😈الشيطان اختي 😈
🌹البارت السابع
بقلمي آنين الليل
///////////////////////.
يا مراحب باعز قرااء على قلبي ##
💙🧡💔😘ردت انوه بشي
الكثير جاي يسالوني ضياء منو شنو شغله وهاي اي صدفه جمعته بسوسن انتظرو وراح تعرفون ليش انجمع بسوسن
يمكن ارادة الله وتقديره بعيد عن الصدف والاقدار
القصه بعد بيها الكثير من الاحداث والمفاجأت
اتمنى الكم قراءه ممتعه ❤️💕💚❤️💚😘انيين الليل 💙❤️
/////////////////////////////////////////////////////////
ضياء
تدرون طول ما تسولفلي سوسن قصتها وانا مشدود ومهتم وهي تبچي شگد بعيونها دموع ومن تبچي تبچي بعبره
تصدگون وانا اسمع كلامها والعبره خانگتها والدموع گوه الزم نفسي ما ابچي گدامها
سالتها :: يعني افهم من كلامج انو قبيله كرهت عايده بزوجها
سوسن هزت راسها = اي هي وامل
:: شلون عرفتي وشنو السبب
= اجه محمود وگال اريد زوجتي ترجع وياي وعايده وكفت وگلتله //محمود اكرهك ما اريدك طلكني
اتذكر امي من سمعتها هيج تحجي فاتت عليها وضربتها گدامه بس هي ظلت معانده
وامي طلبت من محمود ان ينتظر يومين تلاثه گلتله //خاله شمسمعها من حجايه وهيج متخبله منك
محمود //خاله مو شفتينا من اجينا شلوناتنه فرحانيين بس هي ما اعرف شبيها
امي //روح خاله ويومين وتعال
وفعلا محمود راح وره يومين اجه ومر على قبيله وجابها على اساس تقنع عايده ترجع
انا باستغراب :: جاب قبيله تقنعها لو تخربها
= شمدري هو اجت ويا وهي تگله تدلل ابو مهند ما يصير خاطرك الا طيب
ودخلت قبيله وره عايده گدام امي حاچتها //عيوده احبيبه ليش ما ترجعين الرجلج
عايده //اكرهه ما اريده ما احبه
قبيله //مي خالف حبيبتي الخاطر ابنج
عايده باستهزاء لان تعرف ما عنده احد
حتى لو ياخذ ابنه راح يدلل عنده ويعيشه ملك بس انا انا الي اندفنت بالحياة ويه واحد شايب
امي //ولج عايده تضحين بهنودي تكولين ياخذه ابو انتي شتحجين
عايده //اي اضحي على مود نفسي جاي اگلكم ما اريده اكرهه افتهمو
امي وهي تعض اصبعها // من خطبج شكلت الج مو كتلج اكبر منج وانتي زغيره وكلتي مي خالف المهم عده فلوس
عايده وهي تدك رجلها بالكاع //اي وهسه اريد اشوف حياتي اتطلكوني واتزوج احسن واحد
امي متعجبه من كلام عايده صارت تتوعدها بعصبيه//والله اخلي عماد يذبحج
عايده //اصلا انا اروح العماد واگله واخلي يگطعني يموتني بس ما ابقى عد محمود
امي //وج يمه الولد يحبج ويموت عليج
عايده بنتر //وانا اكرهه اكرهه ما اريده فكوني منه
وراحت قبيله وكالت المحمود//خويه اتگول احرگ روحي ولا ارجعله خويه ابو مهند طلگها وخليها
اتولي والله تتندم اول وتالي عليك وتظل اتعض اصابعها ندم
هو گام وگال //مي خالف ام معتز خليها اسبوع شهر وبعدين اجي وارجعها هي زوجتي وام ابني
وما افرط بيها لو شيصير بلا زحمه اريد مهند اشوفه
قبيله //اي تدلل دقيقه واجيبه
أنت تقرأ
##الشيطان اختي##
Чиклитقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
