##الشيطان اختي##

لما كل هذا

مرحبا يا اغلى قراء على قلبي
بداية اقدم تعازيي الحاره بوفاة كاتبتنا واختنا العزيزه ام غايب تغمدها الله بواسع مغفرته
واسكنها فسيح جناته
كانت نعم الاخت والصديقه مهمتها ان تكتب وتوصل رساله مضمونها انو الحياة قصيره ولازم تنعاش
بكل ما تحمل من مآسي واحزان
واحنا بدورنا لازم نعرف انو اي شي بالحياة هو حق ومردنا الى الله
انا من كنت صغيره احب اسمع قصص من جدتي رحمها الله وكنت اقرا بطلب من اهلي اقرا اي شئ تقع عليه عيني
مجله جريده كتاب مقال كانوا يجبرونا ع قراءة الكتب مو فقط الكتب الدراسيه لا ولكن جميع انواع الكتب السياسيه الادبيه الاقتصاديه وكثير الحمد لله نشئت وانا احمل في جعبتي الكثير من المعلومات وعلى جميع الاصعده
وقراءتنا وثقافتنا وتحضرنا ما يمنع انو احنا نحافظ على عاداتنا وتقاليدنا وقيمنا
الى ان بديت اقرا بهذا البرنامج (الواتبااد ) الي اعتبره موسوعه جميله تلتقي فيها اناس يحبون يكتبون ويقروون
وقررت اكتب بي وما انسى فضل احدى الصديقات الكاتبات الي اسمها (ريتاج )هي الي ساعدتني وعلمتني طريقة النشر
وانا اليوم وبعد مئة سنه ابقى اشكرها لان انسانه خلوقه بمعنى الكلمه من كتبت كان هدفي ان اوصل رساله حقيقيه عن دور المراه بالحياة وما تعانيه من مشاكل خصوصا ابلدنا الجريح شگد المرأه ما تتعب لكن قله قليله الي يثني ويقدر هذا التعب
ما كان همي احصل على تصويت بقدر ما كان همي ان اجد من يقرا روايتي ويثني عليها
واعرف انو هناك من الكاتبات العزيزات الي هنه اقدر مني ويمتلكن بصمه بكتاباتهن
مثلما اعرف انو هذا البرنامج للجميع
من اول ما بديت بكتابة قصتي (نعم احببتك )او ثاني قصه (انقذتني رووح )بدا عليه التهجم بالكلام
من شافوا انو انا ما اهتم  اجو بطريقه اخرى  وهو يدخلون بالخاص واول وحده
كانت دكتوره وبدت تتكلم عن معاناتها وانو هي اتعرضت  الحادثه وكالت على اثرها نسيت اسمي وفقدت السمع والبصر وما اعرف احد بس واحد يتردد عليه وهو ساعدني ومن رجعت ذاكرتي اختفى
كنت اقرا ما تكتبه واعرف بان هذا الشي كذب وما سكتت سالت ذوي الاختصاص بالطب خصوصا وانا اختي طبيبه وبنات عمي واولاد عمامي اطباء اجابوني انو ماكو هيج شي
من واجهتها اختفت ورجعت مره ثانيه وكالت انو هي استاذه جامعه وهاي قصه وحده من صديقاتها الي تتمنى انشرها وبدت سلسلة الاكاذيب بعدها واجهتها بالحقيقه وكتلها انتي مو استاذة جامعه وانما انتي نفسج الدكتوره فهي كالت انا فعلا الدكتوره وما اتذكر راسلتج بس احب اقرا قصصج
بعدين دخل واحد كال انا طبيب وزميلها وهي فعلا تعرضت الهيج حادث وانتي تكلمتي عليها وهي تاثرت
فهمته انو هي الي تقمصت شخصيتين مو انا وفهمته انو انا انسانه وقتي بين البيت والدراسه والكتابه
حاول يعرف شنو اسماء القصص الي راح اكتبهن وايضا واجهته وكشفته فجاه بقدرة قادر يختفي وبعدين توصل رساله
