😈الشيطان اختي 😈
💐البارت 14💐
بقلمي آنيين الليل
///💔💔///
احيانا حينما تسقط الاقنعه لايكو ن اكيدا ان كل ما نراه قبيحا
ربما ما نراه هو تراكمات من ذكريات قد مضت
لانريد احد ان يراها وحينما اصبحت
في متناول الجميع كان الاوان قد فات
💙💙💙💙💙💙💙💙💙💙💙💙💙💙💙
ضياء
ما اعرف شلون غفيت وانا اتذكر قصة سوسن كعدت الصبح على دكه باب خفيفه ودخلت ايوته
وهي تحضني رغم حزنها على هيفاء بس ما تبطل دلال عليه وانا اريد افتح عيوني حضنتني وهي تكلي
ياالله ضاوي اكعد لا تتاخر على دوامك ياروحي (عود تقلد امي الله يرحمها )
انا هم حضنتها وكتلها
:: صباح الخير
- صباح النور اشلونك بابا ولو زعلانه عليك
انا تمغطت وكتلها ::ها توج تحضنين وياالله ضاوي وهسه زعلانه
- اي زعلانه لعد تجي البارحه وما تكول خلي اشوف بنيتي الزغيره شلونها ما لونها اخاف محتاجه شي شيتين
:: ولج بس لو اعرف هاي السوالف منين تجيبيها
- - ياا ضاوي شبيك شني من سوالف
انا ضحكت هي باستني وكالت //يالله بدون كسل گوم
انا دخلت للحمام الي بغرفتي اتوضيت وصليت قضا وبعدين اخذت حمام ع السريع ولبست دشداشه وطلعت
لكيتهم كاعدين ع السفره نور وجعفر او وائل وايه وسمر وجنه سلمت :: صباح الخير
الكل رد //صباح النور
نور //هله بابا اشلونك
قبل ما اجاوب جعفر گال //اشلونه دشوفي صلوات تگولين عريس بهاي الدشداشه شوفي يخبل
انا باوعتله ::شنو حضرتك ما ناوي تكبر
جعفر //على كيفك عيني ضياء شنو كفرنا لان نريدك تتزوج
الكل صفن وباوع الجعفر هو استردف ويتساءل بايده
- - - خيركم اشو كلكم غصيتو تره هاي حال الدنيا شوفو الرجال شعايزه
بس مره والشرع محلله اربعه هسه احنه انريدله اوحيده
انا باوعت وكلت :: مو صوجك صوجي انطيتك مجال
جعفر //ابو جعفر على كيفك يا اخي والله دا احس بيك
اريد اعيط علي باوعتله جان يسوي بشكله حركات عود جبير خلني ابتسم واگلهم
:: شبيكم اليوم اشو ايات تقلد امي وانت عود صاير فهيم شكو
نور //بابا لان صار فتره انت مو يمنا وما شايفيك فحبو يتشاقون وياك
:: وهسه شفتوني اشلوني بس كون اعجبكم
ايه //يمممه غير تخبل عين البارده عليك (بعدين لزمت صدر القميص مالتها وكالت عود تقلد النسوان الكبار )
:كون عين الحاره الحمزه يطفيها
جعفر باوعلها ومسح اطراف شفايفه باصابعه //صدك خيه ام ضياء يوميه طكطكي هالحرملات والبخورات
وليدج وحيد والعين علي
ايه//ياخيه شتحجين وهذني المتمدنات بس يشمن ريحة البخور هووع وهوع عبالك ما ادري شبيهن
جعفر//وداعتج خيه تلكينهن هنه العدهن هيج سوالف بس ما يبينننها مو احنا المكرودات الفقيرات تلگينهن
هنه امهات السحوره والمكوره يممموي منهن الله يكافينه شرهن
أنت تقرأ
##الشيطان اختي##
أدب نسائيقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
