مرحبا
ياارقى قراء واعز متابعين
انتو صار اكثر من شهرين وانتو وياي وانا اشكركم لان تقروون وتشجعون رغم قلة التصويت وحتى قلة
عدد القراء
وما اتصور بيوم عتبت حتى على متابعيني بل حتى بعض الصديقات الي تربطني بيهن صداقه ونتراسل ع الخاص
وهنه حتى ما كلفن نفسهن ان يقرن او يبدن رايهن واني ما اجبر اي احد ان يقرا او يصوت لانو
على يقين انو لكل شخص راي ووجهة نظر يجب احترامها مثل ما اني الي وجهة نظر وراي
بالنسبه القصصي اعيد واكرر هي قصص حقيقيه لا من تاليفي ولا من خيالي يمكن مع بعض الاضافات والتميز
بطريقة السرد
الي لازم يتميز بيها اي كاتب والي قرو قصصي عرفو باني اختلف تمام الاختلاف عن الكثير من الكاتبات العزيزات
من حيث السرد لان اني عندي قابلية رسم الاحداث والتعمق بها واتصور هذا الشي انتو لمستو
من خلال قصصي لاني اعطي لكل شخصيه بالقصه حقها حتى وان كانت مرورها بالقصه مرور
قصير او بلا دور
دائما يجيني العتب ليش تتاخرين ليش ما تنشرين يوميه شنو حسدناج اذا هيج ما راح نقرا
احدى العزيزات كتبت لي ع الخاص ما اعرف كلامها عتاب الي او تانيب او حتى تسقيط
انتي ما تنشرين لان تردين نسبة تصويت
طيب قبل ما اجاوبها
اتصور انتم الي قريتو القصه شفتو شكد بيها احداث حدث ما يشبه الاخر
طيب شفتو الترابط بالقصه بين الماضي والحاضر
زين هم مرت عليكم قصه كل بارت اكثر من 7الالاف كلمه بدون اعاده للاحداث وبدون قصيده او خاطره
يمكن بارت او اثنين بي سطرين من خاطره او بيتين من الشعر
صحيح نسبة التصويت قليله لكن انا على ثقه كتاباتي راح تنجح وان ما نجحت فيكفي هنالك العديد من الاشخاص
الي يقرؤون ويصوتون وهذا دليل حبهم الي واحب اگول الكل الي عاتبوني لان اتاخر بالنشر والي يكلون
اريد ناس تصوت الي وما انشر بلكي احصل على اصوات احب اگللهم
انو كلامهم مو صحيح انا باستطاعتي انشر القصص بمنتديات عالميه بل بامكاني ان انشر القصص
بكتاب وعلى حسابي الخاص
وللعلم انا واثقه من نفسي ومن كتاباتي هي من واقع الحياة واعيد واكولها انا اختلف بالسرد عن باقي الكاتبات
الي فقط همهن الشهره والي قاريات قصص الجيب ويكونن فكره ويضيفلها بعض الرومانسيه وعذرا لصراحتي
انا اكتب لان احب الكتابه وهوايتي من انا طفله احب الكتابه رغم انو انا ميولي علميه مو ادبيه لكن كتابة
القصص هي من اولويات اهتمامي بعد ان شفت بحياتنا كعراقيين يوميا الالاف القصص من حروب وامهات ثكلى
واباء حزينين من سيطرة قوى ظالمه الى تفرد الى مجاعه الى سرقات الى قتل وتهجير وطائفيه
ايتام واحزان وناس عندها الاف الماسي تحت جراحاتها وهاي القصه واحده من الالاف من قصص اهلي في العراق
اليوم راح انشرلكم السبب الي جعل سوسن تقدم على الانتحار واهنا تكون سوسن كملت سرد قصتها
ويبقى راي ضياء
راح اتاخر عليكم هاي الايام بالنشر لان مرتبطه بدراسه ومشروع خصوصا وصارو ينزلونه عبر النت
المحاضرات اتمنولي النجاح واتحملوني يمكن اتاخر عليكم بنشر باقي القصه
بامكانكم ان تقرؤون قصصي الكامله على صفحتي
واعتذر من الجميع الي ما استطعت ارد عليهم بالخاص ولازم تعرفون انو انا من اكتب ما متفرغه فقط
للكتابه لا اكيد عندي التزامات اخرى ودراسه صعبه لان اختصاصي صعب
تحياتي الكم ❤️انين الليل ❤️احبكم 😘😘
أنت تقرأ
##الشيطان اختي##
ChickLitقد يكون الاسم غريب الا انه مطابق لما سنقرؤه ونعيشه قصه حقيقيه رغم ما فيها من مواقف قد تكون بعيده عن واقعنا لكن تذكرو بان الخير والشر موجود من زمن ابينا ادم حينما ترك الجنه وعندما قتل قابيل هابيل هذه هي الحياة مضطرين ان نتعايش معها رغم ما بها من م...