انو هو استشهد بساحة التحرير واعرف هاي كذبه
اما الدكتوره اختفت وانحذف الحساب
ما اهتمييت لهاي التصرفات وبقيت اكتب واشوف بدوا يكثرون متابعيني وينعجبون بطريقة السرد الي تختلف عن باقي الكاتبات ومن ضمنهن قارئه تصوت وتعلق
الى ان دخلت الي بالخاص وانا معجبه بكتاباتج وقصتج وياي ليل ونهار حتى احلم بيها
بعدين صرنا صديقات ونحجي بامور عاديه عن الدراسه والبيت ومن نسترسل بالكلام تسالني عن القصه الي اكتبها وانا اتكلم وياها عادي وبعدين عرفت هي ارمله وام لاثنيين اطفال عايشه عد اهلها وبين البيت والاطفال والمسؤوليه بتدريسهم تاخذ فرصه تقرا بالواتباد لان هو المتنفس الوحيد وما عدها اي برامج اخرى
وبمجرد ما تاخذ فكره عن القصه تختفي وبعد اربع او خمس تيام ترجع بغير حساب وتدخلي خاص وتكلي حسابي تهكر وهذا جديد ونفس الشي انا لان نقية القلب عادي ارحب بيها ونبقى نتحدث واسالها وانقهر على معاناتها
من كتبت الشيطان اختي دخلت عليه وبحساب جديد وصارت تثني ع القصه وتكلي جاي ابجي حتى تمرضت على البطله
هاي تشبه قصتي صدكوني انا صرت اصبر عليها واكلها كلنه عدنا ظروف وقصص بحياتنا من الصعوبه ان ننساها
ثاني يووم كتبتلي انونه حبيبتي انطيني حسابج بالفيس
جاوبتها انا ما عندي فيس
سالتني مو تكولين جاي تدرسين الكتروني
فهمتها انو دراستنا بايميل خاص تنطي النه الكليه
كالت بعض الكاتبات الكبيرات بالواتبااد حبن قصصج ويريدوج تنظمين الهن وسمتهن بالاسم
جاوبتها انا ما عندي فيس وبصراحه ما عندي وقت للتواصل
بعد يومين سالتني زين انستا كتلها والله ما عندي
كلتلي تسمحيلي انشرقصة الشيطان اختي بالفيس
جاوبتها ما عندي مانع
ثاني يوم كلمتني وهي فرحانه وتگلي انونه حبيبتي اول بارت حصد 500صوت ومدير الكروب كال راح انزل بارتين لان القراء جاي يكلوله لاتقطع نزل انا الصراحه فرحت وبعدين كالت بالانستا هماتين جاي انزل وان شاء الله قصتج راح تحتل المراكز الاولى
هذا كلامها وانا لازلت اكتب بالبارتات
بعد يومين دخلتلي انيين اريد اكلج شي شگد ناس راسلوني طلبو مني ان تسوين حساب حتى يعلقولج
گتلها ان شاء الله هسه انا بين الامتحانات والدراسه والكتابه ما عندي مجال اتواصل ويه ناس
بنفس اللحظه گلتلي انيين اكو صديقه محتاجه مساعده ماديه ظروفها تعبانه وانتي بكيفج وانا اعرف انتي
ما محتاجه والله فاتحها عليج وتكدرين تساعديها واذا ما تكدرين اطلبي من متابعينح ما شاء الله متابعينج بيهم وما يزيدون
وهمه اكيد يحبوج ويحترموج ومن تطلبين منهم ما يقصرون
انا ما وعدتها بشي لكن بصراحه ما ارتاحييت شنو اطلب من متابعيني منين اعرفهم ومنين اعرف صديقتها
اتوصلت الى قرار صورت المحادثه ورسلتها الى سوسن الي بنفس الوقت شوفتها الاستاذ ضياء
دخل على صفحتها بالفيس شاف
