😈الشيطان اختي 😈
🌷البارت 44🌷
🌷بقلمي آنيين الليل 💖😘
/////////////////////////
ضياء
من گعدت الصبح وفتحت النقالات ومن ضمنهن نقال ضيدان تفاجات بصورته ع الواتساب من نفس رقم عمه
وهو سابح بدمه شكد شايف صور وجثث ناس مقتوله وناس متفجره وناس محتركه ما هزتني لكن من شفت صورة
هذا الخاين والسچين يمه وهو مقطع الاورده مالت ايده صراحه رجفت
بسرعه كمت بدلت ودزيت الصوره المصعب واخذت الموبايلات وركبت بالسياره مصعب اتصل عليه
:الو ابو جعفر هاي الصوره يمته دزوها
=قبل خمس دقايق
:انت وين هسه
=راح اروح للمشخاب اتاكد
:لاتروح ضياء تعال للدائره ونتفاهم
=شسوي اجي اروح اتاكد
مصعب ::ضياء كافي تهور تعال للدائره
انا بعصبيه =شنو مصعب جاي تتأمر عليه
::لا ابو جعفر ما اتامر بس شتسوي تروح وليش
=اريد اتأكد
::ايي تعال وهسه نتاكد
جريت نفس وركبت سيارتي ورحت للدائره ما اعرف شلون وصلت تلگاني مصعب گلي
:ضياء انا اروح وانت ابقى
=مصعب ما ابقى تريد تروح وياي لو اروح ابحدي وبعدين شنو هاي مال كافي تهور
: عوفنا هسه انت من كل وعقلك تروح شنو نعيم ما يعرفك لو انا محد يعرفني
=هاي شبيك مصعب ويعرفونه شنو يعني واحنه وين نروح البيتهم مثلا ابقى انت وانا رايح
:لا انتظر اروح وياك
وطلعنا وراحو ويانه بالسياره الثانيه عناصر اربعه اتصلت بولد نعرفه وانطيته الاسم.وكتله يتاكدلي وانا بالطريق
وره نص ساعه خابرني وگلي /اي استاذ الخبر صدك وهسه هو بعده بالطب العدلي
افتهمت الخبر مؤكد باوعلي مصعب وگلي
- - خلي نرجع ضياء ما طول اتاكدت
:: لا اريد اروح انزل انت مصعب رووح ويه العناصر
او وكفت السياره مصعب گلي
- - هاي شبيك شنو انزل
باوعتله وفتحت الباب كتله بنتر
:: مصعب انزل اني اروح ابحدي
هو جاوبني باصرار // ما اخليك ضياء
نفخت :: لا تخليني ما عندي شي مجرد اريد اتاكد واتاكدت
- - او وين تروح للبيت
هزيت راسي هو كلي // زين لعد اروح وياك وبعدين اروح ويه الولد
:: لا انزل هسه مصعب
- - براحتك ابو جعفر |جر حسره مصعب وغمض عيونه | - - وتكول ما احبها واساعدها لان مظلومه مو اخذتلها
حقها ما تروح تبشرها بس انت تخاف
باوعتله وانا عاكف جواجبي :: اخاف منين اخاف ؟
هز. راسه // اي تخاف ضياء تخاف بس تعرف تطلع من البيت وانت ما تريدها تطلع ضياء تره انت جاي
تعذب بنفسك وعيونك فاضحتك قبل تصرفاتك
انا بقلة صبر :: انزل مصعب محتاج ابقى ابحدي
- - نازل (فتح الباب ) بس نصيحه لا تدخن هواي تره راح تموت وانت ما منتبه النفسك
ونزل مصعب سقت السياره وادخن واكول
:: هو مو مات مو اتاكدت من موته شكو رايح والمن وليش هلگد ضايج
درت رجعت وكفت على صفحه واتصلت بأم وليد
-الو
:: صباح الخير
-اهلا استاذ صباح النور
=:: ام وليد اتصلي بريم حاولي تعرفين منها شنو صاير
-اي هسه استاذ
:: انتظري ام وليد اسمعيني من تتصلين كانما تسالين عنهم مو تساليها شنو صاير ورجعيلي الخبر منتظرج اني
-اي استاذ هسه اتصل
أنت تقرأ
##الشيطان اختي##
Genç Kız Edebiyatıقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
