##الشيطان اختي##

البارت الثامن والثلاثون

هذا البارت لعيونكم
هاي الايام راح اتاخر عليكم مشاغل اعذروني
💝احبكم 💝
#انيين الليل #💝💙💖💝🖤💖💝💙💖💝💙💖💝💙💖💖💝💙💖💝💙
😈الشيطان اختي 😈
🌷البارت 38🌷
💖بقلمي آنيين الليل 💖
///////////❤️❣️❤️//////////
الهام
من طلعت من الكليه وشفت مهند كلبي صار يدك بالثانيه الف اويلي بيني وبين نفسي اگول
- - يارب بس كون جاي يصارحني
بصراحه انا من شفت مهند ابيت ضياء الزغير بنفس اليوم شفته انعجبت بي عجبني شكله

ما شاء الله جسم وطوول وسمار وعيون عسليات وحسيت بي رجال صدك مو من ذوله الشباب المايعين
صرت اتمنى يوميه ارووح البيت ضياء بس حتى اشوفه خو من كلي ضياء تجين تنطين الساره الابر
اريد بس العصر يجي حتى اروح اشوفه الهذا (الجنوبي المليح )

من اجه للكليه وصارحني كلت خلي استفزه وانا لو بيدي چان احضنه واخذه للسيد واعقد علي بس كلت عيب خلي
اثكل هسه شيكول ما مصدگه عاد طلعت الاكشن الي حافظتهن من المسلسلات وردت اشوف ردة فعله وانا اشمر
الرقم وسحكت ع الورقه حتى ما تطير  وهو اويلي شسوه وشلون جاوبني

