😈الشيطان اختي 😈
🌷البارت 41🌷
💖بقلمي آنيين الليل 😘😘
/////////////////////////
مساء الخير
هذا البارت لعيونكم مريضه وگوه جاي اكتب 🤕🤕🤕
يمكن هذا ازغر بارت بالقصه بس لان انتم تلحون عليه
رجاءا اعذروني
💜احبكم 💜😘😘😘
#انيين الليل #
تحياتي
💙💙💙💙💙💙💙💙💜💙💙💙💙💙💙💙💜💙💙💙💙💙💙💙💜💙💙💙💙💙💙
ضياء
بقيت بالمزرعه انا ومصعب واحنا ساكتين وبنفس الوقت مصدومين من الي سمعنا من هاي الحقيره
شگد مرت علينه قضايا وسمعنا قصص وشفنا لكن مثل هاي الحقيره وجرأتها ما شفنا
مصعب گلي ::ضياء ما تنام اليوم انت تعبت
انا باوعتله وهزيت راسي
مصعب ::لازم ترتاح ابو جعفر
جريت نفس قوي =مصعب انت مستوعب الي سمعته
باوعلي وگلي ::هو كل شي اتوقعنا بس الهلدرجه ما كنت اتصور هاي الحقيره كل شي حاويته
قبيله مزيج من صلافه وجرأه او وقاحه كل شي ما يخطر على بال احد ومحد يوكف بوجهها وهي بيها وما تطغى
جاوبته ==اي مثل ما تگول سألوا يافرعون منو فرعنك گال ما لگيت احد يردني وهي فعلا ما لگت احد يردها
مصعب ::تتصور ابو جعفر هاي المشعوذه كلامها ع السحر صحيح
=اي صحيح مصعب اكو ناس دجاليين وكذابيين لكن اكو ناس يراهنون ع الشغله وهذا اليهودي ابو سامان
من ذوله الناس الي يراهنون على شغلهم
::تتصور ابو سامان يهودي
=مو اله يجوز كافر ملحد
::اعوذ باالله منه وهي اتعلمت منه وصارت لا ذمه ولا ضمير وحتى اولادها سحرتهم
=اي وعاشت براحه العمر كله والتعب والضيم والحرمان العايده وسوسن وهسه البنات سوسن
مصعب باوعلي ::متعاطف وياهن ضياء
=تدري بيه ما احب الظلم
::وشناوي تسوي
=انتظر خبر من المستشفى واتمنى ما تموت اريدها تتعذب وتعيش لو لحظات خوف وترقب من الي عاشته سوسن
::وبعدين شنو الخطوه الثانيه ضياء
انا شعلت جكاره وعدلت گعدتي =الخطوه الثانيه اليوم بالليل او باچر
::اتاكدت من كلشي اقصد كل شي تمام
=اكيد انا اتاكدت بنفسي
::زين لعد شفت چنت تحجي على ارشد اقلها چان فايدنه سوالف وضحك او .
قاطعت مصعب وگتله =دا كافي اثنين نسوان وبعد عندك مكسرات يمته تكبر
مصعب بضحك ::لا ضياء لا تفهمني غلط تره انا فقير وزوج مثالي بس ساعات النفسيه تحتاج تغيير
=والله انت يرادلك تغيير مال هسه الزم التلفون واتصل بنسوانك واگللهن تره جاي يطالب بالتغيير
::لا دخيلك ضياء يمعود يصيرن عليه ريا وسكينه
=لعد تووب احسنلك
::تايب عمي وما اعيدها
صرنا نضحك بعدين مصعب باوعلي راد يحچي وسكت
=ليش بلعت الكلام احچي
::خاف تزعل ضياء
=اذا الكلام يزعل انصحك لا تحجي
::تعرفه
غمضت وجريت نفس
=خلي اكمل مصعب وبعدين كل شي تريد اسال وانا اجاوبك ياالله انت گوم اتمدد شويه بالغرفه لان تعبت حييل
مصعب رفعلي حاجب ::انا التعبت لو انت ضياء
أنت تقرأ
##الشيطان اختي##
Чиклитقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
