😈الشيطان اختي 😈
البارت 19
بقلمي آنيين الليل
/////////////////
ضياء
استعدلت بكعدتي وسحبت جكاره وبقيت ادخن وسالت سوسن
:: باالله سولفيلي شنو هذا ضيدان
= انا ما اعرفه بس اعرف هو اخو النعيم وما شفت اول يومين احد منهم بسبب جية. الناس الي يهنون وهواي
اجتهم ناس من خارج محافظه اقاربنا واكثر شي اصدقاء نعيم الي يتعامل وياهم انا بصراحه حصلت مبلغ لاباس
بي من الناس الي اجت تباركلي ثالث يوم بالليل اجه نعيم وگلي
- - تعالي سوسن اكعدي يمنا اتعرفي باهلي
انا هم بدلت وخليت مكياج وعطر ولبست طخمي واشوف نعيم ما عقب
::على شنو يعقب ؟
= يعني على مكياجي او لبسي او حتى العطر الي خليته
:: كنتي عروس وشي طبيعي مكياج وذهب ولبس جديد
= خليت الشال على شعري ورحت امشي ورا دخلنه للصاله الكبيره لكيت بناتهم وعمتي وعمي او ولدهم كلهم كاعدين
: شكد عدهم ولد وبنات اقصد اخوان نعيم
= همه عدهم خمس بنات وست اولاد
:: ما شاء الله عائلتهم كبيره
= اي كانو بناتهم اثنين متزوجات وتلاثه بعدهن
= دخلت وسلمت عليهم وكعدت البنات راحن يصبن عشا وانا بقيت كاعده يم نعيم لمن ما اجه ضيدان اشوف
الكل سكت حتى رجلي هو ما حجى بس كال السلام عليكم اشوف الولد كلهم كامو حتى رجلي هو ما بارك لي
بس بقى يباوع لي بنظرات ما حبيتها بهاي الاثناء اجن حمواتي وهنه جايبات صينيه خالات بيها مواعين
العشا من كملن حماتي المتزوجه باوعتلي وكالت
• كومي حبيبتي اتعشي
انا اتقربت ع الصينيه هي فزت وگالت //لا لا سوسن احنا عشانا بالمطبخ
عمتي كالت بونه //اي مو هي متعوده ياكلون سووا النسوان ويه الزلم
انا راسا جاوبتها = عمه احنا كلنه اربع نفرات يعني ما تسوه نخلي صينيتين
همه كلهم خزروني لان جاوبت واكثر شي ضيدان اشوفه يباوعلي انا رحت للمطبخ واتعشيت بعدها كالتلي
حماتي //اخذي الجاي وروحي صبي الهم
واخذت الجاي وانا ما اعرف شنو الي بيه خوف او ندم ما اعرف صبيت الجاي وقدمت الهم من وصلت
يم ضيدان شفته يباوعلي بنظرات كريهه لكن انا ما درتله بال
عمتي كالت العمي //ابونعيم تدري بسوسن جابت من فلوس مهرها
عمي //ها وليش
ردت احجي بس هي ما خلتني اكمل كالت// تكول اشتري بيهن شغلات للبيت
عمي //عفيه والله سباعيه
ضيدان وهو يباوع عليه //اي نعيم شوف شنو نحتاج واشتري
انا صرت اباوع النعيم الي ما حجى امه كالت //كل شي ما نحتاج البيت بي كلشي
عمي كال //خوش اذا كل شي ما تحتاجون روح جيب الفلوس شيسوون يبقن عندك
انا سمعت الكلام واشوف رجلي راح وجاب الفلوس حتى ما گال هنه مالات مهرها جابهن وعمي اخذهن
انصدمت من تصرفات الرجال ابوهم يعني هو مهري شلون ياخذونه لكن اكثر شي انصدمت من سكوت
رجلي وانا احجي ويه نفسي = وين كلامك وكله بايدي وانا ابو الشغل اشو حتى ما فكيت حلكك
أنت تقرأ
##الشيطان اختي##
Чиклитقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
