😈الشيطان اختي 😈
🌷بارت 22🌷
#بقلمي آنيين الليل #
////💔💔///
من كثر ما القصه بيها احداث ومفاجآت حتى ما صرت اكتب مقدمه
/////💔💔/////
ضياء
سوسن باوعتلي باستغراب وكالت
= انت تدري استاذ
هزيت راسي :: اي طبعا ادري بيج شكد تكرهين ضيدان وشكد هو عذبج
اتنفست بعمق كانما الهوى مقطوع عنها = هو مو بس عذبني وعذب ...
سكتت سالتها
::عذب منو بعد ؟
هي جاوبتني بدموع = ضيدان عذبني وعذب جهالي وعذب اهلي
جاوبتها ردت اهديها :: هذا الشي ما اعرفه انتظر انتي تحجينه الي
باوعتلي او وكفت = استاذ ما تعبت
انا رديت عليها بهدوء :: من شنو ؟
= من قصتي ما مليت ما گلت هاي يجوز تجذب عليه
جاوبتها بنفس هدوئي : : سوسن اني كتلج اريد اسمع قصتج واعرف ليش ردتي تنتحرين بدون
مبررات وبعدين اعرف اذا كنتي تكذبين عليه او لا
ما خليتها تحجي كتلها وانا اجر نفس
:: مشتهي حليب وجاي ياريت تسويلي وتجيبيلي صمونه اريد اكل واصعد انام وانتي اتعشي ونامي
وبعدين نكمل
وراحت سوسن ودقايق وجابت كوب حليب وجاي وصمونه مكسبتها زايد عبالك تعرف هذا الشي احبه
اخذت الصينيه :: شكرا انتي هم روحي اكلي وادخلي ارتاحي ولا تنسين اخذي علاجج
راحت وغابت فتره ورجعت اخذت الصينيه وهي ساكته وبعدين دخلت للغرفه وانا صعدت فوك وكعدت
ع الجربايه وانا متعجب من نفسي واهتمامي الزايد بسوسن ولا كانه ماره عليه اشكال بحكم وظيفتي
انتچيت ع الجربايه وانا استرجع يومي بين سوسن وبين طلعتي ويه مصعب لكن المفاجاه
لمن رجعت للمكتب وخابرني ليث واجاني للمكتب
انا اتلكيته وهوواتسالم وياي وكعد شفته مرتبك وبوجهه كلام كلي
- - عمي ابو جعفر انت تعرفني واني حاسبك مثل والدي لا والله اني ابوي ما شايفه هي خالتي هيفاء
الله يرحمها الي ربتني وكبرتني
جاوبته :: الله يرحمها كلي ليث محتاج شي اساعدك تره ثق معزتك من معزة هيفاء
- - الله يخليك عمي ما محتاج بس الخير بس رايد اسالك
:: اي اتفضل اسال
يفرك بديناته // انت عمي شنو رايك بيه
باوعتله حسيت وره سؤاله شي :: والله ليث انت خوش ولد والنعم منك بس شنو مناسبة هذا السؤال
- - يعني افهم من كلامك انت ما تشوف بيه شي مو زين
:: الشهاده لله انت ونعم الشاب والكل يحلف باخلاقك وانت تربية هيفاء ونعم التربيه
—- هذا الشي ابو جعفر يخليني ادخل بالموضوع مباشرة بدون اي مقدمات عمي يشرفني
ان اجي ويه اهلي اقصد خوالي ونخطب بنتك المصون الانسه نور
واني بصراحه اجيت ردت اعرف رايك بيه وهم ردت افاتحك بالموضوع قبل ما خالي يحجي وياك
اتفاجئت وصفنت ويمكن عرفت جواب التساؤل ابالي هو گلي
- - - عمي انت تعرفني يمكن حالتي الماديه مو مثلكم لكن انا ابن حلال واصون بنتك وادافع عنها وهسه
اريد اعرف ردك
باوعتله وكتله :: يصير خير انطيني مجال وان شاء الله خير
- - زين لعد ما اعطلك باانتظار ردك فيمان الله
أنت تقرأ
##الشيطان اختي##
ChickLitقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
