حدوتة حنين

البارت العشرين

البارت (٢٠) حدوتة حنين
.....................................
سما : يالا بقى خلينا ننام
حنين : لاة انا هقعد شوية
سما : هتقعدى بردوا ولا هتتكلمى
حنين : لالا مش هتصل طبعا بس انا عاوزة اقعد شوية كدة مع نفسى
سما : شيلتى الهم بدرى وبايدك
حنين : نصيبى بقى ..يالا انزلى احسن... عشان رخمة
سما : هههههههه ماشى
😌😌😌😌😌😌😌
حنين قعدت تفكر مع نفسها وياترى هى صح انها قالت لاختها وياترى أية الاخبار اللى اياد بيقولها كلة تمام واخبار حلوة ؟؟
حنين ( يارب يارب لو لينا خير فى بعض جمعنا من غير مشاكل ولو ملناش نصيب بلاش قلبى يتحرق واتقهر )
🤔🤔🤔🤔🤔🤔🤔
حنين سهرت مع الاغانى وبقيت تسمع اغنية أصالة لو مرجعتش ليا بقلبك تانى هنا .. وقلبها كان بيتقبض لما بتسمع اغنية حزينة وكان عندها احساس أن كل الاغانى الحزينة بتتغنى ليها هى وبسس..
نزلت حنين عشان تنام ...
😴😴😴😴😴😴😴
الام : حنين يالا قومى عشان تلحقى مشوارك
حنين : مش قادرة يا ماما خليها بكرة
الام : بابا كدة هيزعق
حنين : وعد بكرة هروح
الام : مافيش سهر بالليل تانى
حنين : حاضر
🙄🙄🙄🙄🙄🙄🙄
حنين قالت بينها وبين نفسها الحمدلله ،،كدة هقدر اروح بكرة واشوف اياد ويشوف سما وان شاء الله تقتنع بية زيي ...
اياد بيتصل ....
📲📲📲📲📲📲📲
حنين : الو
اياد : حبيبى صباح الخير
حنين : صباح النور
اياد : كويس انك نايمة ،،كنت خايف تكونى نزلتى
حنين : ههههه مقدرتش وهنزل بكرة
اياد : ههههه شاطرة
حنين : اى خدمة
اياد : وانا هخلصلك كل حاجة بكرة بس حاولى بردوا تبوظى الشغل دة
حنين : تااااانى بقولك مينفعش
اياد : هشوفك الساعة ٩ تمام
حنين : اوك بس سما هتيجى معايا
اياد : نعممم وانااا
حنين : ههههه هى جاية عشان تتعرف عليك انا قولتلها كل حاجة امبارح
اياد : أية الخبر الحلو دة
حنين : وانت أية الخبر الحلو اللى عندك
اياد : لما اشوفك متقلقيش عشان اكون كملت كل حاجة
حنين : طب طمنى
اياد : اطمنى والله
حنين : طب هقفل باى
اياد : باى
😌😌😌😌😌😌😌
صحيت سما وقعدت استنيت حنين لحد لما تصحى عشان تشوف هيعملوا أية بكرة مع اياد ...
سما : حنين اصحى بقي
حنين : صاحية بس كسلانة اقوم
سما : حرام عليكى انا معرفتش انام امبارح بسببك
حنين : متخلنيش اندم
سما : انا خايفة بس عليكى
حنين : بلاش قلق انا مش ناقصة
سما : طب هنروح بكرة
حنين : اة واياد هيستنانا هناك
سما : ماشى ويارب يطلع يستاهل
حنين : والله يستاهل
😊😊😊😊😊😊
خلص اليوم بصعوبة على حنين وكانت الدقائق بتمشى بصعوبة غير طبيعية لحد لما جة ميعاد مقابلة اياد وحنين وسما ...
حنين : طبعا ماشية قلقانة
سما : انا جامعتى احلى على فكرة ههههه
حنين : مش لما تروحيها الاول
سما : خلاص كلها اسبوع واروح وابقى شايلة البالطو على أيدى وشهرين واعمل نضارة
حنين : نضارة لية ؟
سما : ههههه هما الدكاترة بيلبسوا نضارة
حنين : ههههه يا عبيطة بس انتى نظرك كويس
سما : مش مهم ،،المهم اطبق صورة الدكتورة اللى فى خيالى حتى لو نضارة منظر
حنين : هههههههه ابقى هاتيها حفظ نظر
سما : ممم فكرة
حنين : اياد هناك اهو
سما : فين عشان بترعش
حنين : وانا كمان متوترة معرفش لية
سما : اوعى تقولى أن اللى جاى علينا دة يبقى هو
حنين : ممم😊 هو
سما : ايييية دة
حنين : قمر صح
سما : خلية يشيل نضارة الشمس بقى عشان أتأكد
حنين : ههههه
اياد : السلام عليكم
حنين : عليكم السلام ،،معلش اتأخرنا
اياد : ولا يهمكوا ...ازيك يا دكتورة سما
سما : الحمدلله
حنين : سما بتقول أن جامعتها احلى من جامعتنا
اياد : عندها حق طبعا لان جامعتنا اوحشت بعد ما خرجتى منها يا حنين وجامعتها احلوت لأنها هتدخلها ...
