😈الشيطان اختي 😈
🌹🌹بارت 27🌹🌹
💖❤️بقلم آنيين الليل 💖❤️
//////|/||||||||||||||
ضياء
سحبت نفس من الجكاره وسالتها :: سوسن شنو هاي المفاجئه
هي باوعتلي واتحسرت = مو مفاجئه گول طلقه اجت بنص گلبي
:: شلون يعني
= ثالث يوم فاتحة عايده سوينا الختمه اهواي نسوان اجن بحيث الصاله انملت وحتى الديوان واجو
كل اقاربنا ونسوان عمامي وبناتهم واجت مرت عمي كاظم وياها ابنيه يمكن بذاك الوكت اكبر مني بشكم
سنه قبل لاتبدي الملايه بالختمه وخالاتي ينعن ويبچن وانا كاتله
روحي بالبچي وهديه بس تبچي وساكته وانا كل شويه وحده تجي وتكول
• سوده عليه راحت اختج منو بقى الج
والي تگول //بعدهي شابه الحلوه المؤدبه ياحيف
واهواي كلام وانا فاقده اتقربت مني مرت عمي كاظم وياها البنيه وگالتلي
• عمه هاي راجحه تصير بت صاحب عمج كاظم
انا شلت راسي وكتلها = هلا بيج
هي البنيه اجت وباوستني وگلتلي //البقيه بحياتج والله يصبرج
وكعدت بصفي واجت الملايه وقرت الختمه والبنيه تباوعلي وتبچي وبعدين وزعنا الثواب وصارت النسوان
يجن ويسلمن عليه وتقريبا اكثرهن راحن بقن بس اقاربنا هي اتقربت مني وكالت
• سوسن من رخصتج رايدتج بشغله
انا باوعتلها باستفسار هي استردفت كلامها // عندي شغله بيني وبينج اذا تسمحين
وگفت واشرتلها = اتفضلي وياي
واترخصت من النسوان رحت الغرفة عايده وكعدت وكتلها = اسمعج حبيبتي اتفضلي
هي گالتلي // اعذريني ولو الشغله مو وكتها بس بعد ما اگدر اتحمل
انا چان صوتي مبحوح گتلها = خوفتيني حبيبتي منو انتي وشرايده تطلبيها للمرحومه ماخذه منج شي
هي باوعتلي وهزت راسها وگالت //اني اصير اخت نبيل
انا باوعت الها من گالت نبيل فكيت عيوني جاوبتها = نبيل !
راجحه //اي نبيل
بقيت صافنه ما عرفت شحجي وياها لان اصلا انا نسيته من يوم السافر
:: يعني افهم من كلامج نسيتي نبيل
هي باوعتلي وگالت = استاذ الوكت والضيم والفقر والقهر كفيل ينسن اكبر واحد
:: المهم شنو رادت منج
= مثل ما گتلك بقيت ساكته هي گلتلي
• سوسن اكو شي لازم تعرفينه وبعد ما اگدر اضمه ما عرفت شلون اوصلج لكن من سمعت اختج اتوفت
قررت اجي واسولف وياج
= تسولفين على شنو ؟
راجحه //نبيل وره ما سافر بسنه او اقل دزلج رساله بيد ولد صديقه وخابرني گلي دزيلي
ردها بالتلفون لكن الي صار (عضت شفتها وانا عاكفه حواجبي ) الي صار ابوي الله يرحمه منعني
اوصلج الرساله وگلي اذا رجع نبيل واتزوج سوسن والله ارمي طلقه واموته واحسب الله ما انطا
وگلي جيبي الرساله وشگيها گدامي انا جبت رساله عندي چان دازها نبيل اليه وشگگتها كدام ابوي
وبقى ابوي يراقب بيه ما يخليني اطلع وره اسبوع اتصل نبيل گلي شنو جاوبتج سوسن گتله كل شي
ماحجت قرت الرساله وما جاوبتني
أنت تقرأ
##الشيطان اختي##
Чиклитقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
