😈الشيطان اختي 😈
❣️البارت 34❣️
#بقلمي آنين الليل #
////////////////////////
ضياء
من رجعت من يم ياسمين ولكيت الهام ونور رايحات اتعشيت وسوسن كالتلي ع الهدايا انا ما بينت اهتمامي بيهن
على اعتبار هنه جايباتها الها صعدت للغرفه لكيتها مرتبه كالعاده سبحت وبدلت واتمددت ع الجربايه شعلت جكاره
وطلعت الموبايل لكن بقى كلام مصعب يرن باذني احاول انسا او اتجاوزه لكن سرعان ما يرجع ويخليني افكر واتساءل
::ليش هلكد مهتم بسوسن ؟
::لاتكول لان استجارت بيه !
::كان ممكن من اول يووم تدز على اي واحد خيير سيد او شيخ ويحلوها !!
:: حتى من سمعت قصتها ورادت تطلع من البيت ليش خليت الف حجه وحجه
:: ها يعني تطلع وين تروح ترجع تنتحر لازم امنعها واحافظ عليها ؟
:: زين من گلتلك اروح الدار المسنيين انت ما قبلت بحجة ما عندج اوراق ثبوتيه وانت تكدر تدخلها للدار
::شبيك ضياء لو تهربك منها
كعدت على حيلي وانا احجي بصوت ويه نفسي
:: اوووو ضياء شبيك مصعب مخبل ويحجي هيج ما شفته شلون يتصرف لان يحب
اتذكرت سيفت رقم مريم طلعته وشفت الواتساب كتبت الها
:: مرحبا ست مريم هذا الرقم انطته الي ام وليد اني ..صديق..
ما كتبت الاسماء كلت اشوف الرد شفت الرساله وصلت لكن ما قرتها. بعد ما يقارب العشر دقايق اجاني الرد
اهلا استاذ ضياء ام وليد گلتلي عنك
:: ممكن اتصل او حضرتج تتصلين
طيب دقايق
ورنت عليه انا جاوبتها
:: الو مرحبا ست مريم
هي بخجل وتردد
- - اهلا استاذ
:: طيب ست مريم اشوف الكتابه افضل لان اشوف حضرتج متوتره
وغلقت الخط وبديت اتواصل وياها كتابه
:: ست مريم اكدر اعرف شنو الي صار حتى تغلقين الخط وتاخذين اجازه وتكولين مسافره وانتي ما واصله باب بيتكم
لو من تتصلين بمصعب وتكليله اني رجعت الزوجي وبعدين تغيرين الشريحه تعرفين بهاي سوايتج خبلتي المصعب
مريم /استاذ ضياء ما اكدر ابقى ويه مصعب
:: مو بكيفج لان انتو مو زغار وحبكم مو مال مراهقين ومن زمان
مريم //ما اكدر استاذ حصلتلي ظروف ولازم ابتعد عن مصعب
:: شوفي اعتبريني مثل اخوج الكبير اتصور تعرفين شكد علاقتي قويه بمصعب لذلك انا حابب اعرف شلي حصل
والكتابه بالتلفون ما تقنعني اتمنى اشوفج واسمع منج
- شلون يعني
:: يعني بكرى ان شاء الله اريد اشوفج وين ما تحبين
- - لا استاذ انت شتحجي
:: بابا جاي اكلج الولد راح يمووت افتهمي لا يسويله مصيبه بنفسه او لا يتهور وما عنده مانع كل شي يسوي
هي سكتت ما ردت عليه لكن اشوفها قرت المحادثه كتبت الها
:: بكرى اي ساعه تناسبج وباي مكان
- - استاذ والله ما اعرف شكلك
:: اني اعرف يمته تداومين
- - هو ع اساس باجر
:: اوكي الصبح اكتبي للمديره راح تتاخرين او كليلها ما اكدر اداوم اليوم وتعالي المستشفى ..وبعدين نتخابر
وافهمج هي نص ساعه واذا تردين تجيبين وحده ثقه من صديقاتج ايجوز بعدج ما مطمئنه
أنت تقرأ
##الشيطان اختي##
Chick-Litقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