يممه بوكتها ماشفت كدامي مهند شفت كدامي مراد علم دار وهو يصير عصبي وشلون لو بيده يشرب من دمي
وره ما سمعني قاط الرزاله ودار وجهه وراح شفته اجر سياره وطلع من ابتعدت دنكت ع الرقم الي دسته بحذائي
مو عبالكم دسته ما اريده لا خفت يطير شلته وخليته بجنطتي ورحت للتكسي ركبت ورحت للبيت وانا طايره من
الفرح لان مهند يحبني ولان طلع رجال ما قبل بكلامي ولا حاول يبررلي عاد ثالث يووم بعد ما انطاني گلبي
گلت لازم اراسله كتبت له وصارحته بحبي
لكن مهند ما رد بقيت الليل كله وانا اباوع الرقمه واشوفه متصل وهو ما رد عليه وثاني يوم هم نفس الشي خفت بس
لا يراوي الرساله الضياء حتى ينتقم مني وعقلي صار يودي ويجيب انا سكتت وبقيت مترقبه وكل ساع يتهيا الي انو
ضياء يجي ويكسر راسي ع السويته يبووي اذا ضياء يعرف والله فلا اراوي وجهي للموت
لكن ما صار شي ومن اتوفت اختي واجاني الخبر بيومها اتخبلت انا طلعت حافيه وما انتظرت جعفر اخذت تكسي
ومن نزلت نزلت اصرخ لان سمر حبابه ولان خبر وفاتها فاجانه بالمستشفى لمحته المهند وشفته حتى ما يباوع بوجهي
انا بعد ما دزيتله الرساله ما اتواصلت ويا واتندمت حييل على تصرفي الارعن ومهند ابد ما اتواصل وياي ولا حتى
كلف نفسه يكتبلي البقيه بحياتج وظليت الووم بنفسي وانو انا غلطت واتسرعت من كتبتله اني احبه بقيت طول الوكت
وانا مرتبكه واصفن هواي وعرفت وره فتره انو مهند انتقل للدائره وهذا الشي خوفني اكثر معقوله يكون ضياء نقله
لان عرف بالموضوع وصارت اربعينية سمر ورحنا للنجف واحنا مثقلين باحزانه لكن الي لفت انتباهي انو مهند جاي
هو وابو منتظر بسيارة ضياء انا شفته من بعيد وهو ولا انتبهلي ولا كانما يشوفني وره الاربعينيه باسبوع خابرني
ضياء كلي = العصر رايدج
انا بخوف :خير ابو جعفر
=ماكو شي ساره تريدج ترحين وياها للسوك
انا جريت نفس :صار وتدلل شكم ضياء وساره عدي
=منتظرج بالاربعه مو تتاخرين جيبي تكسي جيرانكم
:صار بالاربعه مزروعه بالباب
الساعه تلاثه وربع طلعت اخذت جيرانه عنده تكسي وصلت يم بيت ضياء رمشتله هو فتح الباب سلمت علي
واجتني ساره سلمت عليها وانا احجي وياها //شنو الهسه ما مبدله لعد يمته نرجع
هي ما اجاوبت بس بقت تباوع باستفسار ضياء كلي
=اكعدي الهام
وباوع الساره وگللها =سويلي گهوه وسالني =تشربين گهوه
:لا ضياء هم ياالله ساره تبدل نلحك نروح ونرجع
=تلحگين بعد وكت هي تريد شغلات محدوده مو مال فره
انا جاوبته //حتى لو شكاله مال شعر لازم ناخذلنه فره نشوف الملابس والعطور والاحذيه والمكياج بعد
هاي الشغله مو بيدنا سجيه عد كل مره
واجت ساره جايبه الكهوه ضياء گلها اگعدي هي گعدت شرب ضياء الكهوه وباوعلي وگلي
=الهام من الاخير اجو عليج ناس خطبوج
انا حسيت الخطبه من يم مهند بلعت ريگي وكتله
:ضياء شنو جايين عليه ناس احنا بيا حال ناسي اختنا قبل شكم يوم اجينه من اربعينيتها بربك هسه مال خطبه
=لا ما ناسي بس هاي حال الدنيا ناس تموت وناس تجي للحياة يعني الدنيا ما توگف على احد
:كلامك صحيح بس مو وكتها بعدين منو هذول الي ما عدهم ذووق شنو ما يعرفون بينا حزينيين (انا ردت اتاكد منو )
=لا الهام لا تظلميهم ناس والنعم منهم خوش اوادم همه بس خافوا اخاف احد يسبقهم ويخطبج
انا امثل عدم اللامبالاة //وبالله منو ذول
=والله همه ناس غربه بس الولد اعرفه وانتي هم تعرفينه
گلبي صار يدك //منو هذا ضياء
=مهند هذا الولد الي كان اهنا يمي بعدين انتقل للدائره الي وصلج انتي ونور وبيوم خطوبتها ركبتي ويا
انا بدون اهتمام //ياا هو هذا
=اي تره ولد خريج واهله ناس معروفين
:وانت ضياء شنو رايك
هو ابتسم وگال =هاا زين ما طول سالتيني رايي يعني موافقه
انا دنكت هو جاوبني =والله الهام مهند خوش ولد وسبع الواحد من ينطي مره ينطي وهو مغمض لان يعرف اامن
عرضه عد رجال حووك
:بس ضياء
=شنو الهام وضحي
:يعني مستوا مو مثل مستوانا وشهاده ما عنده
=منو گلج ما عنده شهاده الولد خريج واهله الله منطيهم وهو ولد شاب والحياة كدامه تره وللعلم هو ازغر منج بسنتين
انا بصراحه اتفاجات :لا ضياء شنو اخذ واحد ازغر مني بسنتين
=هو يدري وقابل انتي هسه لا تفكرين روحي للبيت واخذي وقتج وارجع واگلج مهند خوش ولد ومو مال الواحد يضيعه
باوعت الساره //وانتي مرت اخوي شتگولين
ساره بهدوء ومدنكه عبالك هي الي جاي يخطبوها
...بكيفج هاي حياتج وانتي ادرى بيها فكري وادرسي كل شي بعدين انطي رايج
باوعت الضياء وگتله :والله ياضياء عرفت تختار شوفها شلون كلامها موزون
شفت ضياء كام ودخل الغرفة المكتب واشرالساره هي راحت ورا عرفته يكللها تفهم مني موافقه او لا يجوز
انا استحي منه