😈الشيطان اختي 😈
🌹البارت 36🌹
❤️بقلمي آنيين الليل ❤️
////////////////////////
مرحبا
الكثير من الاعزاء يگلولي تتاخرين بالنشر
اي صحيح لان البارتات الي اكتبهن طويله ولازم اراجعهن حتى اصحح الاخطاء
وبعض القراء يردون يعرفون النهايه بسرعه وانا ارد عليكم
احبابي هاي قصه حقيقيه مو يوميات اكلنا ولبسنا وطلعنا ولازم كل شخصيه بالقصه تاخذ حقها لذلك تشوفون
بهاي ال3بارتات
نتكلم عن ناس الهم حق علينه نذكرهم بالقصه واغلبهم ما يعرفون بقصة سوسن لكن متعايشين وياها لان
يخصون ضياء
اتمنالكم قراءه ممتعه
#انيين الليل #
🖤💝🖤💝🖤💝🖤💝🖤💝🖤💝🖤💝🖤💝🖤💝🖤💝🖤💝🖤
ضياء
كعدت الفجر شفت روحي نايم بالغرفه الجوه ومتغطي بالديباج وشفت صهيب ودر نايمين ع الجربايه اتذكرت غفيت
لمن كنت اسولف الهم القصه باوعت ادور بعيوني على سوسن طلعت
شفتها نايمه بالصاله اتقربت ندهتها
=:: سوسن سوسن اكعدي يابه نامي بغرفتج
هي فتحت عيونها واتمغطت كالت بتعب = بيش الساعه
: تلاثه الفجر كومي نامي بغرفتج اني راح اصعد فوك
هي باوعت ورجعت نامت انا كتلها
:: كومي سوسن
= اي هسه
ما لحيت وياها صعدت فوك طلعت جكاره دخنت واتمددت بقيت اباوع بالموبايل انتظرت الاذان وصليت ونمت
الساعه ثمانيه الا ربع كعدت ودخلت للحمام سبحت وبدلت ونزلت جوه بوجهي للمطبخ
:: صباح الخير
= صباح النور
:: صبيلي چاي
شفتها مخليه لبنه وزعتر وزيتون كتلها
:: احب اكل اللبنه ويه الزيتون لكن ويه الزعتر ما ماكله
= جربه كلش طيب
اخذت شويه من الصمونه وخليت بيها لبنه وشويه زعتر اكلتها طيبه لا باس بيها
:: اي صحيح طيبه
= بالعافيه
:: البارحه ما اعرف شلون غفيت بغرفتج
دنكت = ما صار شي
:: ليش ما ندهتيني ؟
= استاذ بسابع نومه ليش اكعدك شلت الجهال نيمتهم وغطيتهم وهم خليت اللحاف عليك
:: وانتي نمتي بالصاله وبس الچرچف ليش ما نزلتي فراش من فوك لو صعدتي نمتي بوحده من الغرف
= عادي ما صار شي
:: زين اليوم يجوز اباات يجوز ارجع |اتصلت الهام باوعتلها واشرت ع التلفون |هاج اتفضلي بدت الاتصالات
:: الو ها الهام
:: اي هسه جاي انتظريني حنان اجت
::طيب ماشي
سوسن صافنه عليه كتلها
:: ديري بالج اني راح اقفل الباب انتي لا تسركينه يجوز اجي بالليل مو اكيد
= اي مي خالف ااا استاذ اني كويت الدشداشه خليتها الك بالزاويه اذا تحب تلبسها العصر
:: اي ليش لا
= بس هسه من تاخذها شيلها بالتعلاكه لا تعقچها
:: اي ان شالله
= زين اني راح اصعد اجيبها الك
وصعدت وره شويه جابتها وياها علاكه
:: هاي شنو العلاكه
هي بخجل = اه هاي شحاطه البسها وياها
:: شكرا جاي اتعبج
. = العفو موفقين سلملي على نور
:: الله يسلمج
أنت تقرأ
##الشيطان اختي##
Chick-Litقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
