(Unicode) When He Comes, Close Your Eyes - MM Translation {Completed}

Chapter 65

"သူရဲ့ဘဝ ကျွန်တော့်ကို ပြဖို့ကြိုးစားနေတာ.."

Bao Jin Yan က အလင်းရောင်အောက်တွင် ရပ်နေသည်. မြင့်မားသော ခန္ဓာကိုယ် .. တည်ကြည်ခန့်ညားသော ရုပ်ရည်.. ထူးကဲသော ဉာဏ်ပညာများနှင့် သူက လူအုပ်ထဲတွင် အမြဲတမ်းထင်ရှားပေါ်လွင်နေသည်.

Bao Jin Yan ပြောလိုက်သည့် စကားက အမှောင်ထုကို ဖြတ်သန်း၍ စူးရှလာသော လေဆာအလင်းရောင်တန်းကဲ့သို့ပင်.. ရုတ်တရက် စတင်နိုင်သောနေရာတစ်ခု ရှိသွားသည်. လူတိုင်းက အဖြူရောင်သင်ပုန်းကို နောက်တစ်ကြိမ်ပြန်ကြည့်လိုက်ကြသည်. စကားလုံးများက အခုတော့ ပို၍အဓိပ္ပါယ်ပြည့်စုံသွားသည်. သူတို့၏အတွေးများကို အတူတကွ ချိတ်ဆတ်ရန် စတင်ကြိုးစားလိုက်ကြသည်.

သို့သော် Bao Jin Yan က သူတို့ချိတ်ဆတ်မိနိုင်သည်အထိ မစောင့်နိုင်တော့. စားပွဲပေါ်သို့ မာကာပန်ကို တင်လိုက်ပြီး စကားစလိုက်သည်.
"ကြာပွတ်နဲ့ရိုက်တာ.. အဲ့ဒါက ဒေါသနဲ့မုန်းတီးမှုတွေကို ဖော်ထုတ်နိုင်ဖို့ အားအကောင်းဆုံးနဲ့ တိုက်ရိုက်အကျဆုံးနည်းပဲ.. အသားတွေကို ဖြတ်ထုတ်တာမျိုး ဒါမှမဟုတ် သွေးတစက်စက်ကျစေတဲ့ ဖြေးဖြေးချင်းညှင်းပန်းနှိပ်စက်တာမျိုးထက် ပိုပြင်းထန်တယ်.. ဒါကြောင့် သူက အမျိုးသမီးတွေကို မုန်းတယ်..

ပြီးတော့ ပုံမှန်အားဖြင့် အမျိုးသမီးကို မုန်းတီးရတဲ့ အကြောင်းတရားက မိခင်မေတ္တာကင်းမဲ့ခဲ့တာကြောင့်ပဲ.. ပုံမှန်ကလေးဘဝနဲ့ ကျန်းကျန်းမာမာကြီးပြင်းလာခဲ့တဲ့ အမျိုးသားတွေက သူတို့ဆယ်ကျော်သက်အရွယ်.. ကြီးကောင်ဝင်တဲ့အရွယ်တွေမှာ အခြားအမျိုးသမီးတွေကနေ ဆိုးဆိုးဝါးဝါးဆက်ဆံခံခဲ့ရရင်တောင်မှ စိတ်ပိုင်းဆိုင်ရာတည်ငြိမ်မှုရှိနေကျပါပဲ.. ဒါကြောင့် သူငယ်ငယ်တုန်းက အမေဖြစ်သူက သူ့ကိုစွန့်ပစ်ခဲ့တာ ပိုဖြစ်နိုင်ချေရှိတယ်...

အရေခွံခွာတယ်ဆိုတာက ရှုပ်ထွေးပြီးတော့ ငြီးငွေ့စရာကောင်းတဲ့ လုပ်ငန်းစဉ်ပဲ. ဒါပေမယ့် အဲ့ဒါကိုတောင် ပြည့်စုံလုနီးပါထိ ပြီးမြောက်စေနိုင်ခဲ့တယ်. ဒါက ဒီအလုပ်ကို ပထမဆုံးအကြိမ်လုပ်တာ မဟုတ်လောက်ဘူး.. ခင်ဗျားတို့ လွန်ခဲ့တဲ့ ဆယ်နှစ်အတွင်း US က အရေပြားအမှုတွေ အကုန်လုံးကို ပြန်စုံစမ်းသင့်တယ်. အဲ့မှာ အချို့ သဲလွန်စတွေ ရှိနေနိုင်တယ်.