😈الشيطان اختي 😈
🌹بارت 32🌹
❤️بقلمي آنين الليل ❤️
//////////////////////////
ضياء
كعد ضيدان وانا طلعت من وره المكتب وصرت ورا وكتله بكل برود
:: ضيدان ليش قتلت سوسن
هو ما بين علي الاهتمام ابتسم باستهزاء
كتله :: شنو ما سمعتني
جاوبني بنظرة استهزاء. // لا والله استاذ سمعتك بس عبالي تتشاقى
خزرته وكتله بنتر ما يخلو من الهدوء // شنو يابه صديقي واتشاقى وياك |كلمته وانا اباوعله |
:: جاوب ع كد السؤال
رد عليه // شجاوب استاذ الله يخليك من امس استدعيتونه ومن الصبح اجينه وكاعدين على اعصابنا عبالنا
صاير شي تاليها تكلي ليش كتلت سوسن وانا اساسا ليش اكتلها شنو عدي وياها
رجعت كعدت وره المكتب :: زين انت مو قبل كم سنه معتدي عليها بالضرب وجهضتها طفل
هو اتفاجا من كلامي لكن ما بين علي شي اتذكرت كلام سوسن من تكول كان يهددني بالقتل ويكلها اطلع منها سالم
هز راسه // لا استاذ انا اتحاجيت ويه اخوي وهي سمعت الصيحه واجت تركض او وكعت وطرحت الطفل
شلون انا اضربها
:: ها هيج وانت ما متحرش بيها
هو ارتبك شويه // استغفر الله استاذ شتكول
انا دخنت جكاره وكتله :: مو اني الي اكول اخوها متهمك انت قاتلها لان هي كايلتله انت متحرش بيها
هو نز من مكانه وكال // خليها تولي هي واخوها ماتت وما افتكينا منها
انا سالته ابرود :: ليش هي قبل شنو كانت مسويه حتى انت تكول ما افتكينا منها
ضيدان // شتسوي بعد مره شكبرها وانتحرت شامره روحها بالشط الله العالم شمسويه لو شطالعه عليها
من سالفه ما كدرت اتسدها خافت وانتحرت
:: ها يعني انت اتاكد انتحارها !
هو باوعلي وسالني // لعد شنو مكتوله ؟
:: اي اخوها عماد يكول احتمال مكتوله
هوكال بدون اهتمام // يجوز هاي استغفر الله طلعت مصاحبه واحد وشوف شصار بيناتهم وخافت او هددته وكتلها
اتفاجات من كلامه :: اشلون بنيت هذا التصور احجيلي كل الي تعرفه عن سوسن
هو كلي // شحجيلك وحده چذابه ادب سزز اختها صايعه ما مخليته بنفس واحد واخوها واحد طميعي يموت ع
الفلس يعني شتطلع وشحجيلك
عضيت على شفتي واتنفست بهدوء :: طيب ضيدان ليش اتهمتك شنو سبب هذا الكره الي بينك وبينها
ضيدان // استاذ اني ما اكرهها هي مرت اخوي بس هاي من زمان انا لزمت عليها لزمه فهي تكرهني
:: هاا وليش هسه هي ياالله كالت الاخوها
ضيدان // بالبدايه هي خافت اخاف افضحها ويكوم اخوها يكتلها حتى ابنها غسلت دماغه وملت راسه
عليه وصار يكرهني بس هو عرف حقيقتها وخطب بتي عاد هي سوت هذا الفلم بس الله موجود وفضحها
:: ها يعني ابنها خطب بتك
ضيدان // اي وعقد عليها
:: وانت شعجب انطيته بتك يعني هو صحيح ابن اخوك بس مثل ما عرفت من كلامك هو كان يكرهك وامه مو تمام
اقصد اخلاقها واخلاق اختها مثل ما تگول
ضيدان // صحيح استاذ انت كلتها امه وخالته مو تمام مو هو انا ردت اقربه العمامه هو وحيد وخوش شاب
يتقرب العمامه بدل ما امه تجرفه بسوالفها المو زينه ويصير عار طول العمر
أنت تقرأ
##الشيطان اختي##
ChickLitقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
