😈الشيطان اختي 😈
💐بارت 16💐
بقلمي #انيين الليل #
/////💔💔///
اتعلم ما يزيد المي .........
ليس مغادرتك ......
ولا نسيانك لي ......
ما يوجعني حد الالم بل حد الموت ......
انني رغم ما حدث
وما سيحدث
لا زلت اشتاق اليك
هكذا حالي وهذه انا 💔سوسن💔
💜❤️💙💜❤️💙💜❤️💙💜❤️💙💜❤️💙💜❤️💙💜❤️💙💜❤️💙💜❤️💙💜💜
= انا صفنت وتفاجئت بنفس الوقت وانا اشوف باسمه بكل ثقه صعدت بسيارة فؤاد وهي مبتسمه والي انا ياما
ركبت بيها واشوف فؤاد وهو يباوع بنفس الشغف الي كان يباوعلي بي كان ما ينتبه الاي احد موجود
بالشارع بس الي هسه نفس الشي جاي اشوفه ويه باسمه
بقيت بمكاني ما اتحركت كنت بالضبط مثل واحد نايم بعمق واجه واحد شمر علي ماي ثلج هيج
كنت انا ما اعرف شسوي كان احساسي مشتت ونفسي مذبوحه
وعرفت احساس شنو الواحد ينطعن بخنجر مسموم
ما انتبهت الا على وحده لزمتني من چتفي وهي تگلي
::خاله بيج شي ليش صافنه وهاي ثاني سياره تقبط وانتي ما تصعدين بيها
انا انتبهت شفتها مره كبيره بالعمر ما كدرت الزم دموعي الي وكعن سالتني
::خاله شبيج شنو صاير بيج
انا هزيت راسي وما جاوبتها ورجعت للبيت ما داومت واحس بنفسي مكسوره وصلت شافتني
امي سالتني// ليش رجعتي
جاوبتها بدموع = معدتي توجعني وخفت اصعد بالسياره واذب من راسي
- - دروحي غسلي وجهج وارتاحي شويه بالغرفه
رحت للغرفه وانا صافنه على روحي الي احس بيها فارغه يمكن بس النفس بوكتها حاضر وياي
وكعدت وره الباب بالكاع وصرت ابچي حيل وبعبره وانا اتذكر شريط حياتي والتساؤل وياي
=. ليش هالشكل سويت
ما اعرف شكد ما انتبهت للوكت لمن ما سمعت امي بصوتها التعبان تگلي
– – انزلي ماما سوسن خلي اشوف شبيج
انا انتبهت النفسي گمت بدلت ونزلت امي شافتني سالتني
- - شنو يمه تبجين من معدتج اتاذيج حيل سوده عليه لازم من الخبز ما اعرف شخالطين ع الطحين
انا سكتت ما جاوبتها
اجه ابوي وهو جايب سمج ازغار يمكن كيلو من شافني گلي
- - ها سوسنه ما مداومه ؟
امي جاوبته //خلف معدتها توجعها ونص الدرب رجعت
ابوي //همزين مشتهي هذني السمجات |تگلا|وگلت اجيبهن بلكي تكدرين تنظفيهن
امي //هو انا اكدر الزم السجينه ما تشوف ايدي شلون ترجف وسوسن قبل لا تروح للكليه تطبخ
انا جاوبتهم = هسه يابه انظفهن واسويهن الك
امي //وياج ضمي مركة البتيته الباجر ( بعدين باوعت على ابوي وگالت )
شنو خلف من هسه راجع تصدك تچذب شلون نعيش وانت تطلع ساعه وترجع
ابوي//هو وينه الشغل الناس محتاره شتاكل مو شنو تلبس
امي //مي خالف روح وبسط ربك الرزاق
والنعم بالله هسه اروح
💙💙💙💙💙💙💙💙💙💙💙💙💙
ضياء
حسيت بسوسن اختنكت وصار تنفسها قوي عرفت هي من جاي تحجيلي جاي تعاني وهي محتاره
بامرها وهي ملزمه تحجيلي قصه صار الها اكثر من عشرين سنه ومتناسيه المشكله الي وكعت نفسها بيها
اعرف هي من تحجيلي جانت تخاف مني ومضطره تكملها الي وبنفس الوقت خايفه اطردها او اتخلى عنها
انا رحت للمطبخ جبتلها بطل ماي فتحته وقدمته الها
أنت تقرأ
##الشيطان اختي##
Чиклитقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
