مساء الخير
راح ابدي انزل بالقصه لكن حسب فراغي لاتنسوون جايينه الشهر الفضيل والتزام البيت فما عندي وقت
محدد يعني يمكن اتاخر فرجاءا قدروا ظروفي
تحياتي #انين الليل #
💜❤️💙💚💜❤️💙💚💜❤️💙💚
😈الشيطان اختي 😈
❣️❣️بارت 29❣️❣️
🌷🌷بقلمي آنيين الليل 🌷🌷
ضياء
بعد ما سمعت قصة سوسن وعرفت السبب او الاسباب الي دفعت سوسن حتى تنتحر لان بلحظه شافت
شگد ما قدمت بحياتها من تنازلات ما حصلت بس نكران الجميل والجحود المشكله سوسن اتحطمت لان
الجحود والنكران اجه من اقرب الناس الها الناس الي اتحملت اكثر المرار على مودهم الي كانت من تشوفه
فرحان تفرح ومن يضوج تسود الدنيا بعينها
سوسن انصدمت من نبضة گلبها وشهكة نفسها اجاها الخذلان من گلبها اجاها من ابنها
من اول يوم شفتها وانا اتساءل ويه نفسي ليش مره بعمرها تريد تنتحر شنو السبب من شنو هاربه
وبديت اسمعها وطلبت منها تسولفلي قصتها من البدايه حتى اربط الاحداث وحتى اعرف هي صادقه او
تحاول تستعطفني من بدت تسرد قصتها بنفس اليوم خابرت مصعب وانطيته اسمها وبنفس الوكت طلبت منه
يخليلي ناس تراقب بيتهم بدون محد يحس عليهم
مصعب جابلي السيفي مالتها وعرفت هي مدرسه ومتزوجه وعدها ولد واثنين بنات وتستمتع بسمعه طيبه
ومحبوبه من قبل الناس مؤدبه والناس كلها تحبها
يوميه اتساءل ليش تريد تنتحر معقوله وصلت الهذا العمر وهي ما عدها لا ايمان ولا صبر
وهم طلبت يجيبولي كل شي عن اهلها وزوجها واولادها
كنت اراقبها وهي تسولف قصتها وكانها حافظتها ومن ارجع اسالها اريد اغلطها كان ردها كما هو بلا
تجميل ولا زياده
اكثر من مره مصعب گلي لازم نتحرص منها رغم هو اتعاطف وياها لكن بحكم شغله دائما لازم يكون حذر
ازيد شي اثرت بيه وهي تسولف دموعها دموعها قصه بحد ذاتها
صدكوني مار عليه كثير قضايا ويمكن اشوف كثير ناس من يفقدون عزيز ينهارون ويبچون بس مو مثل
سوسن كانت دموعها من تنزل بلا توقف كانن خليط من حزن وذكريات وندم
من اول يوم وكفت وگالت انا دخيله على الله وعليك عرفت هي حامله هموم وماسي والي خلاها تسوي هذا الشي
مو عدم ايمانها لا لان شافت انوهذا هو اخر الحلول الي لازم تلجا اله بعد ان اتسكرت كل الابواب بوجهه
قبلت دخالتها واستجارتها بحكم انو احنا اولا واخيرا ناس النا عادات وتقاليد تحتم علينا انجير ونحمي من يلتجا
النه وهذا حال كل الرجال بالعراق
بقيت افكر بلي صار الها رغم انا كملت تحرياتي وتقريبا وهي تسولفلي كنت اشتغل واوجه جماعتي وكانو
يوافوني بالاخبار اول باول
نمت وكعدت الصبح سبحت وبدلت ونزلت لكيت سوسن بالمطبخ محضرتلي ريوك الي شفتها سوسن لابسه.
جبتها السوده الي لكيتها بيها وجواريب ولافه شالها كانما تريد تطلع باوعتلها وكلت
:: صباح الخير سويلي بيض عيون
= صباح النور صار استاذ
أنت تقرأ
##الشيطان اختي##
Чиклитقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
