💝مرحبا 💝
💝وكل عام وانتم بالف مليون خير 💝
💝ربي يتقبل اعمالكم 💝
💝ويارب تنزاح هذه الغمه عن جميع الانسانيه 💝
💖ربي يحفظكم ويحقق امانيكم 💖
تحياتي 😘😘😘
#انيين الليل #
💛💙💙💛❤️❤️❤️❤️❤️❤️❤️❤️❤️❤️❤️💛💙💙💛❤️❤️❤️❤️❤️❤️❤️❤️💛💙💙💛
😈الشيطان اختي 😈
🌺بارت 39🌺
❤️بقلمي آنيين الليل ❤️
//////////🌺🌹🌷////////////
جعفر
كنت مقهور من الي سووا ابوي وياي وانا اشوف بعيني الخطه الحقيره الي خلتني بلحظه اكرهه اكرهه
لان طعني بس حتى يبعد زينه عن طريقي حتى ما يگولون ابن ..اخذ وحده امها تبسط بالسوك
طعني حتى بس يحافظ على اسمه ومركزه گدام الناس مع الاسف طلع چذاب وهو يضرب بالمثاليات والتواضع
والخوف من الله
ما اكذب عليكم اذا كتلكم انا ما حبيت زينه انا بالبدايه انبهرت بجمالها صرت يوميه اروح واشوفها وبعدين ما اعرف
شنو صار بيه حبيتها على الرغم
من اني مرات اضوج من تصرفاتها وتصرفات امها لكن بعدين اگول لا هي الناس تباوع الها لان حلوه وهي مضطره
تساعد امها حتى تعيش ومن رحت ويا ابويه وشفتها شلون لابسه التخم وهي الي كانت تكلي
-احبك وما اريد اي شي اريدك انت جعفر
لكن من سمعت كلامها ودلاعتها وضحكها وصورها احتقرتها وبوكتها ضجت من كل صنف النساء وزعلت من
ابويه وحتى غلطت بحقه واتمنيت بلحظه يموت چان احساس واحد انخذل من اقرب الناس اله من الي كان يشوفه قدوته
من اجتني نور واخذتني البيته الثاني وما اعرف ليش هيج سوت بيته الي ما شايفه ولا اعرف اصلا عنده بيت ثاني
بگلبي گلت
:اويلي ضياء شگد خبيث بيت ومتزوج واحنه ما ندري
ومن دخلنه كلتلي نور انو هذا بيته هو وزوجته بوكتها اتمنيت ضياء ما يكون ابوي يمكن موته من الكتل
انا ردت اشوفه هو وزينه وافضحهم كدام نور واطلع كل حرگة گلبي الي كان السبب بيها مع الاسف اقرب واحد
الي والي اعتبره صديقي واخوي الچبير لكن خذلني من شاف زينه وجمالها ونسى انو هو طعن ابنه طعنه قويه
من دنت نفسه على حبيبة ابنه
دخلت للبيت وانا ارجف لكن المفاجإه انو شفت ابويه وزوجته ما كانت زينه وانما كانت مره يجي عمرها اربعين
او اقل انا خجلت وطلعت ،من البيت وانا اشوف ابوي شلون صاير عصبي على نور ويگلها اطلعي جايبه جعفر
عبالج تلويين ايدي
طلعت ورحت العمتي الهام جبتها لان خفت على نور من ابوي ورحت حتى ما حجيت ولا اتصلت بي وره يومين
او اكثر ابوي اتصل بيه وگلي =عمي مهدي مريض
طبعا ابو منتظر فعلا بمثابة عمنا لان احنا وعينا وهو ابد ما مفارك ابوي دائما ويا كانو اكثر من الاخوان
انا من سمعت رحت ويه ابويه البيتهم انا يمكن مره او مرتين رايح الهم للبيت كنت بوكتها خجلان من ابويه بسبب
تصرفي ويا وحتى كلامي لكن هو طبعه حلو ما يحاول يحسسنا بالذنب گعد ولا كانه صاير شي
من وصلنا ابوي خابر دكتور ارشد وطلب اروح الاكي لان مو هلكد يعرف يوصل البيت عمي طلعت وشفت زينب