سما : 🙄🙄 احرجتنى
اياد : لية بس .. انا بتكلم معاكى زى اختى والمفروض مافيش بينا احراج
حنين : معلش عشان لسة اول مرة
اياد : ان شاء الله مش هتبقى اخر مرة
سما : إن شاء الله
حنين : هنعمل ايه
اياد : خليكوا شوية هنا وانا هجيب الشهادة واجى على طول
حنين : طب اجى معاك
سما : وتسيبينى
اياد : ههههه انا اصلا ليا كلام تانى معاكوا انتوا الاتنين بس لما اجيب الشهادة واجى واقعدوا هنا وبلاش تتحركوا يا حنين ماااشى
حنين : خلاص ماشى .
سما : أية دة ... شكلة حلو اوي ومحستش أنة طالب خالص
حنين : يخربيت دماغك دة مش طالب يا ذكية هو انا كل شوية هقولك
سما : شكلة ابن ناس دة شكلة احلى من معتز ابن انكل فريد ههههه
حنين : فاكرة كنا شايفين معتز واد محصلش وهو كان حاسس بنفسة اوى وكان تافة بس اياد مش كدة خالص ودايما يحسسنى أنة شكلة عادى جدا
سما : لية،،، محدش يعنى قالة أن حلو شويتين وبعدين هو دراعة منفوخ شوية ولا انا بيتهيألى
حنين : اة يا ذكية يعنى باين أنة بيلعب حديد
سما : كمان
حنين : اياد بيروح الچيم مرة كل أسبوع وفى الغالب دلوقتى بيروح الخميس
سما : دانتى عارفة كل حاجة
حنين : اكيد يعنى
اياد : اتأخرت
حنين : لا خالص
اياد : طيب اشربوا الزبادو دة عشان الجو حر وخدوا ماية اهى
سما : انت عرفت منين أن انا بحب الزبادو
اياد : ههههه اكيد اخت حنين هتبقى زيها
سما : ممم عدت منى هههه
اياد : سؤال بقى
حنين : أية
اياد.: اولا اتفضلى الشهادة والف الف مبروك يا حبيبى وعقبالك يا دكتورة سما
سما : ميرسى كتير
حنين : عايز تقول أية يا اياد
اياد : ماشاء الله عليكوا فى الجمال ،،بس بستغرب ازاى بابا بيسيبكوا تتحركوا لوحدكوا كدة ؟؟
سما : ههههه عايزة يحبسنا
اياد : لاة بس انا لو عندى بنت بجمالكوا دة اكيد لو ظروفى مش سامحة اتحرك معاها يبقى اخد احتياطاتى
حنين : ههههه ازاى يعنى
اياد : زى ما حنين اتحجبت يبقى سما هى كمان تتحجب لانكم ملفتين جدا
سما : مجاملة حلوة
اياد : دى مش مجاملة يا سما انا بتكلم بجد
سما : وافرض أن انا مش عاوزة اتحجب
اياد : لية
سما : انت متذمت شوية
حنين : أية يا اياد
سما : عالعموم شكرا عالنصيحة
اياد : انا بخاف على اللى يخصونى ومحبش حد يبصلهم وحنين تخصنى طبعا وانتى كمان يا سما بقيتى تخصينى زى اختى الصغيرة وعشان كدة بكلمك بدافع الإخوة مش اكتر واكيد مش هفرض عليكى حاجة...
سما : ميرسي لذوقك
اياد : قولولى بقى أية حكاية الشغل دة
حنين : لسة هروح واشوف
سما : حنين متقدرش تقول لبابا لاة
اياد : وانا مقدرش اخليها ترد علية وتقولة لاة بس عايز اقولك على حاجة يا سما وياريت تحسيها وبعد كدة تفهمينى ..
