😈الشيطان اختي 😈
🌺البارت 37🌺
💖بقلمي آنيين الليل 😘😘
///////////////.////////////////
سوسن
من رحت للطبيب ويه ضياء ورجعت وشفته شلون طلب من اخته تجي يوميه حتى تنطيني الابره حسيت بي
مهتم بيه خصوصا من اجه من الدوام جاب ويا جهاز مشي لان الطبيب طلب مني امشي
ومن كمل شد الجهاز كلي
:: هذا جبته حتى تمشين وهو بي سرعات مختلفه حاولي تمرنين رجليج
= شكرا استاذ ليش كلفت على نفسك
هز راسه :: حاولي تمشين علي فد تلث مرات باليوم ربع ساعه اكثر
الهام اخر يوم من اجت انطتني الابره وشافت جهاز المشي كالت
- - هلا هلا ياعيني ع الحب اي عيني حتى جهاز مشي جابلج تدرين احس بضياء يحبج حتى اكثر من ام جعفر الله يرحمها
من سمعت الهام ما جاوبتها هي كالت // ساره حبيبتي مو تسرعينا اخاف حامل ومو زين عليج
سكتت وابتسمت وراحت الهام وانا سالت نفسي
= شنو قصدها الهام تكلي يحبج اكثر من ام جعفر اكيد هو حاجي كدامها
كنت خايفه والف سؤال ابالي واهم سؤال = انا شنو راح يكون مصيري ليش هاي صار تلث تشهر واي شي
جديد ماكو مو كال اساعدج لعد وينه
= وهذا رجال والنفس اماره بالسوء على الاقل اطمن اني ما زلت محافظه على كرامتي
اتحسرت = كرامتي الي داسها رجلي وابني وقبلها عماد وقبيله خلوها بالحضيض
ما اعرف ليش كلت و= بس يجي استفزه واگله اريد اطلع من البيت
واذا سالني عن السبب اكله لان تعبت ومليت وما اشوف اكو حل اطلع او اواجه مصيري
من اجه حاچيته بصراحه اتفاجئت برده گلي :: اذا تردين هسه اطلعي
يعني ضياء طردني عرفت ما الي مكان اهنا وقررت الصبح اروح ظليت الليل كله ما نايمته كلت اطلع بطرك
دشداشتي وعباتي بس اخذ وياي البوشي قررت اروح المهند ابن اختي للناصريه لكن كلت مهند ونسوانه ما راح
يسكتن وراح اانفضح
بعدين فكرت اروح والي يصير يصير واتذكرت شنو راح يصير ابناتي من يعرفون انا عايشه والقال والقلت وشلون
راح تصير سمعتي لكمه سهله وضيدان راح يفرح ويبقى يعير ابناتي بالرايحه والراده
لو عماد والي راح يسوي من يعرف بيه عايشه
اتحسرت وحجيت = اذن ما كو كدامي الا الانتحار هذا هو هذا مصيري الي اتقرر بس ضياء طلع مو كد كلامه مع
الاسف وثقت بي
= لا سوسن لا تظلمينه هو ما سووا اله كل خير لكن يجوز ما كدر يسوي شي
= هذا هو بعد ما ابقى
سمعت الفجر اذن طلعت اتوضيت وصليت ولبست جواريبي واخذت عباتي وعدلت شالي والبوشي بايدي ما لبسته
كلت من اطلع من محيط البيت ياالله البسه كاعده ع القنفه حسيت بضياء نازل يركض بسرعه وكفت ما باوعلي
يعيط على مهند :: حضرلي السياره
رن تلفونه واسمعه يكول :: بمدينة الطب طالع قبلكم
انا خليت ايدي على حلكي عرفت صاير شي اتقربت يمه لكن هو طلع وقفل الباب بدون ما يتكلم وياي كلمه
ظليت اسال منو هذا الي بمدينة الطب وضياء راح يركض اكيد صايره حادثه
أنت تقرأ
##الشيطان اختي##
ChickLitقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
