😈الشيطان اختي 😈
🌷بارت 26🌷
❣️بقلم آنيين الليل ❣️
//////////////////////
مرحبا اعزائي
هذا البارت بارت حزين لان سوسن راح تفقد اعزاء
اسفه راح ابچيكم بس لازم انقل الكم القصه كما اسمعها
اتمنى يارب يعجبكم
💙💙💙💙💙💙💙💙💙💙💙💙💙💙💙💙
سوسن
من سمعت عمي هيج اتكلم ويه نعيم وسمعت رد نعيم استهضمت على نفسي لبست شالي
وطلعت وكفت شفت نعيم يباوعلي وهو مقهور ويباوع الاهله انا ما انطيت فرصه الامه تحجي
اتقربت من عمي وكلت بكل هدوءوثقه
= ليش عمي هيج تحجون عليه تره اني قبل لا اصير مرت ابنكم انتو اقاربنا وعيب من تحجون عليه
بشي انا ما الي دخل بي تعيروني بقبيله ليش كلكم تدرون بيها بت شداد عيروني بعايده الي ما طلعت
عليها كلمه واخذت رجال اكبر منها بعشرين سنه
لو بهديه الي محد سمع صوتها احلفك باالله عمي انت هم سامع صوت هديه
لو هم سامع كلمه موزينه عن اخواتي عن بنات عمامي بس انتو ما تردوني تكرهوني ولان هذا طلب
ضيدان عمي باچر بالكبر ما يفيدك لا ضيدان ولا اني الي يفيدك عملك
نعيم كال //اي كل هذا طلب ضيدان وكله الخاطرست الحسن فائزه
بعدين نعيم گللهم //اسمعوني زين طلاك ما اطلك وزواج ما اتزوج على سوسن وخلي ضيدان لو هو رجال
خلي يتزوج على مرته لو يطلكها وياخذ غيرها مو يگول اني ما اعترف باي مره على وجه الارض
وصارت عمتي تحجي وتغلط عليه وتغلط على نعيم الي گلي // فوتي سوسن ادخلي الغرفتج
ورحت للغرفه وهو لحكني بقينا كاعدين واحنا نسمع المسبه والغلط والعار حسينه بيهم طلعو كنت اشوف
نعيم شلون ضايج ومتوتر وعرفت بي حتى خايف من ضيدان لا يجي ويسوي مشكله
:: وضيدان شنو كانت ردة فعله
= ورى يومين اجه ولا كانه شي صار
:: يعني ما سووا مشكله ولا ابدا
= لا عادي اجه غسل ونام وثاني يوم طلع للشغل ورجع بالليل هو ونعيم يسولفون ويضحكون
:: شعجب هيج سووا
.= لان عرفته بدا وياي حرب من نوع ثاني
:: هاا
= مثل ما گتلك استاذ ضيدان كان اهم شي عنده اتطلك بس كون انا الي اطلب الطلاك من نعيم
وهو يكون بعيد مو بالصوره
::شلون يعني
= يعني املن وازهك وروحي تطلع واطلب الطلاك وفتره يبدي بخطه حتى ياخذني
::وشنو سووا
= صار يوميه يجيب اصدقائه معارفه ويعزمهم للبيت اما اقاربنا الي بلمشخاب فصار يجيبهم وحتى يباتون
وانا لازم اطبخ واعجن واخبز واسوي جاي واخلي فراشات وكل هذا وانا ساكته بدون اي كلمه
::ونعيم شنو كانت ردت فعله
هي اتحسرت = عادي يجيب بالمسواك من جيبه وهو ساكت وضيدان يتآمر رغم ما احجي ويا
سوي هيج وخلي هيج وهذا السويتي قليل وهذاالي اجه ما ياكل دهن وذاك عنده ضغط وسوي نوعين
من هذا الشي
والناس بحصار وحسره عليها اللگمه ونعيم يتسوك اشكال وضيدان يامر وانا لازم انفذ وانا ساكته
أنت تقرأ
##الشيطان اختي##
ChickLitقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
