😈الشيطان اختي 😈
//البارت 11//
#بقلمي آنيين الليل #
///💔💔///
يا لائمي
هل تداركت الخطا
هل علمت بحالي
ابكيت سرا وضحكت غصبا
هل جربت جوعا وطعاما ممزوجا بدموع خانها الوقت وتاهت في اروقة الماضي
هكذا انا وهذي حياتي
بؤس وفرحة فقراء بنزر قليل وفتااات مما يبقيه الاغنياء
هذه انا وهاذي حياتي
///// سوسن ////
///////—-/////الشيطان اختي /////———//////
سوسن
بعد ما نهيت كل شي ويه عبدالله بقيت بالبيت ما اطلع الاي مكان حتى البيت قبيله ما رحت
وامي راحت الزيارة بيت خالي الي قررو ياخذوها للزياره وگلتلي امشي وياي بس انا ما وافقت بقيت بالبيت
وانا ما اعرف نفسي حزينه ضايجه متشتته
حتى رانيه ما صارت تجي عليه بقيت بالبيت اشتغل وبوقت فراغي اشتغل اعمال يدويه سناره او تريكو
او تطريز
وبدا الدوام انا اشتريت تنوره وقميص وحذاء من الفلوس الي مجمعتهن وداومت اول يوم مو بخط رحت
نفرات للكليه ومن رجعنا انا وبنات من منطقتي كعدت بالسياره واجت يمي ابنيه من منطقتنا كان بيتهم
فرق فرعين عن بيتنا اسمها غيداء حاچيتها
= غيداء شنو رايج السنه ما ناجر خط نروح نفرات اشو ننزل اباب الكليه بس نمشي من البيت للسره
غيداء //اي والله بعد احسن
= تمام نلتقي براس الفرع
:: وليش مو الخط احسن
= مو حسبتها يفرق عندي من الكروه اقلها يفيدني مصرف الي
وصرنا نروح انا وغيداء نفرات
سالتها :: وعبدالله وين صار
= شفته اكثر من مره راد يحچي وياي لكن ما عبرته لان ما صار يهمني
رفعت حاجبي وهزيت ايدي استفهم :: يعني شنو نسيتي !
= انا كنت عايشه بدوامه ما اعرف شلي يصير وياي
:: يعني افهم منج چنتي حالج حال اي مراهقه
هي ابتسمت وگالت = والله ما اعرف شنو جانت حالتي
:: ما حاول يحچي وياج يبررلج الي سوا
= حاول عدة مرات كنت اصده لكن مره حرجني كدام هواي بنات اضطريت اسمعه
:: اجاج للكليه
اتحسرت وهزت راسها =. اي من يومها ما بقى لا يجي ولا يوگف ولا يلحگني
:: شنو كلج ؟
گلي // سوسن انا احبج وابقى احبج لكن الي صار اقوى مني الله يخليج لا تفه..
ما خليته يكمل اشرت بايدي وگتله
= عبد الله كلش عيب الي جاي تسوي انت رجال متزوج وانا هم تقريبا شبه الي انخطبت فرجاءا لا تجي
ولا تحاول تحچي وياي
عبدالله //بس انا اتزوجت وره ما رفضتيني
= مو وكت عتاب خلص انت شتريد
عبدالله //سوسن اريدج تعرفين شنو اريدج
= اني ما اريدك ويجوز قبل چانت نيتك وياي تزوجني لكن هسه انت نيتك تضحك وتقضي وكت
لذلك ياابن الناس انا ما افيدك وليش تروح لبعيد عندك رانيه ما شاء الله حتى ما انطيت النفسك فرصه لبستها
الساعه الي جبتها على اساس هديه الي
رانيه تفيدك اكثر وهسه من فضلك لهنا وكافي
عبدالله //تبقيين غبيه رانيه انطيتها الساعه سكتتها خفت عليج سوسن مستعد اليوم اخطبج واخذج واعيشج
احسن عيشه بس مو هين
= ومنو گلك اني اوافق بيك (اهنا حاچيته باستهزاء )رووح بابا لا يشوفك ابوك ويقطع مصرفك
أنت تقرأ
##الشيطان اختي##
ChickLitقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