سما : حاجة أية
اياد : اللى قدامك دة يا سما شاب عادى وطموح جدا وكان هدفة فى حياتة أنة ينجح عمليا ويطور من نفسة ويوصل لأعلى حاجة وعشان كدة خلصت تجارة انجلش وبعدها خدت كورس فى الكلية عند حنين وقولت احضر دبلومة علاقات اهو تنفعنى فى اى مشروع عاوز اعملة ليا واهو بفكر دلوقتى فى ال HR ودى كانت حياتى وبالصدفة أنا بحب اقعد عند كلية آداب وبالأخص المدرج بتاع محاضرات حنين وقاعد يا بنتى لا بيا ولا عليا ماسك الجورنال ولقيت صوت زى الملائكة بيكلمنى ونزلت الجورنال ومن ساعتها حسيت انى اتعلقت بيها وقربت اكتر لما لقيتها شخصية واثقة من نفسها لدرجة انى حاولت ابعد واقول اكيد اعجاب ببنت جميلة وخلاص لكن لقيتها بتلاحقنى فى كل حاجة وحسيت انى مسئول عنها وبخاف عليها بجد ونفسى اخبيها من الناس وكل يوم بقي بيقربنى ليها اكتر وحبيتها اكتر واكتشفت انى كنت هظلم نفسى لو ضيعتها من ايدى وعشان كدة خدت عهد.على نفسى بأنها تكون مراتى واحطها جوة عيونى ومكنتش اعرف لسة اى حاجة عنها وساعتها استغربت نفسى اشمعنا دى بالتحديد اللى صممت عليها بالرغم من أن الجامعة مليانة بنات اشكال والوان بس قلبى دق ليها هى وبس وانا قفلت على دقاتة وعيشت فيها وبتمنى اللحظة اللى ربنا يكرمنى فيها وتبقى من نصيبى مهما حصل ...
حنين 😢: ..........
سما : بس يا حنين إن شاء الله ربنا هيجمعكوا مع بعض 😢😢
اياد قام وقعد جنب حنين وطلع منديل : اطمنى وبلاش دموع انا خلصت كل حاجة وعندى فى البيت جاهزين يجوا فى اى وقت
حنين : بجد يا اياد
اياد : والله العظيم بجد انا مستريحتش الا لما خلصت الموضوع بس سيبينى اكلم بابا عشان كلنا نستريح
سما : خلتونى اعيط
حنين : حقك عليا متزعليش
اياد : وبعدين وبعدين يعنى حبيبتى واخت حبيبتى معايا ونزعل بردوا
سما : ههههه
حنين : هههههههه
اياد : شوفتوا اعلان فيلم غبى منة فية ههههه
سما : ههههه شكلة صعب اوى ولايق علية دور الغبى ههههه
حنين : شوفتة وهو بينشن هههه
اياد : خلاص أية رأيكوا ندخل الفيلم سوا ونتغدا سوا
حنين : للاسف مش هينفع عشان بابا عايز الشهادة وقالولنا متتأخروش
اياد : مش عارف لية انا قلقان من الشغل دة
سما : احسن من القعدة فى البيت لحد ما تشوفوا هتعملوا أية
حنين : انا كمان بقول كدة
سما : بس انا عايزة أسأل سؤال هو لو انتوا اتجوزتوا تفتكروا عيالكوا هيبقوا عاملين ازاى ؟؟
حنين : هههههههه
اياد : هههههههه انتى أية رأيك ؟
سما : انتوا الاتنين زى القمر واكيد عيالكوا هيبقوا شبة الأجانب
اياد : يا سلام بقى لو ربنا رزقنى ببنات وطلعوا شبة مامتهم أو خالتهم وكدة يبقى ربنا راضى عنى اوى
حنين : نفسى يكون عندى ولد امور زيك وبنت شبة سما بشعرها الاصفر والعيون الزيتى ...
اياد.: انا مصمم اعرف اصول العيلة دى منين هههههههه
البنات : هههههههه
سما : لعلمك بنات عيلتنا كلهم حلوين كدة بس حظهم ربنا ما يوريك هههههههه
اياد : لية كدة بس
حنين : نصيبهم
سما : مالهمش حظ غير فى شكلهم واحنا بقى جة الدور علينا عشان نشوف حظنا وربنا معانا
حنين : بخاف حظى يبقى زى قرايبى
اياد : مالكيش دعوة بحد ومحدش بياخد غير نصيبة وانا واثق فى ربنا أنة هيقف معانا وهيفرحنا بس قولوا يارب
البنات : يارب هههههههه
🤗🤗🤗🤗🤗🤗🤗🤗🤗🤗