انو ناشره اربع بارتات بصوره متباعده والتصويت مو اكثر من 11واحد
بعدين سالني عنها انا محتفظه بكل حساباتها ما حاذفتهن
وصار يسال واجاوب وبهاي الاثناء دخلت عليه بنيه كالت انا معجبه بكتاباتج وبقصصج ولان انتي ما تكتبين اله
قصص حقيقيه  اريدج تنشرين قصتي لان حزينه وتفيد القراء وتعالج مشاكل المرأه
وبدت انا من بغداد وبيت عمتي بديالى وابن عمتي مثل اخويه ومن يشوفني يسلم  عليه اشلونج الخبله وانا اكله
ابو كرش ورحت عليهم وشفت واحد واكف  كلت منووهذا العمود طلع اخو الشيخ 
يعني بين قوسين مو قصه لا على گولة اهلنه (هرمله ) هم جاريتها الى ان گالت
زوجي راح يكتبلج الباقي بالليل لان انا تعبت من كثر البچي وزوجي خريج اداره واقتصاد ويشتغل بالعقارات
وانتظرت زوجها الي كتبلي وعرفني عن نفسه لكن لكثر غبائهم انو نفس الاخطاء الاملائيه والكلمات الهزيله يعني
بين قوسين هي نفسها العينتين ومتقمصه الدور
عرفت من هذا كله  انو هاي الصديقه الوضيعه
هي انسانه اسمحولي اگول عنها رخيصه
كذب لا ارمله ولا اي شي وابتداءا من الدكتوره الى الدكتور الي استشهد بالتحرير وكذب لان استاذ ضياء بحث ما لگى اي طبيب  وهاي الي اخذت ابو كرش  ما ادري العمود هي شخص واحد مهمتها ما اكمل القصه
ومو بس هيج طلعت مشتركه بعشر كروبات تنشر الهذا وتسقط ذاك
رادتني اكلكم على هاي الي تريد مساعده حتى تسقطني امامكم بعدين تدخل بغير حساب وتبقى تراسلكم ع الخاص
واكيد تقلل وتكثر عليه
زين ليش كل هذا
انا اي قصه اكتبها التصويت ما يتعدا اكثر شي 300 الف
وبالتالي انا من اكتب اريد اعالج مشكله واوصل رساله
امس واجهتها گتلها ليش هيج تسووين
لو تشوفون صارت تخلط بالاوراق  تگول عليه انا انسانه متكبره وهي انسانه واعيه ومحبوبه وخلوها بكروب القصص
ومن فهمتها انا مصوره الكلام راسا حضرتني
وره تلث ساعات دخلي واحد بالخاص لا متابعني ولا قاري اليه اي شي وبدا يتكلم بعدين
كلي انا معجب بيج  وحاب ارتبط
وانا ما قصرت بحيث خليته يحجي الصار والما صار
الي عرفته انو مع الاسف هاي الانسانه متملقه لبعض الكاتبات ومهمتها تستدرج اي كاتبه وتخليها ما تكمل القصه او اتاخرها
حتى القراء يملوون وتدخل باسماء مستعاره وتكول انا  عندي قصه  وتبدي اتصادقج حتى ما تكتمل القصه الي تكتبوها
انا حبيت احذركم من هيج نماذج انا اعرفها وكل حساباتها عندي وحتى صفحتها بالفيس وكروباتها مال النشر
والفضل الاول والاخير الست سوسن واستاذ ضياء
لكن عتبي على بعض الكاتبات الي اعتبرهن كبيرات بسبب كثرة التصويت وجمالية القصص يخلون مثل هيج
وحده اقل ما يقال عنها انها انسانه وضيعه الى ابعد الحدود يخلوها تجيب اسمهم
والحر تكفي الاشاره
سلامي للجميع بدون استثناء ربي يحفظكم ويكفيكم شر الوباء والامراض
اسفه للاطاله
على فكره ان شاء الله قريبا راح انشر قصة ناديه
تحياتي الكم