😈الشيطان اختي 😈
🌷البارت 24🌷
#بقلمي آنيين الليل #
///////💔💔////
ضياء
سألت سوسن :: هديه وعايده شنو رد فعلهن من عرفن بزواج قبيله
= بس يبچن ومستهضمات من الصار وهديه ما صارت هلگد تمر على اهلي وكأنما عيالها اجاهم الي
سوته قبيله من الله حتى ما يخلوها تجر نفس لو تصير الها كلمه اما عايده فدائما من تجي تبچي بقهر وحرگه
رغم محمود ما سمعها شي او عيرها
باوعت الها وهزيت راسي
= بقيت اربع تيام كاعده بالطابق الثاني انا وجهالي لان الدكتور كال اسبوع واشوفها عماد ما فتح
وياي موضوع
بقينا على كلامنا انا ساكته امل تجي شويه وتروح دائما سجى بت عماد هي تجيبلي الاكل خامس
يوم العصر اجت ام محمد وياها سميه بتها
سميه متزوجه ماجد اخو منال هي صديقتي صحيح اكبر مني بس احبها صعدت ام محمد وهي تكول
- - هو انا بيه حيل سوسن متعلكه فوك
باوستني ام محمد وكالت //عرفت والله بيج شي اول تالي خمس تيام لا تجين ولا تمرين
انا باوست سميه الي شافتني وما كدرت تحبس دموعها انا من شفت سميه شلون بجت هم بجيت ام محمد كالت
- - فهميني ليش هيج سووا وياج
امل انهدت بيها وكالتلها //هذا ابن اخوج ما شايف وشاف
هي اتعجبت من كلام امل وكالتلها //ليش هيج تحجين ام كرار
امل //والله عمه احجي واحچي شنو يضربها ويكسر خشمها ويزوركها لان حرگت القميص
هو الاوتي قديم وحرك القميص شنو عجبه كسر خشمها غير لازمين عماد بالشافعات لان كالتله
وكعت من الدرج وهو يوميه يجي يحقق وياها
ام محمد //خايبه على كيفج اكلتينا حاصل فاصل
امل //لا والله عمه ما اگلتج بس تقبلين على مود قميص هيج يسوي بيها بس غير هي ما حجت
ام محمد بضحك //على كيفج اموله دروحي سويلنه جاي
وراحت امل وعمتي سالتني //عود صدك على مود القميص هيج كافر بيج
هزيت راسي = اي والله عمه عبالك مصبر عليه غير السب والغلط والعار
سميه كالت //سوده عليه تعبتي يا سوسن
انا جاوبتها بعتب = ليش سميه انتي وعمتي ما تعرفينهم البيت خالج
سميه ردت ://شبيهم بيت خالي خوش ناس
= ما كايله شي خوش ناس وضيدان
سميه //يولي حقير وجلب
خزرتها عمتي كتلها = ليش تخزرينها لان حجت على ابن اخوج
ام محمد وهي تحرك بيدها //ولج دولي احجي عدل انتي معزتج من معزة محمد وسميه نمونه ابن اخوي ولج
عشت ويه امج اكثر ما عشت ابيت اهلي بيبيتج هي ربتني واخوي وين شايفته فهيمه خلته ما يعرفله احد مثل
عماد واتعس
سميه //بس يمه انتي تعرفيهم البيت اخوج ليش ما حاجيتي سوسن كبل لا تتورط
انا جاوبتها بعتب = اي لان خافت عليه اخذ ابنها
هي اتحسرت //لا والله يوم سعيد لو ماخذه ابني خفت عليج من منال وبعبعتها يوميه مسويتلها فلم
ولج كل ماتروح الاهلها جايه فضليه هاده عليه وتگول ابنج مايريد بتي لان عاشك بت حماتج
وانتي تدرين وساكته
سميه جاوبت امها //اي يمه كلنه ندري محمد جان يريد سوسن
أنت تقرأ
##الشيطان اختي##
Чиклитقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
