مرحبا باعز قراء واصحاب على قلبي 💙🧡😘💙🧡
##بارت طويل لعيونكم #
//الشيطان اختي //بارت 12
#انيين الليل #
❤️💜💕😘❤️💜💕
ضياء
ما اعرف ليش هيج حجيت ويه سوسن وليش بالاساس اني مهتم بيها هي ما مجبوره تحجيلي بس لان انا
طلبت منها ويجوز تكون تفبرك او تكذب بقصتها حتى ما اعرف لويش حاولت الانتحار
يعني ضياء (احچي ويه نفسي )
:: مره وبعمرها وتحاول تنتحر ليش
:: اكيد مسويه فد شي چبير
:: او يجوز متهومه بشي ما مسويته
:: اي بس اني ليش مهتم بيها هلكد
:: هو اني ما مهتم لكن قصتها شدتني
::شدتك لو نستك هو هذا الوفا ؟
هزيت راسي :: لا اني عمري ما حنسى هيفاء بس ما انكر قصة سوسن شدتني وخلتني انسى شويه من حزني
لكن انسى هيفا من سابع المستحيلات
بعد ما حجيت وياها هي وكفت وصارت تقسم وكانما متهمه ثبت عليها الجرم وهيه مختنكه عبالك طفله
صارت تبچي وراحت للغرفه دخلت بيها انا بصراحه حيل خجلت من نفسي رحت وراها دكيت الباب
ما جاوبت
مره ثانيه دكيت الباب وفتحته شفتها كاعده بالزاويه وخاله راسها بين اديها الي مركيتهن على رجليها
انا بقيت واكف حجيت وياها بعد ما اتنفست بعمق
:: سوسن اني اسف ارجو ان تقبلين اعتذاري
= استاذ الله يخليك خليني اروح منا
:: وين ترحين والمن ومنو الج ؟
هي باوعت ليفوك .= الله الي (واشرت بايدها )هو ما يتخلى عني وما راح ينساني
. :: والنعم بالله بس لازم تفهمين انو وضعج صعب وصعب جدا وحتى اني هم وياج وضعي صعب
= اعرف والله اني ورطتك مي خالف سامحني وخليني اطلع
اتقربت يمها وكعدت مقابيلها بالكاع وكتلها :: شوفي افهم كل شي وبعدين اخليج ترحين
هي باوعتلي وگالت = وليش استاذ ليش تريد تفهم كول شي
:: اريد اعرف لغاية بنفسي
هي سالتني مستفهمه. = وبعدين تخليني اطلع ؟
شعلت جگاره :: او وين ترحين ؟
.= خليني اولي وين ما اروح اروح
عكفت حواجبي وحچيت :: انتبهي سوسن كلامج يخوفني
هي باوعتلي وعيونها كلها دموع
.= لا تخاف استاذ ومنين تخاف وعلى شنو اعتبرني اصلا (جرت حسره)اعتبرني. او لا تعتبرني
مريت اهنا لوعرفتني
انا صرت اخذ شهيق وزفير لان احس بنفسي غلطت
:: سوسن انتي بعدج متضايقه من كلامي وارجع واكول اني اسف
فركت خشمها وباوعتلي
= مو مشكله اتضايق ما اتضايق بس اريد اگلك شي اني ممنونه منك هواي والي سويته اي واحد
ما يسوي بس ابن الاصول وهسه اسمحلي اروح
انا جاوبتها بنوع من الثقه
:: اولا الي سويته اي انسان يسوي لان انتي دخلتي ع الله وعليه وهاي باعرافنا شي جبير والي يخلي
دخيله يطلع او يسلمه يبقى راكبه العار العمر كله
وثاني شي الي سويته واجبي انا قبل اي شي انسان يعني عندي انسانيه افهميها بعدين من اخليج تطلعين
وين ترحين منو الج ومنو يغفرلج
هي من سمعت كلامي باوعتلي شفتها ترجف وعيونها تدمع وگالت
= والله والله ما مسويه شي وكل الي اسولفه حقيقه ما زليت وتكدر تتاكد
أنت تقرأ
##الشيطان اختي##
Chick-Litقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
