مرحبا يا اغلى واعز قراء واصدقاء واخوه في الله
كلكم جاي تعتبون وتسالون ليش ما انشر بارت
تعرفون قبل البارت الثامن والعشرون انا كتبت الكم تنويه كلت بي
اريد تتحملون غيابي بعض الوقت بسبب التزام الدراسه والوضع المتازم وانتو اكيد هم مثلي
البعض منكم يعتب متى تنزلين
والبعض الاخر
اذا مو كد الكتابه ليش تكتبين كان اعتذرتي او انطيتها الغير كاتبه
واخرين انتي تريدين تصويت لذلك جاي تبطين بالنشر
رغم هذا اعيد واكرر وجهات نظر احترمها لكن بلا تجاوز
تعرفون بديت بقصة سوسن من نهاية السبعينات الى وقتنا الحاضر وتشوفون كل بارت مو اقل من ست الالاف كلمه
واكو بارتات ثمان الالاف انا ما امن بيهن عليكم لكن احب الفت النظر انو اذا واحد انطاني القصه فهمه يتكلمون
شفويا وياي يعني انا الي اكتب والي اصور الاحداث للقارئ الوقت الزمان المفردات الكلام كل هذا الشي وبعد اكثر
الكاتب يكون مندمج بالكتابه ويا حزن والم وفرح بحسب احداثها
تعرفون كل بارت ياخذ مني كتابه اقل شي اربع تيام لان لازم اوصل الصوره للقارئ بحيث من تقرون القصه
تعيشون وكانما الابطال حاضرين بكل تفاصيلهم اضافه الى تصحيح الاخطاء الاملائيه واثناء المراجعه بين
الزياده والنقصان
انا اعتذر منكم لان اطول عليكم
وللعلم بعد هواي للنهايه بالبدايه كملت قصة سوسن الان نبدي بضياء وشنو راح يسوي
احبائي
بكيفكم تردون اعتذر ما اكملها تردون تشجعوني وتتحملوني هذا الشي راجع الكم يعني تقبلون انشر كل اسبوع بارت الرأي
الكم لان انتم عيوني الي تقرا والي تطلع الايجابيات والسلبيات
الكل حتى الي تجاوز والي راسلني خاص اكن الكم كل الاحترام والتقدير واكيد عتبكم عليه لان انتم حبيتو
القصه واكيد انا افتخر بيكم واعتز بصحبتكم واخوتكم وسؤالكم ودعائكم
شكرا جزيلا وتحياتي للجميع ويارب يبعد عنا وعن جميع الانسانيه شر هذا الوباء
بردا وسلاما ياوطني
#انيين الليل #
أنت تقرأ
##الشيطان اختي##
ChickLitقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
