😈الشيطان اختي 😈
🌷البارت 31🌷
💖بقلمي آنيين الليل 💖
///////////////|||||. ////////
ضياء
ليث ونور انصدمو من كلامي لكن اعرف الصدمه صدمت سوسن
نور باستغراب //بابا انت شتحجي
رفعت اصبعي على حلكي :: اشش ما اريد اسمعلج نفس
ليث باوع النور /ياالله نور امشي
انا باوعتله باستهزاء واتقربت منه لزمته من ياخة قميصه وكتله
:: انت منو وتكل البنتي وكدامي ياالله امشي انت اتفضل اطلع ولا تراويني وجهك واحمد ربك
ما رميتك طلقه تعرف ليش لان گدامي عيون هيفاء الله يرحمها ولو ما هذا الشي كان خليت الناس يكولون
كان ولد اهنا اسمه ليث وهسه ياالله اطلع منا وما اريد اشوفك
ليث //عم..
قاطعته :: شگلت اطلع ما طول الله هاديني
طلع ليث انا بقيت كوه اجر النفس نور واكفه خايفه من ردة فعلي خابرت مهند كتله
:: مهند اخذ السياره من مهدي وانتظر وصل بنتي
بعدين باوعت النور كتلها وانا ااشر الها براسي
:: فوتي اطلعي منا وحسابج يمي بعدين
رادت تحجي ما خليتها
:: كلت اطلعي ما اريد اشوفج ولا اسمع صوتج اطلعي بسرعه لاتخليني اسوي شي ما متوقعته
هي راحت واشوفها صارت تبجي حاجيتها :: اوكفي
دارت عليه كتلها وانا عبالك الهث :: اغسلي وجهج لا تطلعين كدام الناس هيج
هي راحت للمغسله غسلت وطلعت وانا دخلت الغرفة المكتب ذبيت نفسي ع القنفه وبقيت اجر بالنفس حسيت
سوسن اجتي يمي وجابتلي اكلاص ماي قدمته انا اخذته وشربت وانا احاول اسحب الهوى گوه اتقربت يمي گلتلي
= استاذ انت زين
ما گدرت ارد عليها هي گالت = اتصل بالدكتور
انا هزيت راسي ب(لا)راحت ورجعت بايدها بطل ماي وطاسه زغيره كالت
= استاذ اغسل وجهك
هي صبت على ايدي شويه ماي وانا غسلت وجهي كلتلي
= ابقى مدنك راسك وحاول تسحب الهوى شهيق وزفير
انا سويت مثل ما گالت بعدين اتمددت ع القنفه طلعت غابت خمس دقايق ورجعت بيدها كلاص وكالت
= اكعد اشرب شويه ليمون
كعدت بس بقن رجليه ممدودات اخذت الكلاص شربت منه شويه هي سكتت بعدين كالت
= حاول بعد تشرب
رجعت شربت احس بنفسي شويه هدئت گلتلي
= ها شلون صرت تحتاج نخابر الطبيب
انا رديت عليها وانا اجر نفس قوي :: لا ما يحتاج
هي اخذت الكلاص وراحت اتكلمت بدون ما تدور وجهه
= لازم تراجع اخصائي وتسوي تحاليل مايصير تبقى هالشكل
انا بقيت كاعد كتلها :: بلازحمه الباكيت
دارت عليه :: انت تعرف التدخين مو زين عليك
وطلعت جابت الباكيت والجداحه وانطتني جكاره كالت
. = هاك دخن بس هاي حتى شويه تهدا
انطتني الجكاره والجداحه وبعدين اخذت الباكيت والجداحه وياها عبالها ما عندي بالمكتب ما تعرف الجراره بيها
يمكن عشرين جداحه والجكاير كومه انا اباوع الها دخنت وانا احاول اعرف
شلون نور اجت ويه ليث منين جابت كل هاي الجراه وليث الحقير جابها لهنا حتى يلوي ايدي
لو راد يستغلها
أنت تقرأ
##الشيطان اختي##
ChickLitقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