وتقريبا اتعاركنا بوكتها انا ما اعرف زينب تصير بت عمي مهدي واتفاجات من شفتها فتحت الباب اكثر من مره حاولت اشوفها خصوصا من صرت انطي الابر العمي لكن شفتها مره وحده وبخطبة مصعب شفتها وظليت اقلد عليها وهي تعيب عليه عجبتني شخصيتها وطريقة لبسها الي اكيد هي مختارته وبارادتها وابد ما كان مصطنع كان بسيط جدا
بس الشي الي ما عجبني بيها السانها وانها ما تعبر اي كلمه
بخطبة نور جذبت انتباهي شكد ما هي ترد بالكلام لكن بنفس الوقت ثگيله ورزنه
ومن اتوفت عمتي سمر هي كتبتلي جمله وحده —البقيه بحياتك الله يصبركم —-
وشفتها اجت ويه امها للفاتحه وبالاربعينيه من راحت هي وامها نزولا الطلب ابوي بوكتها ما اعرف ليش فرحت رغم
الموقف حزين اشوفها كلش خجلانه وكاعده بالسياره ودايره وجهها ع الجامه
انا ما نزلت عيني من عليها وكل شويه اندار واگول منو يعجبها تنزل تحرك رجليها
واسال منو محتاجه شي
هي ابد ما جاوبت وانا اشوفها ضايجه
كتبت الها مسج وانا بالسياره
::اكدر اعرف ليش ضايجه
هي ما جاوبتني بس خلت ايدها على خدها وبقت دايره وجهها وحتى من وصلنه للامام انا اتعمدت اتاخر هي نزلت
وتمشي ويه امها بدون ما تباوعلي ومن رحنا للمكبره شفتها لازمه قران وتقرا بي على صفحه وبعدين راحت ويه امها
وعماتي يزورن بيبيتي وامي وجدي ابوي كلي
جعفر مناك اخذ ام منتظر خلي تزور اهلها هي تندلهم
اخذت ام منتظر وزينب ورحنا الهام راحت ويانه بالبدايه ام منتظر تيهت المكان وزينب گالت الها بقلة صبر
-ماما خلي نرجع عيب الناس هيج يتاخرون
انا جاوبتها
:منو الناس ست زينب
هي ما شالت عينها من الكاع -احنه جايين وياكم العمتكم مو حتى امي اتيه وتدور وتتاخرون من ورانا
الهام سالتها /زينب شبيج ليش من اول ما اجيتي ضايجه
هي باوعتلي وسكتت
(اهنا ام منتظر لگت مكان اهلها وصارت تبجي وزينب تقرا قران وانا رشيت قبورهم ماي ورد وشعلت بخور )
بعد ان قريت الفاتحه وام منتظر تنعى وتبجي على قبر اخوها الي توفى بحادث الهام گعدت يم ام منتظر
زينب تقربت يمها وكالت
-ماما هم ياالله نروح لان عيب اخاف الناس يتاخرون
انا رديت ::لا خاله ما عليج بيها ظلي على راحتج وحتى لو تردين ادورلج گبر جدچ حاضر بس انطيني اسمه
زينب خزرتني انا اتقربت منها وگلت
::خوفتيني بخزرتج اطلبيلي الاسعاف
هي ما ردت رجعت سالتها
::اكدر اعرف شبيج من ركبتي بالسياره وانتي ضايجه وحتى من وزعوا الاكل ما اخذتي شكو
-ما كو شي بس ضايجه
::غيير افهم منين ضايجه
-بصراحه احس نفسي ثقيله
::هاي شنو ثقيله عليمن
-جعفر بلا شقى امي وابوي جبروني اجي وانا كلش مستحيه
::ايبااخ منين باالله مستحيه
-يعني انتم كلكم اهل واح.
قاطعتها ما خليتها تكمل وكتلها
::وانتم اهلنا مو غربه واذا ما اجيتي انا اجيبج غصب
-صار بيها غصب وليش
::ما اكول
-بكيفك |دارت على امها ومشت وهي تكلها |ياالله ماما خلي نروح اتاخرنا عيب
أنت تقرأ
##الشيطان اختي##
ChickLitقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
