😈الشيطان اختي 😈
🌹🌹البارت 30🌹🌹
❤️بقلمي آنيين الليل ❣️❣️
//////////|||////////
ضياء
نمت وكعدت الفجر صليت وطلعت للحديقه من زمان ما كاعد بيها كنت كل ما اضوج اطلع اكعد بيها
وساعات ارشها واشوف اذا تحتاج فلاح اخابره واخلي يجي يسويها كعدت على الكرسي الهزاز وجريت
نفس كلش قوي وانا افكر اشوف الاحداث تراكمت عليه
اتذكر شلون كنا نكعد بالحديقه ونور وجعفر يلعبون وايه بايد امي او وائل بايد نهايه الله يرحمها اي ام جعفر
تدري بيه احبها كزوجه مو مثل حبي الهيفاء هي سكتت واتحملت كل شي لان كانت تحبني انا عمري ما قسيت
عليها يمكن كنت بارد اتجاهها وهي كانت تريد ترضيني كانت تحبني وتحب امي وانا ابد ما قصرت من جانبها
دلال وسفر وفلوس ولا بعمري سمعتها كلمه تاذيها بس لمن عرفت بزواجي وخيرتني لو هي وجهالها لو هيفاء
بيومها جاوبتها بدون تفكير وكتلها :: اختار هيفاء لان ضحت بشبابها على مودي
يمكن لو هيفاء متزوجه بوكتها يجوز كنت تعايشت ويه نهايه وعشنا ايام حلوه
طلعت الشمس وانا بعدني بالحديقه رحت لبست وطلعت شفت مهدي موجود گتله :: اخذني للسوك
وصلنا نزلت يم ابو عباس وسوالي باكلا وبيض اكلت انا ومهدي وشربت جاي حاسبته وصعدت نزلت يم محل
ام زينه هالمره نزلت ابحدي وتمشيت ع المحل شفتها ما مبسطه وكفت يم الي يبيعن سمج مقابيلها عاملت واشتريت
وانا احاسبهن سالت على ام زينه شفت وجهن انكلب وحده كالت
- - شني سمجنا ما يعجبك الا سمج التبيعه كاظميه
الثانيه كالت //خايبه ما ينشد على كاظميه ينشد على زوينه چا هي شلون تبيع السمج غير تضحك على هذا وذاك
جاوبتها ::حجيه ذاك اليوم اشتريت منها سمج وانطيتها فلوس وكالت ما عدي خرده ترجعلي وبقيت اطلبها
سبع تالاف وكالت تجي وتاخذهن
جاوبتني /خاله هاي اظنها عزلت ما ادري بطلت ضحكلهن على واحد واظنه راح ياخذ الفرخه
::شنو ضحكن على واحد
- - اي والله هذا شغلهن كل سبه ويه واحد يصرف ومن يجي الاغنى يبدلنه بساع
الثانيه //لا ولج بس هذا يكولون عده حمايه وجبير بالدوله
كالتلها /اي خلي تاخذ بلكت تهيد شويه هي وامها طايرات
حاسبتهن واخذت السمج وانا صرت على يقين انو زينه هي السلعه المعروضه والي تنباع على اليدفع اكثر
كلت المهدي اخذني للبيت
مهدي عرف البيت يعني الي بي سوسن نزلت وكتله انتظرني دخلت للصاله لكيتها ما موجوده رحت للمطبخ هي بس
شافتني وكفت = الله يساعدك استاذ
ابتسمت :: صباح النور شنو وين قابل بالجبهه لو اشيل طاسه كنت نايم ابيتي
ردت = صباح الخير
:: هلا يابه هاج هذا السمج سويلي غدا اجي الظهر اهنا
. = صار شنو تريده شوي تگلاه
:: بكيفج الي يعجبج سويلي كهوه
طلعت للصاله وكعدت ادخن وهي جابتلي الكهوه اتصلت الهام رديت
:: هلا الهام
- - ايا بذات تعوفني حتى ما تكلي صباح الخير وتطلع هاي بعدك ما متزوج بس تتزوج تطلع مرتك
تكلنه |ونعمت صوتها |مو اهنا ما موجود
:: الهام تريكتي
لابعدني
:: همزين فلتت لعد من تتريكين شتسوين
— ها ضياء هاي انا صار شهرين ما جايتكم بعد ولا اجي
:: لهوم حبيبي عندي شغل البيت بيتج
—- اروح اني
أنت تقرأ
##الشيطان اختي##
ChickLitقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
