(Note from TB : Warning : ဤအပိုင်းမှစ၍ အကြမ်းဖက်မှုနှင့် ညှင်းပန်းနှိပ်စက်မှုများကို အသေးစိတ်ဖော်ပြချက်များပါရှိပါတော့မည်. Rated သတ်မှတ်လောက်သည်အထိ မဆိုးဝါးနိုင်လောက်သော်လည်း အနည်းငယ်ခြောက်ခြားဖွယ် ဖြစ်နိုင်ပါသည်.)
US သို့ ဉီးတည်နေသော လေယာဉ်ပေါ်တွင်
Jian Yao က Bao Jin Yan ကို မေးလိုက်သည်.
"Tommy က ဘယ်လိုလူမျိုးလဲ?"
Bao Jin Yan : "စဉ်းလဲတယ်.. ရက်စက်တယ်.. ရူးမိုက်တယ်.. သွေးတွေနဲ့ သေဆုံးခြင်းတွေကို မက်မောတောင်းတတယ်.. ပြီးတော့ သူရဲ့ ပြင်းပြလွန်းတဲ့ လိုအင်ဆန္ဒတွေကို ဖြစ်မြောက်အောင် နည်းလမ်းမျိုးစုံနဲ့ လှည့်စားမှုတွေ အများကြီးသုံးတတ်တယ်."
သူ၏စကားများကို Jian Yao စဉ်းစားကြည့်နေသည်.
"ဒါဆို Flower Cannibal တစ်က သတ်ဖြတ်ခြင်းရဲ့ အတွေးအခေါ်တွေမှာ ပျော်ဝင်နေတဲ့သူနဲ့ တူပြီး Tommy က သတ်ဖြတ်ခြင်းရဲ့ အနုပညာကို ကျွမ်းကျင်သူပေါ့.."
Bao Jin Yan က သူ(မ)ကို တချက်လှမ်းကြည့်လိုက်ပြီး ပျင်းရိလေးတွဲ့စွာ ပြောလိုက်သည်.
"ဘာလို့ ခင်ဗျားက သူတို့က အရိုင်းအစိုင်းကနေ ယဉ်ကျေးလာတဲ့ပုံနဲ့ ပြောနေတာလဲ? တစ်ယောက်ကတော့ ကစဉ့်ကလျား စိတ်ဖောက်ပြန်ပြီး တစ်ဖက်စွန်းရောက်နေတဲ့သူပဲ.. နောက်တစ်ယောက်ကတော့ ခွေးရူးတစ်ကောင်လိုမျိုး လျှောက်ပတ်ပြေးနေတဲ့ တဖက်စွန်းရောက်နေတဲ့သူပဲ..."
-------------------------
တောက်ပနေသော အဖြူရောင် မီးရောင်အောက်တွင် သေသပ်စွာ ဝတ်ဆင်ထားသော Bao Jin Yan က စားပွဲတစ်ဖက်စွန်းတွင် ထိုင်နေသည်. သူ၏မျက်နှာချင်းဆိုင်မှာတော့ လက်နှင့် ခြေများတွင် သံကြိုးများဖြင့် ချည်နှောင်ထားသည့် Tommy က တိတ်ဆိတ်စွာ ထိုင်နေသည်.
Tommey ၏ တောင်းဆိုသံကြားပြီးနောက် လူတိုင်းက Jian Yao ကို လှည့်ကြည့်လိုက်ကြသည်. Jian Yao က တိတ်ဆိတ်စွာ ရပ်ပြီး Bao Jin Yan ကို ကြည့်နေသည်. အခန်းတွင်းရှိ အခြားသူများကတော့ သူ(မ)၏ တည်ငြိမ်နေမှုကို အံ့အားသင့်နေကြသည်. ဘာပဲဖြစ်ဖြစ် နာမည်ဆိုးဖြင့် ကျော်ကြားသော မကောင်းဆိုးဝါးလူတစ်ယောက်၏ တောင်းဆိုမှု ဖြစ်သည်. သို့သော် အကြောင်းပြချက်က ရိုးရှင်းသည်. Jian Yao က Bao Jin Yan ကို ယုံကြည်သည်. မှန်ကန်သော ဆုံးဖြတ်ချက်ကို သူချလိုက်မည်ဟု သူ(မ) ယုံကြည်ထားသည်.
CZYTASZ
(Unicode) When He Comes, Close Your Eyes - MM Translation {Completed}
RomansAuther - Ding Mo Year - 2014 Status in COO - 84 Chapters + Extras (Complete) From https://www.novelupdates.com/series/when-he-comes-close-your-eyes/ Chinese Series. "Love me if you dare'' *** Still editing***
