😈الشيطان اختي 😈
البارت التاسع //
بقلمي #آنيين الليل #
مهلا
رفقا يازماني بي ترفق
انما انا بشر من دم ولحم
ولكن الخطايا جعلت مني قديسا بهيئة حجر
ترفق قليلا
انما انا فيض احساس تناثر في طرقات الخطيئه والخيانه
(سوسن )
💚🧡💕💚🧡💕💚🧡💚🧡💕🧡💚💕🧡💚
ضياء
من سمعت سوسن شلون وافقت تروح ويه نبيل انا ضجت ورحت صعدت للغرفه بس قبلها رحت
الغرفه المكتب واخذت الملف الي جابه وبديت اتصفح الملف وبالي مو يمه ردت انزل اكلها
:: ليش رحتي ويه نبيل او وين رحتو
لكن انا عاتبت نفسي وكلت
؛؛ شنو جاي الوم انسانه ما اعرفها ولا تهمني على ماضي صارله سنين
بقيت اقرا بملفها الي جابه مصعب ما بي اي شي مو زين ضدها بالعكس انسانه محترمه والناس
تحبها وتحترمها وتقدرها بس اتصور اكو شي خلاها تحاول الانتحار وليش
اخوها سووا فاتحه وزوجها طلكها ياسوسن شنو هذا الي جاي يصير وياج
ما دريت شلون غفيت الصبح كعدت فايت وكت على رنة الموبايل شفته چانت الساعه ثمانيه الصبح شفت نور
جاوبتها
::الو
نور //صباح الخير ابو جعفر
رديت والنعاس بعيني ::هلا بابا نواره حبيبتي
نور//هلا بيك شنو نايم
:: اي والله البارحه اتاخرت
نور//الله يساعدك خابرتك اصبح عليك
:: حبيبتي باباتي عمتج وين
نور//بالبيت تبجي على فريد الاطرش وتغني ياحبايبي يا غايبين
انا ضحكت وكتلها :: من يمته صايره تحششين
نور//لا والله صدك بابا عمتي عبالك مراهقه
::عيب نور هذا الحجي لا تنسين هي عمتج واختي
نور//اسفه بابا مو قصدي ازعلك
:: بابا نور ليش خابرتي
نور//حبيبي ردت اشوفك اتريكت لو بعدك
::لا بعدني هسه شويه واتريك وانتي
نور//اووو من يمته تريكت ورحت للدوام
:: وايه
نور//راحت تدري بابا ايه لبست اسود على ست هيفاء خطيه
انا جاوبتها بحسره :: اي بابا ايه تحبها هواي الله يرحمها
نور//بابا مو بس ايه تحبها كلنا نحبها حرامات خسرناها (هي اتحسرت )
ياالله بابا خاف عندك شغل اليوم تجي ع الغدا
::ما اعرف حسب الظروف
نور//تماام براحتك دير بالك على نفسك حبيب اكليبي
انا ابتسمت لان اعرف هاي الكلمه امي علمتها الها تكولها الي
:: وبعد ست نور اكو تعليمات وصايا
نور//لا والله سالم ابو جعفر
=الله يسلمج
گعدت ع الچربايه وانا اباوع للغرفه اتنفست بعمق
:: هيفاء اعرف تحبيني وما ردتيلي القهر والبچي عليج لان سبحان الله بلحظة انهياري خلا
سوسن بطريقي بس صدكي ما ناسيج انتي اعز انسانه على گلبي وهسه خاف انتي زعلانه عليه
( رفعت راسي وشلت اديه بالدعاء ) :: استغفر الله ربي ارحمها وهون عليها
دخلت للحمام اخذت دوش وطلعت لبست ونزلت رحت للمطبخ لكيت الريوك ع الطاوله بيض سلك وجبن وزيتون
مبين بعدهي ما متريكه انا طلعت دكيت باب الغرفه هي فتحت الباب انا كتلها
:: تعاي تريكي
أنت تقرأ
##الشيطان اختي##
ChickLitقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
