها فرحانة زيى ولا لاة
حنين بكسوف : انت رخم على فكرة وبتتعمد تحرجنى
اياد كان عارف ازاى يراضى حنين وحبة ليها كان بيخلية يعمل كل حاجة هى بتحبها وقلب حنين مع كل نظرة ولمسة من اياد كان بيحس اد أية اياد صادق في مشاعرة ناحيتها ........
..........................
باااااااااك
.............
حنين فضلت تفتكر كل موقف ولمسة قربوا فيها من بعض حتى لما كانوا بيتقابلوا وسط الناس كان اياد عندة القدرة أنة يخلق اللحظة اللى تخلى قلبة وقلب حنين كأنهم فى عالم لوحدهم مافيش حد معاهم ....
نامت حنين من كتر الوجع والعياط بعد النهار لما طلع وكانت دماغها هتنفجر من كتر الوجع لدرجة أن عينيها بقت زى الدم من كتر العياط ....
حاولت داليا تكلم حنين لكن حنين كانت رافضة اى كلام مع اى حد وداليا بلغت سما أن اياد اتصل بيها عشان يعرف أية اللى حصل ويفهم لكن كانت داليا بتوصلة أن حنين مبتردش على حد واتمنعت من النزول ...
اياد جة فى دماغة أن حنين ممكن تكون اتعرضت للضرب من باباها وانها اتحبست خلاص فى البيت بسببة وأنها اكيد فى حالة نفسية سيئة وفضل اياد يفكر يعمل أية عشان يوصل لحنين تكلمة وحاول كل المحاولات سواء باتصال عالموبايل لكن كان مقفول دايما وتليفون البيت ولكن مامتها اغلب الوقت هى اللى بترد ولما سما بترد مبتقولش غير الرقم غلط ومافيش شغل ينفع يقابلها فية...
ومكنش قدامة حل غير أنة يروح للشاذلى تانى الشركة ويقابلة ويحاول يقنعة باى شكل....
وعدا حوالى عشر ايام والوضع زى ماهو وكان اياد قرر يروح شركة الشاذلى ويكلمة بعد لما حاول الاتصال كتير بالشاذلى ومكنش بيرد علية خالص ولما بيكون فى رقم غريب كان بيخلى السكرتير يرد ويقول مش فاضى وفعلا راح اياد ....
اياد : من فضلك عاوز اقابل سيادة اللواء الشاذلى
الموظف : اقولة مين
اياد.: حضرتك قولة اياد اسماعيل
الموظف : حاضر ثانية واحدة ابلغة
اياد : متشكر
الموظف : حضرتك هو مشغول دلوقتى وعندة اجتماع
اياد : طب ينفع انتظرة
الموظف : اة براحتك
اياد : طب ممكن تبلغة انى هنتظرة
الموظف : حاضر
اياد.: ........
الموظف : بيقول لحضرتك هو مش ضامن ظروفة والوقت مش مناسب
اياد : متشكر عن اذنك
🙈🙈🙈🙈🙈🙈🙈
نزل اياد من مكتب الشاذلى وهو فى قمة الاحباط وفضل ماشى بالعربية وفى الاخر نزل منها يتمشى وهو مش عارف يعمل أية ويكلم مين وكان فى اللحظة دى محتاج يسمع صوت حنين باى شكل وحاول يتصل بيها كتير لكن للاسف من غير نتيجة ...
وعدا على الحال دة شهر كامل ولا حنين فتحت موبايلها ولا اياد بكل محاولاتة أنة يقابل الشاذلى نفع وفهم اياد أنة مرفوض رفض نهائي ...
😔😔😔😔😔😔😔😔😔😔
لاااايك عشان نعرف اياد عمل أية عشان يقابل الشاذلى وللاسف رد فعلة أية ؟؟
تحياتى حنين الماضى 🤗
