مرحبا
طبعا كان ابالي انهي القصه الحد البارت السابق واخلي النهايه مفتوحه وذلك بسبب ما حصلي من اول ما بديت
اكتب بالقصه
الخاص اشياء لا تصدق كل واحد يريد يعرف منو ضياء
واكو قراء سموو باسماء وشخصيات معروفه
اما التسقيط الي اجاني حدث ولا حرج
احدى العزيزات نشرت القصه وكالت انو يوميه راح ينشرون بارتين لان وصل التصويت اكثر من 500
لكن اتفاجئت انو اي تصويت ماكو وبارت يتيم يوميه وكلام ما مقبول
وبعدين ع الخاص بدا السب والقذف مع العلم انتم موجودين انا ما اطلب منكم تصوتون لان ما احب اجبر احد
لذلك قررت انهيها من البارت السابق لكن ضياء وسوسنه رفضو هذا الشي وكالو الناس الي قرو القصه
لاكثر من خمسة اشهر يستاهلون نخليهم بالصوره مهما حدث من كلام ومهاترات ولان من حقكم ان تعرفون النهايه
لذلك انا وافقت ولاني احبكم وانتم عزيزين على گلبي راح انهي القصه
انتظروني بقصه جديده اسمها (ناديه ) هي فصة طفله اوصلت امها الى —-خلوها بعدين تعرفون وين وصلت امها
////////////////// ❣️❣️❣️❣️❣️❣️❣️////////////////////////
😈الشيطان اختي 😈
🌷البارت 46 الاخير 🌷
💕بقلمي آنيين الليل 💕
/////////////////////=//////
ضياء
طلبت ياخذون اخو بنين اسمه عباس وزوجها الي هو ابن عمها واسمه صفاء الاحد غرف المستشفى
مدير المستشفى خلاهم بغرفه وقفلها بناءا على طلبي وخله حرس وانا رحت ويه المدير وكلت الدكتوره
فاطمه تبقى بالمختبر وممنوع احد يوصل يمها وخليت الظابط ويا اثنين شرطه واكفين
اهل البنيه او خلي نكول الناس الي جايين للمستشفى سكتو بعد ان طلبت منهم يبقون بره المستشفى واي
احد يحاول يدخل المفرزه تاخذه
دخلت انا ومدير المستشفى اما المدير الاداري فاشوف الارتباك مالي وجهه دزيت علي كتله
::وين الولد الي اخذ العينه مالت التحليل
- - بالطريق استاذ
:: من يوصل راسا يفوت رايده
واجه الولد الي كان ما مبين علي اي نوع من الارتباك سلم وكال // نعم استاذ
:: يابني انت حللت الدم
— — نعم استاذ بناءا على امر من المدير
:: تمام تعرف الولد الي اخذت منه الدم
هز راسه // لا ما اعرفه منين اعرفه ؟
:: اقصد اذا تشوفه يعني وجهه
— — اي نعم استاذ بس اشوفه اعرفه
:: امشي وياي
طلعنا وصلنه للغرفه الي بيها اخو وزوج المجني عليها كتله
:: راح افتح الباب وانت شوف اي واحد منهم اخذت منه العينه
طلبت من الظابط ان يفتح الباب الولد دخل سلم عليهم وطلع
:: ها شفتهم منو منهم
- - - استاذ ما موجود ويه ذوله
:: يعني ما اسحبت من واحد من ذوله الي بالغرفه دم
-لا استاذ اني كنت بالمختبر واجاني ابو براء
::منو ابو براء ؟
— المدير الاداري
أنت تقرأ
##الشيطان اختي##
Chick-Litقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
