الشيطان اختي
البارت 13
بقلم آنيين الليل
//////////////////
سوسن
= خليت مرت خالي بالبيت واخذت ابوي ورحت انا وحسن ويه جيرانه اباوع الابوي وجهه اصفر وشفايفه
بيض ونفسه قوي كام او وكع شاله جيرانه وحسن اخوي انا طلعت وراهم واسمع النسوان يحجن
...لج دادا شبيها المره انجنت
...بس هي لعد والرجال الي وكع لوالبت مزوركه شوفي شصاير وياهم
...لا عيني كل شي ما صاير بس المره تعارضت
...يا تعارضت لازم بيهم شي واكيد من وره هاي ما تشوفيها شلون كاتليها اكيد مسويه شي مو زين
وهالمره اتخبلت والرجال وكع
ام جواد كالت //كافي شنو هالحجي اني اعرف ام عماد من زمان وهاي بتها ما شفنا عليها
شي من حطو اليجاي اي ابنيه من البيت للجامعه حرام عليجن هيج تحجن اسالن ولدجن على شرفها واخلاقها
......دادا واحنا شكلنه غير الي نشوفه
ام جواد //من تحجن خلن الله ابين عيونجن كلنه عدنا بنات الله يستر عليهن
صعدت بالسياره وخاله راس ابوي على جتفي وحسن بالصدر يبجي والرجال يكله //لاعمو لا تبجي ابوك
ما بي شي الا العافيه
وصلنا للطوارئ والرجال حاول يوكف ابوي بس ابوي ما كدر يوكف خلا بالسياره وراح صاح لاثنين
شباب اجو يركضون وساعدو ابوي نيمو ع السديه واخذو للطوارئ واجه طبيب ولد شاب گال شبي
جواد //دكتور اتخربط او وكع
وهو جاي يفحصه //شلون وكع
السايق باوعلي اني كتله وانا ابجي
بابا انقهر وصار تنفسه عالي او وكع =
الدكتور باوعلي وفتح عيونه ع الاخر ورجع يقيس البابا الضغط وكتب ع ابره. وكلي
- - انتي انتظري بره
وانطه الحسن ورقه راح يجيب الابره وكفت اباب الطوارئ واشوف الناس تباوعلي اقصد اتباوع
الوجهي وشفت السايق جيرانه
يحجي ويه الدكتور والطبيب يسمع ويرجع يباوع عليه طلع الطبيب اجه يمي كلي
• تعالي وراي
انا اخذت حسن ورحت ورا هو من شافني گلي
• اكعدي (ودك الجرس اجه الفراش كله ) صيحلي ام علي واجت كانت ممرضه هو كتب ورقه وگل الحسن
روح بسرعه اصرف العلاج من الصيدليه وانتظرني يم الردهه وانا بقيت بالغرفه وام علي يمي هو باوعلي وكال
• احجيلي الصدك منو معتدي عليج
انا جاوبته وانا ابجي = محد دكتور بابا اشبي
• اسمعيني زين اذا احد اي احد معتدي عليج گليلي اكو قانون يحميج وانا مستعد اساعدج
جاوبته وبنفس بجيتي
= دكتور والله محد معتدي عليه كول ما بالامر اني عثرت من الدرج او وكعت واهلي خافو عليه بس
اريد اعرف ابويه شبي
• ابوج ضغطه مرتفع وراح يبقى يمنا نراقب حالته
بعدين باوع للممرضه وگلها
• ام علي اخذيها الردهة النسائيه وهاج (انطاها ورقه )خلي ياخذولها اشعه وشويه وجايكم
ام علي //حاضر دكتور
رحت وره ام علي ودخلت للردهه واخذولي اشعه الخشمي والصدري وره اشويه اجه الدكتور
وشاف الاشعه وكال
• الحمد لله مو كسر فطر
وباوع للاشعه الثانيه كال
• اكو رضوض بجسمج الظاهر وكعتج قويه
باوع لام علي وحجه (جيبي هذا العلاج .)
باوعلي // راح انطيج ابره وكتبتلج علاج تاخذينه كل ست ساعات افتهمتي
= اي دكتور
• يعني تعرفين كل ست ساعات يمته
أنت تقرأ
##الشيطان اختي##
Chick-Litقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
