😈الشيطان اختي 😈
🌹البارت 40🌹
❤️بقلمي آنيين الليل ❤️
////////|/////////////////
مرحبا
الصراحه انا اعتذر منكم لان هذا البارت بي اشياء انا ما حبيت اذكرها
لكن الحاح الابطال حتى تعرفون الحقيقه خلوني اكتبه اعذروني لما سوف تقرؤنا
💝💞💖احبكم 💝💞💝يا اعز قراء
#انيين الليل #
💙💙💙💙💙💙💙💙❤️❤️💙💙💙💙💙💙💙
ضياء
من وصلت للمزرعه بعد ان فهمت سوسن والاولاد انو انا مسافر رحت للمزرعه واخذت وياي ملابس
واكل وماي
بس وصلت دزيت على جاسم اجاني سلم عليه گتله
=جاسم انا هالايام راح ابقى بالمزرعه لان عندي شغل مهم وراح يجون يمي جماعه فانت اخذ زوجتك
واولادك وروحوا يم اهلك
جاسم :صار ابو جعفر يمته تريدني ارجع
=فد اسبوع عشر تيام وانا بكل الاحوال من احتاجك اخابرك
وانطيته فلوس وره ساعه وطلع بالبكب اخذ عايلته وراح
خابرت برهم او ابراهيم
:نعم استاذ
=سوي الي گتلك علي وتعالي للمزرعه
:صار استاذ
=بانتظارك
بعدين خابرت ياسمين
=الو ياسمين
:اهلا استاذ اامرني
=بلشي شغل ع الثكيل وانتظري مني تلفون
:حاضر
=ديري بالج مثل ما فهمتج
:استاذ لا توصيني اعرف شغلتي هاضمتها وهو خليته ما يعرف اسمه هههههه
=عفيه عليج انتظري مني تلفون
:تدلل بالخدمه
=ما اوصيج ديري بالج
وسديته ورحت للمطبخ سويتلي لفه جبن واكلتها وسويت گهوه الساعه بالتسعه بالليل اجه برهم بسياره واجت وراه
سياره ثانيه بيها جماعته الي طلبت منهم ينتشرون داير البيت وخابرت مصعب گتله جيب عشا للشباب وتعال
ابراهيم نزلها كتله خليها بالغرفه وسدها عليها
طلع ابراهيم وكعد بالصاله انا رحت للغرفه وشفتها شلون نايمه ما حاسه بشي كنت اول مره اشوفها اخذني الفضول
اباوع الها فعلا مثل ما وصفتها سوسن حلوه بشكل وحتى بنومتها مغريه وحتى وهي عمرها اكثر من خمسين سنه
هي تبين ازغر من عمرها بهواي حلوه لكن افعالها قبيحه قبيحه بشكل بقيت اباوع الها ودي اخنگها بنومتها
سمعت مصعب اجه وهو يكول:: ضياء وين انت
طلعت لكيت مصعب جايب عشا كلت البرهم حضره ودي للشباب خلي يتعشون وتعال جيبلنه اهنا خلي نتعشى
تمينا ساكتين تعشينا وكلت البرهم يسوي چاي للشباب ويسويلنا انا ومصعب ناركيله
جاب برهم الناركيله والجاي وراح مصعب صار يدخن وانا اشرب چاي گلي
::ضياء خليني انا اكمل عنك
=لا مصعب هاي بالذات انا اريد اسمعها لان اكو اشياء انت ما تعرفها
::براحتك ابو جعفر
=ادري مصعب جاي ااذيك وياي بس تعرف اني امون عليك
::رگبتي گدامك ضياء انت شتحجي بس اگول ليش تاذي نفسك انا اعرف شلون اخليها كل شي تحچي الشي
الي تريده
=اعرف بس گتلك انا اريد ابلش وياها وانت ادخل وياي ومن تكمل نارگيلتك گوم اتاكد من الكاميرات ولاتنسى
التسجيل
::كله حاضر وكامل وجربتهن قبل لا تجي |بعدين غمزلي |شنو ابو جعفر احنا نلعب
=زين بس والله جاي ازاحم نسوانك عليك
جاوبني بضحك ::يمعود خلي افتك منهن كتلهن رايح ايفاد اسبوع
=هاا هسه تريد تفتك
::وداعتك معيشاتني امير خصوصا بعد ما فهمتني انت شلون لازم اتصرف وياهن وكتلهن مخلي الثالثه
جوه ابطي بس وحده تلعب بذيلها انتن الثنين تكعدن بالمشتمل وهي اجيبها بالبيت وما امر بيجن حدي وياچن
بس المصرف تنسن مصعب
=هههههه زين تسوي
::ضياء ما ناوي ترجع بعد ما تنتهي اجازتك
سحبت نفس =هذا الكلام سابق الاوانه اكمل واخلص الاجازه وبعدها الله كريم
أنت تقرأ
##الشيطان اختي##
Chick-Litقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
