(Unicode) When He Comes, Close Your Eyes - MM Translation {Completed}

Chapter 21

Jian Yao သည် ကော်ဖီခန်းငယ်လေးအတွင်း ရပ်လျက် ကော်ဖီဖျော်နေသည်. ကောင်းမွန်စွာ ဝတ်ဆင်ထားကြသော လုပ်ဖော်ကိုင်ဖက်များကို ကြည်လင်သော မှန်တံခါးမှ တဆင့်ကြည့်နေသည်. Wang Wan Wei ၏ သေတမ်းစာက အလွန် ဖုံးကွယ်ထားနေသည်. သူသေဆုံးခြင်းအတွက် အကြောင်းပြချက်..... ဆေးရောင်းဝယ်မှု.... ဒါတွေ ဒီလူတွေနဲ့ ဆက်စပ်နေတာလား???

Bao Jin Yan က သူတို့၏ လုပ်ငန်းဆောင်တာများနှင့် ပတ်သက်၍ တစ်ဦးတစ်ယောက်ဆီကမှ သံသယဝင်ခြင်းမခံရနိုင်ဟု ပြောခဲ့သည်. Bao Jin Yan ၏ ရုံးခန်းတွင်းသို့ မပြန်ခင် လူတိုင်းကို ယဉ်ကျေးစွာနှုတ်ဆတ်လိုက်သည်.

ထူးခြားသော အဖြစ်အပျက်မရှိ သာမာန် မနက်ခင်းလေးပင်...
--------------------------------------

Customer 3 ဌာနခွဲသည် စံပြအဖွဲ့ ဖြစ်သည်. နေ့လည်စာစားကြသည့် နေရာမှာလည်း ဈေးပိုကြီးသောနေရာတွင် စားသောက်နိုင်ကြသဖြင့် Jian Yao ၏ အရင်လုပ်ဖော်ကိုင်ဖက်များထက်ပင် လစာပိုများသည်မှာ သိသာသည်. ရုံးနှင့် သိပ်မဝေးသည့် ဘူဖေးဆိုင်တွင် ဌာနခွဲမှ လူအားလုံး ထိုင်နေကြသည်. မန်နေဂျာ Lin ကတော့ မပါဝင်ပေ. ကြည့်ရသလောက် သူက ဘူဖေးအစားအစာ သိပ်သဘောကျလေ့မရှိ‌ေသာ‌ေကြာင့် သို့မဟုတ် သူ့လက်အောက်ဝန်ထမ်းများနှင့် အကွာအဝေးတစ်ခု ထိန်းသိမ်းထားချင်သောကြောင့် ဖြစ်ရမည်. Bao Jin Yan ကတော့ သေချာပေါက် ပါလာမည် မဟုတ်ပေ.

ပြတင်းပေါက်နှင့် နီးသော သစ်သားစားပွဲ တစ်ခုတွင် စုထိုင်လိုက်ကြသည်. Jian Yao ၏ဘယ်ဘက်တွင် Pei Ze ထိုင်ပြီး ညာဘက်တွင် Mai Chen က ထိုင်နေသည်. သူ၏ မျက်စောင်းထိုးနေရာတွင် Shen Dan Wei ထိုင်နေသည်. သူ့ကိုကြည့်ရသည်မှာ အခြားသူများနှင့် ရင်းနှီး ဆက်ဆံချင်ပုံမရပေ. Zhou Qin ကတော့ စကားစမြည် ပြောဆိုရာတွင် ပျော်စရာကောင်းသည်. Qian Yu Wen ကတော့ လူမှုဆက်ဆံရေးတွင် အနည်းငယ် ထိန်းသိမ်းပြီး အလေးအနက်ထားသူ ဖြစ်သည်.

Pei Zu က Jian Yao ကို လှမ်းပြောလိုက်သည်.
"Shen Dan Wei က ဈေးဝယ်သူတွေအပေါ်ပဲ ကောင်းကောင်း ဆက်ဆံတတ်တယ်. အခြားဌာနတွေကလည်း တိုင်ကြားစာတွေ ခဏခဏရတယ်.''

Shen Dan Wei အပါအဝင် လူတိုင်းရယ်လိုက်ကြသည်. Shen Dan Wei က Pei Ze ၏ လက်မောင်းက Jian Yao ထိုင်ခုံနောက်မှီပေါ် ရောက်နေသည်ကို ကြည့်နေသည်. Jian Yao ကို ပြုံးပြလိုက်ပြီး
"ယုန်ငယ်လေး... ဆိုးသွမ်းတဲ့ မြေခွေးကြီးကို သတိထားနော်.."