##الشيطان اختي##

توضيح

مجموعة رسائل
مرحبا يا اغلى قراء على گلبي
بعد ان نهيت القصه وصلتني العديد من الرسائل على الخاص
ومثل ما گلت بوقت سابق انا حاضره لاي استفسار من اي نوع مو فقط ع القصه لا على اي شي تحبون تسالون عنه
الي وصلتني مجموعة رسائل احيانا تطلب التوضيح واخرى تبدا بالتسقيط وهذا ما يهمني
الكثير من العزيزات سالن ليش سوسن ما رجعت البناتها او ع الاقل ما حاولت تعرفهن انو هي موجوده وهذا الشي انا ما حبيت اذكره بنهاية القصه لان ما اله رابط وكذلك صار سؤال واستفسار كثير وملحه طبعا من عندي العمو ضياء وكان الرد الي اكثر عوائلنا اذا مو كلها على اختلاف دياناتهم وثقافتهم ومذاهبهم راح يتصرفون تصرف واحد وهو الاقتصاص من سوسن وتجريم ضياء الي كان اهم شي عنده انصاف سوسن واخذ ثارها من قبيله وضيدان بطريقه تحافظ بيها على كرامتها الي عاشت طوول عمرها وهي تحاول جاهده ان تحافظ عليها بالرغم من وجود الكثير من الزلات

لذلك سوسن ما عرفت نفسها الاولادها لان عرفت انو اي تصرف تقوم بي راح ينقلب ضدها
هسه تكلولي شلون
سوسن ما ضهرت براءتها الا بعد ان توفت بنظر زوجها واهلها واولادها والمجتمع
وما انعرفت حقارة ونذالة ضيدان الا بعد ان صارت بنظر الكل هي ميته
اذا وحده من بناتها او ابنها عرف اكيد بلحظة ضعف او فرح راح ينكشف وجودها وكل الي عمله ضياء راح ينحسب ضد سوسن بالعكس راح يطلع ضيدان هو البرئ وهو المجني علي وهو المغلوب على امره والاعترافات ماهي اله تحت تهديد السلاح ومو بعيده يكولون سوسن هي دزت هذوله الناس وهي على معرفه وطيده بيهم
وبعدين راح يوصلون الضياء واهنا العشائر مثل ما نعرف بالقانون العشائري ما يعرفون مسؤول او شخص اله مكانته بالمجتمع لا قانون عشيره يمشي ع الكل وبالتالي يصبح ضياء متهم اصلا بالعكس يصير لقمه سائغه لاولئك الذين يتصيدون بالماء العكر
من غير انو ممكن سوسن تنقتل باعتبار هي هاربه من اهلها واكيد نعيم ما راح يسكت لان اهم شي عنده ان يطلع اخو برئ رغم كل الي شافه وسمعه
هاي الامور كلها خلاها ضياء امام سوسن وهي وافقت لان تعرف انو ضياء راح ايطمنها على ابنها وبناتها اول باول
وفعلا من كانو بالعراق كان دائما ياخذها للكليه الي تداوم بيها ريتاج وكان يطلعها من يعرف من ام وليد هي طلعت ويه البنات يشترن احتياجاتهن من ولدت محمد شويه التهت وبعدين اطمنت اكثر من البنات تزوجن واستقرن وصارت دائما تطمن عليهن من ام وليد وتعرف اخبارهن لان ام وليد صارت اقرب انسانه الهن
صحيح سوسن كانت دائما تبچي وتشوف صورهن لكن بنفس الوقت ما تكدر تترك ضياء الي ضحى حتى بوظيفته ومنصبه على مودها
الان سوسن مثل ما تعرفون مسافره خارج العراق تعمل ويه زوجها باحدالمنظمات الدوليه وقنعت نفسها بان بناتها متزوجات ومستقرات وهي اكيد ما راح تتركهن

بنهاية قصة سوسن اعتقد الكل فرح واكثر شي انحب ضياء الرجولته
اجتني عدة اسئله وهي باي سنه صارت القصه وقبل شكد
القصه صار الها اكثرمن ثلاث سنوات حينما قدم ضياء المساعده السوسن وطلبها للزواج وهي وافقت
محمد عمره سنتين وشويه  ..العمر كله ..
هاي كانت قصة ضياء وسوسن الي ابكتنا وقهرتنا وبالتالي فرحنا لان حسينا ان العدل قال كلمته بهاي القصه