😈الشيطان اختي 😈
البارت 17
بقلمي #آنيين الليل #
نحن لسنا نبحث عن اكثر من يد تملأالفراغات بين اصابعنا ......
تاخذبمشاعرنا الضاله ونهديها ...
ترافقنا في درب الحياة الحياة الصعبه ...
فنتكئ عليها حين نتعب
وسرعان ما تنكسر تلك الاحلام وتذهب وتصبح
مجرد حلم وسراب لذلك المتعطش الى قطرة ماء
هذه انا وهذا حلمي
انا سوسن الحزن القريب 😭😭
والفرح البعيد الذي لا اكاد ان اراه
💙💙💙💙💙❤️❤️❤️💙💙💙💙
سوسن مذهوله وانا اسمع المطبقه // حتى احنا ندري بيها مخطوبه لكن بداية السنه اجت تبجي وكالت انو خطيبها
سووا حادث واتوفه
الثانيه گالت //خطيه بالبدايه لبست علي اسود بس بعدين نزعته
انا من سمعت حسيت بلويه ابطني وگلبي ظل يدك قوي واني اسمع خبر وفاة فؤاد
ظليت مرتبكه ما اعرف شسوي طلعت من غرفة المدرسات وظليت امشي بدون وعي وانا احجي ويه نفسي
. = فؤاد انت متت فؤاد شلون هيج يصير وانا ما ادري
صرت ابجي وعيوني يجرن حسيت الطالبات يباعلي رحت للاداره كت للمدير
= اريد اطلع
اجه يمي وكال //خير ست سوسن ليش باجيه
انا تداركت الموقف = لا استاذ عيوني يدمعن من يصير راسي يوجعني
المعاونه ردت //اخاف مشكل وياج ضغط وانتي ما تدرين
جاوبتها وانا احس بروحي تريد تطلع = والله ما اعرف ست
المدير گال //اطلعي بابا وباجر اذا بعدج تعبانه لا تجين بس هسه منين تحصلين سيارة ؟
= مي خالف اوكف بلكي تمر سيارة اجره
المعاونه //اي اوكفي اكو سيارات مال شركه تمر مرات بلكي تحصلين وحده
وطلعت اتمشى وانا روحي بغير عالم واگول
= لا فؤاد لا اسم الله عليك حتى لو عفتني حتى لو حبيت غيري حتى لو تكرهني المهم تبقى سالم
صرت امشي واتذكر ايامنا واتذكر شلون فجاه ابتعد عني وباع البيت وما اعرف شصار وانا امشي
وكفتلي سياره كوستر مال شركه وصعدت بيها وانا ما اشوف الي صاعدين بيها سندت راسي وبقيت
اشوف فؤاد وصورته
الي مخليتها بالجنطه مالتي جانت ما تفاركني وياما سهرت ليالي وانا لازمتها وابجي واعاتب بي من اشوفه
هو وباسمه شلون يغيضني بقيت ابجي بس فجاه اتذكرت وحجيت ويه روحي
= شبيج سوسن نسيتي مو قبل شهر شفتها الباسمه بالسوك وجانت كلش طبيعيه حتى من كتلها يمته
تتزوجون وكالت عن قريب
معقوله ما بين عليها شي لعد البنات فاهمات غلط ويجوز غير باسمه
لا هنا كالن باسمه وخطيبهاالضابط
وبقيت محتاره ما اعرف شلون اعرف الحقيقه ومنين
بس وانا ابجي احس كلبي بارد صحيح مقهوره بس اكول = لا فؤاد ما بي شي
وبقيت استرجع كلام باسمه ونظراتها وبقيت انا وحزني محد يعرف بي بس ربي
ومشت ايامي صعبه وانا بس اريد اسمع عنه خبر لكن ماكو
= ظليت حابسه حزني بصدري صارت روحي خاويه مره اتذكر ضحكته ومره اتذكر كلامه واتذكر شلون
من يصير عصبي ويطلب مني التزم بكل شي يكوله وشلون كان يخاف عليه والي يباوعلي لو نظره
عابره وانا بالسياره ينزل ويرزله ويكول عني خطيبته
أنت تقرأ
##الشيطان اختي##
Chick-Litقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
