😈الشيطان اختي 😈
🌷البارت 33🌷
❤️بقلمي آنيين الليل ❤️
//////////🌹❤️🌹////////
مرحبا
هذا البارت لعيونكم
من اجه ضياء هو وجعفر وشافو ابو منتظر شكد تعبان ضياء خابر على ارشد ودز جعفر حتى ايلاكي لان
ارشد كله مو هلكد اندليت سيارة جعفر من العاليات وشويه كبيره والفرع ضيك بوقتها كانت زينب بت مهدي
نازله براس الشارع من خط الكليه
زينب مرحله ثالثه كلية القانون ابنيه كل همها تنجح بتفوق وتقدم معهد قضائي لذلك هي الاولى ع المرحلتين
هي بطبيعتها انسانه عمليه وجديه دائما تلبس تنوره وقميص طوال حجابها ملتزم ما تخلي مكياج
هي بيضه وطولها مناسب الشكل جسمها
وما تلبس احذيه عاليه ومن تنزل من الخط تمشي وهي مدنكه
شخصيتها جدا قويه على الرغم الي يشوفها يكول هادئه لكنها ما تعبر عليها اي كلمه وما تقبل باي تجاوز ترد بكلام
موزون وبحده ما يخلو من الهدوء وقوة الشخصيه
بيومها من نزلت من الخط تمشي وهي مدنكه وصادف انحصرت بالفرع لاتكدر ترجع ولا تكدر تتقدم وشافت جعفر
الي ما كانت تعرفه ابن ضياء هي تعرف ضياء وتسمي عمو لان دائما كان يمر على ابوها وتعرف بالعلاقه والجوره
الي تربطهم بضياء واكثر من مره من يتاخر الخط لو يعطل تخابر ابوها يجي هو وضياء يرحون يجيبوها من الكليه
من شافت جعفر شلون نزل يريد يتعارك ويه هذا الي مقابيله وفتح الباب المسافه كلش قليله وهذا صار عصبي اتكلم
وياها بنتر وهي بالمقابل ما عبرتها اله ردت علي وبعدين من كال اتندمت لان اجيت هي استهزأت بكلامه لان
مبين علي متكبر عاد هي ما سكتت وردت باستهزاء هو عصب اكثر لكن ما كدر يرد عليها لان السياره صار
الها مجال تعبر والسيارات الوراه ظلو يدكون هورن هي مشت بطريقها وصلت فتحت الباب بالمفتاح ما تعرف
انو ضياء موجود بالديوان دخلت وهي تكول
- - وينكم ام منتظر حضرة القاضيه اجت وهي ميته من الجوع
شافت امها طلعت وهي تكلها //صوتج اهنا عمج ضياء
هي دخلت للديوان وسلمت // اشلونك عمو شلون صحتك
ضياء :: اهلا بحضرة القاضيه اشلونج
- - الله يسلمك عمو زارتنا البركه
::انتي وابوج البركه
اتقربت على ابوها وهي تساله //اشلونك اليوم بابا
مهدي بتعب //الحمد لله زين
زينب وهي مبتسمه //طبعا زين مو اجاك حبيب كلبك ضياء اكيد تصير زين عبالك توام ما تكدر تفاركه
مهدي باعلها وكلها /شنو هذا الحجي شنو تسمينه ضياء مو عيب
ضياء :: زينب بكيفها تسميني الي يعجبها عمها وتدلل عليه
زينب /بابا هو عمو اسمه ضياء اصلا انا وعيت على حبوبتي الله يرحمها تكله اضوي عود ادلعه
ضياءبضحك=:: ياريت بس اضوي ما سامعتها من تكلي خايب يمه
وصارو يضحكون ضياء كل الزينب :: روحي عمو ارتاحي واتغدي
أنت تقرأ
##الشيطان اختي##
ChickLitقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
