مرحبا
اول امس كان بنيتي انشر البارت كان اكثر من 7000كلمه
ولان تعبانه بدل ما ادوس ع النشر دست على حذف وانحذف البارت
ورجعت عدته مره ثانيه
اتمنالكم قراءه ممتعه
❤️🖤💚🖤💚💚💚❤️🖤💚❤️🖤💚❤️🖤💚❤️🖤
😈الشيطان اختي 😈
🌷بارت 35🌷
💖بقلمي آنيين الليل 💖
/////////🌷❤️🌹///////|
ضياء
من رجعت من خطبة مصعب رمشت وبعدين فتحت الباب لكيتها لازمه الريمونت وتباوع للتلفزيون من شافتني وكفت
= الله يساعدك استاذ
:: هلا يابه هاج هذا عشاج
هي ابتسمت = يا عشا الساعه اكثر من 12
:: اي اعرف بعد مصعب عريس وفرحان وره الخطبه اخذنا للمطعم وهذا جبته الج
= والله متعشيه
:: حتى لو اكلي لو لكمه او وياج استكان چاي رحمه الاهلج
= اي هسه
:: زين لعد صاعد اغسل واغير ملابسي وانزل
صعدت للغرفه دخلت للحمام سبحت وغيرت ملابسي وطلعت كعدت اخذت جكاره وبقيت ادخن اتمددت ع الجربايه
ما حسيت على نفسي الا كعدت الفجر اتوضيت وصليت ونزلت للصاله فتحت ضوه الصاله طلعت سوسن من غرفتها
باوعتلي = صباح الخير استاذ
:: صباح النور هلا يابه
. = خيير استاذ اكو شي
:: لا بس اريد اطلع للحديقه من زمان ما شايفها
رحت قبل ما افتح الباب درت عليها
:: تعالي اطلعي للحديقه
هي باوعت عليه باستغراب انا استردفت واشرت بايدي
:: تعالي شوفي الحديقه
اجت وراي طلعت انا رحت كعدت ع الكرسي الهزاز واباوع السوسن واكفه ومغمضه وهي تجر نفس شهيق وزفير
بعدين كعدت بالكاع ع الثيل انا سالتها
:: بيتكم بي حديقه
هي هزت راسها
:: يعني عدكم
جرت نفس وكالت = اي وچبيره واسعه لكن ما بيها حياة رغم مزروعه
:: ليش ؟
= لان من اكو شي انت تسوي وتتعب علي وتحس بي مو الك وهو بالحقيقه ملكك هذا ابشع شي ممكن يلكاه البني ادم
اتحسرت وكالت. = راح اسوي ريوك تحب اسلك بيض لو اگلي
:: لا اسلكي احسن
= صار
راحت وانا بقيت اباوع للشمس شلون تشرق بعدين رحت للمطبخ لكيتها جاي تحضر بالريوك كعدت وهي خلت
كبالي كوب حليب وبيض سلك وصمون شربت الكوب وبعدين اخذت نص صمونه وبيضه اكلت وهي صارت
تاكل وتشرب بالچاي حاچيتها :: بلا زحمه صبيلي استكان چاي
هي طلعت استكان من الكاونتر وغسلته وصبت وخلته كدامي
:: شكرا
= العفو
:: اليوم شتسوين غدا
.:: بكيفك شنو تحب اطبخ
= اي شي نعمه
هي سكتت اجاني اتصال من سمر اختي انا كلت بكلبي اكيد متعاركه ويه فريد
:: الو هلا سموره
صباح الخير
:: هلا سموره صباح النور
- - اشلونك ضاوي
:: الله يسلمج انتي شلونج شخبارج
- - انا الحمد لله بس انت الله يسلمك ولا تسال شلقصه
أنت تقرأ
##الشيطان اختي##
ChickLitقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
