😈الشيطان اختي 😈
🌹البارت20🌹
#بقلمي آنيين الليل#
/////////////////
مرحبا باحلى قراء
تنويه بسيط قبل ما تقرؤون البارت
احبابي الاعزاء الكثير راسلوني يگلولي سوسن شخصيتها ضعيفه ومهزوزه وناس تكول فاهيه
لكن اتمنى ان تسالون امهاتكم عن الحصار والي سوا بالناس وشلون كانت العالم تحارب حتى تحصل
على رغيف الخبز او حباية الدواء
سوسن ضحت من اجل اهلها ولا تنسوون قبل كانت روح الاسره والاهل والاقارب والجيران
موجودين مو مثل الان الكل بعيد عن بعض
ارجع واكرر القصه طويله وبيها الكثير من المفاجأت والكثير من الجرأه الحقيقيه وليست المزيفه
وانا بانتظار اراؤكم اكملها او اقطعها
هذا البارت بي سرد كثير اكثر من 7000كلمه وبدون اعاده للاحداث
الي اشوفه التصويت جدا قليل طبعا هذا الشي راجع الكم لان اعرف الناس اذواق
اتمنى يعجبكم
💙💙💙💙💙💙💙💙💙💙💙💙💙💙💙💙💙
سوسن
صرت اروح للبيت انا وحسن اخوي وضيدان يجي انا ابقى اشتغل بالبيت واسوي عشا وهو يطلع شغل من جوه
الكاع وصار نعيم يجي كل اسبوع ليله ويرجع وبهاي الليله نكضيها زعل واحيانا نتعارك لان ما جان هذا اتفاقنا
فبل الزواج فكان نعيم يتحجج بالحصار وشغل السيارات مو مثل قبل هو من يجي ينطي الضيدان فلوس حتى
يتسوك للبيت ويخليلي مصرف ويروح
:: ضيدان لمن بقى ما صار يشتغل
هزت راسها = لا ما يشتغل اتذكر مره ساله حسن كله شعجب ما تشتغل
كان رده // ليش اشتغل اكو من يشتغلي ويترس جيبي فلوس
عرفت انو كل شغل اهله واخوانه ومن ضمنهم زوجي ينطونه وهو بس كاعد يتشرط على هذا وذاك
فد يوم اجه نعيم وانا سويت العشا وصبيته وشلت الصينيه خليتها كدامهم وانا رحت الغرفتي اجه وراي
نعيم كلي // ليش ما تجين تاكلين
= ما اشتهي
— مي خالف ياعيني الخاطري
ورحت كعدت يم نعيم ضيدان منشافني كام غسل ادي بس انا عرفتها حجه علىمود حتى يكابلني وبدينا ناكل انا
اشوف ضيدان شلون يخزر بجسمي ويحاول يطخ ايده بايدي من امدها بالماعون كملو ردت اشيل الصينيه هو كلي
- - روحي جيبيلنا جاي انا اشيل الصينيه لا تدنكين
رحت للمطبخ وجاب الصينيه وراي وانا احس انفاسه يمي اناسويت نفسي ما منتبهه بقيت لازكه نفسي ع الطباخ هو
جر حسره وراح وانا اخذت الجاي وانا احس بنفسي اريد اتقيا رحت للغرفه ونعيم بقى يمه سوالف وضحك بحيث
احس بضيدان يتعمد يخلي نعيم ما يجي للغرفه
ثاني يوم من راد نعيم يروح انطاني فلوس كتله = اذا تبقى هيج تروح للشغل اني اروح الاهلي ومن تجي انت
تعال عليه
باوعتلي سوسن وسالتني = استاذ تدري شنو كان رده؟
:: شنو ؟
. = ما گلي ليش شنو صاير راسا گلي واخوي منو اله
أنت تقرأ
##الشيطان اختي##
Чиклитقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
