😈الشيطان اختي 😈
🌷بارت 15🌷
بقلمي #آنيين الليل #
احبابي
هذا البارت هديه الكم
لان اعرف الكل يتمنى يعرفون شبيها سوسن
تستاهلون
#انيين الليل
💙💙💙💙💙
ضياء
كنت بالسياره لمن ما اجه ابو منتظر وجهه ما يتفسر فتح باب السياره وگلي
- - ابو نور انزل
انا باوعتله ونزلت من السياره كتله
:: شصاير مهدي
مهدي مرتبك // ابو نور ما اعرف بس المسواك مال قبل اربع تيام بعلاليكه وبنفس المكان الي خليته ابو جعفر
خاف صاير بيها شي
انا شعرت بخوف :: تعال وراي مهدي
وصرت امشي بسرعه حسيت المسافه بين الگراج وباب الصاله بعيد اهوايه
فتحت باب الصاله ودخلت ومهدي دخل وراي فتت گبل للغرفه وانا احجي ويه نفسي
:: سوسن ليش هذا الصمت الي يخوفني
ما دكيت الباب راسا دخلت شفت سوسن متمدده على صفحتها
بس ما حست بوجودي من فتحت الباب اتقربت يمها وصلت وانا ما اعرف شنو الي صاير وصلت يمها باوعت
الها وانا اشوف شلون مغمضه عيونها وشفايفها لونهن ابيض حسيت انو سوسن خلص منتهيه
درتها على ظهرها وبلا ما احس خليت ايدي على جبينها شفت حرارتها مرتفعه كلش خليت ايدي على
معصمها حسيت بنبض كلش ضعيف طلعت تلفوني واتصلت
:: الو ارشد تعالي بسرعه للبيت الزغير
انطيت التلفون المهدي ما اعرف ليش صرت ارجف مثل السعفه
وانا رحت للمطبخ طلعت بطل ماي من الثلاجه ورحت يمها اخذت شويه ماي غسلت وجهها وضربت
ضربه خفيفه على وجهها وبقيت احجي ويه نفسي
:: انا شنو الي سويته بنفسي هاي اذا ماتت شلون اخلص نفسي من مسووليتها ومن اهلها وعشيرتها لو
شلون اخلص نفسي من القانون لو الفضيحه والكلام الي راح يتقوولونه عليه الناس اووف منك يا ضياء
شلك بالمسؤوليه بس تنتبه خليها وين ما تريد تروح خلي تروح مالك شغل بيها
هزيت راسي :: اي هو هذا الي كان لازم اسوي من اول يوم شفتها وبعدين هي ليش هيج سووت
على مود تجذب نظرك وتتعاطف اكثر وياها
:: لا ضياء ليش هيج تحجي اتصورها مسكينه وشافت مرار وعذاب اكثر منك ولاتنسى انت قسيت
عليها على شي صارله سنين
:: لا اني قسيت على نفسي لان احس انو منطيها اهميه اكثر من اللازم اهميه ممكن تنسيني بيتي واولادي
انتبهت من ذهولي لمن ما اجه ارشد ويه مهدي وهو يگله
- - وينه ضياء شكو شصاير
انا طلعت من باب الغرفه وگتله :: تعال اهنا دكتور
ارشد مثل ما اعرفه بس ضحك وشقى //عمي خليت بيها دكتور انت اشو مره تجيبني يسره
مره تاخذني يمنه (وضحك )
ما جاوبته ودخل ارشد للغرفه واتفاجا من شاف سوسن نايمه باوع عليه يعني
منو هاي انا ما جاوبته اشرتله براسي صار يفحصها وكلي باستغراب
• ضياء من يمته هيه هيج
:: اتصور اربع تيام
أنت تقرأ
##الشيطان اختي##
ChickLitقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
