😈الشيطان اختي 😈
🌹البارت 45🌹
💓💕بقلمي آنيين الليل 💓💕
//////////. ///////////
سوسن
بعد ان سافر ضياء بقيت بالبيت وانا الملل كاتلني مره انظف مره اطبخ صعدت فوك طلعت ملابسه وكويتهن
رغم مكويات
ما اگدر اتصل لان يجوز هو ما يقبل ظليت دائما اباوع للكامرا بلكي اشوفه
وره سفره بشكم يوم اجه ضياء وره الظهر ما اعرف ليش فرحت عبالك صارله سنه غايب فتح الباب انا تلكيته
= الله يساعدك استاذ الحمد لله ع السلامه
هو جاوبني :: الله يسلمج
وسالته اذا يريد غدا
رد عليه :: حضري بين ما اغسل اديه
كان رده بي نوع من البرود عزيت هذا الشي بسبب التعب والارهاق بالعمل والسفر
ورحت للمطبخ وهو اجه وكعد وصار ياكل بكل هدوء حسيت بي ما مرتاح او بي شي هو ما اكل اله
شي قليل بعدين كلي جيبيلي الجاي وطلع للصاله انا اخذت الجاي شفته كاعد بغرفة المكتب وهو يدخن جكاره
انطيته الكوب وسالته = خير استاذ بيك شي
هو شرب الجاي او كلي بدون ما يباوع الوجهي :: جيبيلي نقالج
تفاجات بصراحه من طلبه عرفت يريد ياخذه وبعدين يگلي اطلعي من البيت
جبتله النقال وانا متفشله من كلامه اخذه وراسا خلا بجيبه بدون ان يباوعله
وكف راح وره المكتب طلع اللابتوب واجه يمي
:: هاج سوسن
انا مستغربه هو استردف
:: هذا الجهاز بي تسجيلات لازم تشوفيها احتمال تهمج واحتمال لا اني راح اطلع هسه عندي سفره شكم يوم
وارجع وانتي شوفيها براحتج والامر الج
اني اسمع كلامه ومتفاجئه شنو بيهن وشنو الامر الي
ردت اساله لكن هو ما انطاني فرصه طلع بدون حتى ما يباوعلي
اخذت اللابتوب ورحت للغرفه والظاهر هو فاتحه ع الشي الي يريدني اشوفه وشفت كل شي وسمعت كل شي شفت
قبيله وجراتها وحقارتها وسمعت كل شي اتمنيت
بوكتها تنشك الكاع وتبلعني وهي تسولف على حقارتها وخيانتها وصداقتها ويه هذا الجلب ابو سامان
صار كدام عيني ضياء وشلون بعد اكدر اباوع بوجهه كتلت نفسي ظليت اضرب على عيوني واخمش بخدودي
بدون اي احساس بالالم لان الم روحي طغى على مل الم وانا احجي
= ولج ليش يابت الكلب ليش فوك ما اويناج واهلي ربوج وربو جهالج بس العتب مووعليج العتب على امي وابوي
وعلى عماد الي رخولج الحبل اكثر من اللازم وخلوني انا وعايده خدامات الج
تذكرت عايده واشكد انظلمت وكله من وره هاي الحقيره وانا اسمع كلامها واسمع مصعب شلون يحجي وياها
وضياء شلون يغلط عليها واشوفه شكد يحتقرها واحجي ويه نفسي
= اكيد هسه ضياء صار يحتقرني انا همه لان هي اختي
رفعت راسي وانا اگول =. اي حقه يحتقرني اذا اختي حتى جهالها كل واحد من رجال شكل احسن الي اطلع
من البيت قبل لا يجي لان بعد ما عندي عين اباوع بوجهه
أنت تقرأ
##الشيطان اختي##
Chick-Litقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
