(Unicode) When He Comes, Close Your Eyes - MM Translation {Completed}

Chapter 23

ပြီးခဲ့သည့်ဇာတ်လမ်းအကျဉ်း----
Jian Yao က ဌာနအသစ်ကို ပြောင်းရွှေ့လာခဲ့ပြီးနောက် ဒါရိုက်တာအသစ်အနေနှင့် ဝင်လာသော Bao Jin Yan နှင့်အတူ ဆေးသုံး၍ မိမိကိုယ်ကိုသတ်သေသွားသူ Wang Wan Wei ၏ သေမှုသေခင်းကိုစုံစမ်းကြသည်....

--------------------
Jian Yao က သူ၏ထိုင်ခုံကို ဆွဲယူလိုက်ပြီး Bao Jin Yan ၏ ရှေ့တွင် နေရာချကာ ထိုင်လိုက်သည်. လက်နှစ်ဘက်ကို ချိတ်ယှက်ပြီး ဒူးပေါ်တင်လိုက်ကာ ချိုသာစွာ ပြုံးလိုက်ပြီး
"ကျေးဇူးပြုပြီး ရှင်းပြပေးပါ...."

အို..... သိပ်သိမ်မွေ့ကျိုးနွံတာပဲ.... ကောင်းသောပြောင်းလဲမှုပဲ........

Bao Jin Yan ၏ အတွင်းစိတ်ထဲတွင်တော့ အခြားအကြောင်းအရာတစ်ခုကို တွေးနေခဲ့သည်.
"ရှေ့အပတ် ဗုဒ္ဓဟူးနေ့က ကျွန်တော်တို့ မနက်စာ ဘာစားခဲ့တာလဲ??"

Jian Yao သူ့ကို အံ့အားသင့်စွာ ကြည့်လိုက်သည်...
ဒီအမှုကိစ္စနဲ့ ဘာများ သက်ဆိုင်နေလို့လဲ???? ဗုဒ္ဓဟူး....... မနက်စာ....

Jian Yao : "ငါးဖက်ထုပ်!!!!"

ထိုအချိန်က ငါးဖက်ထုပ်ကို သူပထမဆုံးအကြိမ် ကြိုးစားကြည့်ခြင်း ဖြစ်သည်. အတော်လက်ဝင်ပြီး ငြီးငွေ့ဖွယ်ကောင်းသဖြင့် နောက်ထပ်တစ်ကြိမ် ထပ်လုပ်ရန် မရည်ရွယ်ထားတော့ပေ.

Bao Jin Yan : "မနက်ဖြန်... ကျွန်တော် အဲ့ဒါကို မနက်စာအဖြစ် စားချင်တယ်....ပြီးတော့ ခင်ဗျားမှာ ကန့်ကွက်ဖို့ မရှိဘူးဆိုရင် အမှုအကြောင်း ပြန်ဆက်ရအောင်....."

Jian Yao : "......"
ဒါကြီးက နေ့ခင်းကြောင်တောင် လုယက်မှုလိုမျိုးပဲ! ဒါပေမယ့် ဘာကြောင့် ငါက ဒေါသမထွက်မိပါလိမ့်????
ထိုအကြံနှင့်ပတ်သက်ပြီး သူ့ကိုယ်၌တွင်လည်း ကန့်ကွက်ရန်မရှိပေ...

Bao Jin Yan ပြုံးလိုက်ပြီး
"ပထမဆုံးအနေနဲ့ Wang က အပြာရောင်ဝတ်စုံဝတ်ခဲ့တယ်လို့ Mai Chen ပြောခဲ့တယ်. အဲ့ဒါက Wang ရဲ့ အကြိုက်ဆုံးအရောင်ဆိုတော့ သူ့ကိုယ်သူ သတ်သေချိန်ထိ ဝတ်ဆင်ထားသင့်တယ်လေ... ဒါပေမယ့် ရဲမှတ်တမ်းမှာတော့ အနက်ရောင်ဝတ်စုံဖြစ်နေတယ်... သူချစ်တဲ့ ကောင်လေးက ဝန်ခံတာလည်း ခံခဲ့ရတယ်. သူ့ကိုယ်သူသတ်သေချင်နေတဲ့ စိတ်ကို မပြောင်းလဲခဲ့ရင်တောင် သူ့ရဲ့ကံကောင်းစေတဲ့ အရောင်ကို ပြောင်းလဲပစ်တာက.... အတော်ကြီးကို ဖြစ်နိုင်ချေ မရှိဘူး.... ဒါက သူ့ပုံစံမဟုတ်နေဘူး.. သူ့လိုမျိုး ရှက်ကြောက်တတ်တဲ့ မိန်းကလေးတွေက သူတို့သေဆုံးချိန်မှာတော့ သူတို့နဲ့အတူ ကံကောင်းခြင်းတချို့ကိုလည်း လိုချင်သေးတယ်လေ.....