😈الشيطان اختي 😈
🌹البارت 18🌹
////🌹🌹🌹///
مساء الخير يا احلى قراء
انا مازلت تعبانه لكن الخاطركم راح انزل هذا البارت
صدكوني الم بعيوني فضيع لكن من اقرا سؤالكم عني وتمنياتكم الي بالشفاء وطلبكم مني بارت حتى لو قصير
صدقا هذا الشي يفرحني ويحفزني رغم تشوفون البارت شكد طويل وما بي اي اخطاء املائيه
واشوف التفاعل قليل
اهواي راسلوني يكلولي قطعتي القصه لان التصويت قليل
لا اعيد واكرر اي شي يجي بسرعه يتلاشى بسرعه وانا من انشر القصص اهم شي اوصل
رساله للقراء الكرام ومن وره الرساله هدف وعبره
اشكر كل من سأل عني
واريد منكم هاي الايام تتحملوني لان اتاخر بالنشر
اتمنولي الصحه والعافيه
وانا بدوري ادعو للجميع بالصحه ولباس العافيه
❤️احبكم ❤️
#انين الليل#
💙💙💙💙💜💙💙💙💜💙💙
سوسن
من انطيت موافقتي حسيت الكل فرحان خصوصا امي وابوي وعرفت بان البشر من يكبر بالعمر يصير يخاف
من كل شي من الجوع يخاف من انه ما يبقى احد يداري ويسال عنه خصوصا بمثل حالة اهلي
هذا تفكير امي وابوي الي عرفت بعدين
هو هواي رافض ناس بس لان غربه واحيانا لان سكنهم بعيد كان يخاف اتركهم ويجوعون وابنهم وزوجته
احتمال تشمرهم بالشارع رغم عدهم ولد ثاني لكن هذا كان تفكيرهم انو انا الشريان الي يوصلهم للحياة
واجت عايده الي اوصفلك كيف كانت فرحتها
وهي حاضنتني وتگلي // عفيه عليج سوسن تدرين محمود يكول على نعيم خوش ولد خريج وشاب واهله تجار
شوفي سوسن شوفي فرحة امي وابوي حتى الدم رجع الوجههم
:: وقبيله شنو كالت ؟
= قبيله من تجي اشوفها فرحانه
وراحت ام محمد العماد وابوي راح العمامي على مود يجون يحضرون الخطبه
عمامي قبلو كالو اذا البنيه قابله احنا ما عدنا مانع واشوف امي كالت
اي طبعا يكولون ما عدنا مانع ليش هي المثل سوسن ما تنوخذ الولدهم
ابوي جاوبها //وشنو من ما اخذوها ولد اخوتي هي بقت اشو وينه او وينه الي يجي عليها
بالليل اجتنه ام محمد وهي ضايجه امي سالتها //خير ام محمد شكو
هي كالت //اليوم عود رحت العماد وفاتحته بالموضوع ولو تشوفون شسوه بيه
امي كالت //ياا شتحجين انتي ام محمد
ام محمد //والله حميده مثل ما سمعتي كلي شنو انا اخر واحد اعرف وهو جاي وست سوسن شايفته
وابوي كايل العمامي وانا هسه انتي جايه تكليلي لا يمكن اقبل ولو بيهم خير خلي ينطوها
امي بقت ترجف وعايده صارت تحجي وتدعي على عماد
امي كالت الابوي //خلف سمعت شتكول ام محمد
ابوي //اي سمعت هذا عماد كلب ما تصيرله چاره
امي //وانت تسكتله شنو هو يدري بينه شكلنه شربنا جابلنه دوه اخذنا الطبيب هسه جاي يميل بخت
البنيه الله اكبر على راسه
من سمعت خفت على امي لاترجع الها الحاله = ماما على كيفج عفيه ماما لا يصير بيج شي
امي يبست شفتها وصارت ترجف //يصير يمه كله من ورا هالكلب
عايده //وهو منو الي كايله بهاي الشغله ما ضام عنه شي
ابوي //والله ما ادري
امي //اكيد اخوانك كالوله وهو لازم استنكف شلون تكل الاخوتك وما تكله
ايوي //حميده احنه وين شايفينه ما تكليلي
أنت تقرأ
##الشيطان اختي##
ChickLitقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
