(Unicode) When He Comes, Close Your Eyes - MM Translation {Completed}

Chapter 04

Jian Yao သည် ကောင်းမွန်သော အရည်အချင်းအားလုံးစုစည်းထားသကဲ့သို့ နူးညံ့သိမ်မွေ့လှပသူ ဖြစ်သည်. ဆံပင်ရှည်ရှည် အသားဖြူဖြူ တောက်ပသောမျက်လုံးအစုံနှင့် ရုပ်ရည်ချောမောလှပသော ပိန်သွယ်သွယ် မိန်းမလေးတစ်ဦး ဖြစ်သည်. ဝတ်ဆင်လေ့ရှိသော အဝတ်အစားများမှာလည်း ကြော့ရှင်းလှပပြီး ယဉ်ကျေးသိမ်မွေ့သည်. သူ၏ခန္ဓာ အချိုးအစားအရ မည်သူ့အဝတ်အစားပင် ရွေးချယ်ပါစေဦး သူနှင့်လိုက်ဖက်ပေလိမ့်မည်. စကားကိုလည်း သာယာသောအသံနှင့် နူးညံ့စွာ ပြောဆိုတတ်သူဖြစ်သည်. သူ့မိခင်၏ စိတ်ထားပြည့်ဝမှုနှင့် အလှအပများကို အမွေရထားသည်. သူဖခင်၏ လွတ်လပ်ပေါ့ပါးပြီး ပေါင်းသင်းဆက်ဆံရေး ကောင်းမွန်မှုကိုလည်း ပိုင်ဆိုင်ထားသည်. သူနှင့် ဖခင်မှာ ခြောက်နှစ်ခန့်သာ အတူနေထိုင်ခဲ့ရသော်လည်း သင်ကြားမှုတော်တော်များများကို မှတ်မိနေသေးသည်. လူတစ်ယောက်ဆိုတာ ရိုးသားဖြောင့်မတ်ရမယ် အမြဲတမ်း အကောင်းအဆိုးခွဲခြား သိမြင်တတ်ရမယ် ဘဝရဲ့ခံနိုင်ရည်စမ်းသပ်မှုအပေါ် ဘာပဲဖြစ်နေပါစေ ကျေနပ်ပျော်ရွှင်မှုထားရှိရမယ် အစရှိသဖြင့်ပေါ့.....
နေဝင်ရီတရောအချိန်၌ အိမ်ပြန်ရန်စတင်ပြင်ဆင်လိုက်သည်. DIDA red tiger ကို ထားရစ်ခဲ့ပြီး ကမ်းစပ်နားတွင် ဒါဇင်ပေါင်းများစွာသော ငါးများကို စုပုံထားခဲ့သည်. သူတို့လမ်းစတင်လျှောက်လိုက်ချိန်တွင် Jian Xuan မှ အံသြခြင်းများစွာဖြင့်

"အဲ့ဒါတွေ အားလုံးဒီအတိုင်းထားခဲ့မယ်??''

"အင် ခဏနေကျရင် သူလာပြီး သိမ်းလိမ့်မယ်''

သူတို့အိမ်သို့ ပြန်ရောက်သောအခါ Jian Xuan မှမေးလိုက်သည်.

"အစ်မ နင်သူ့ကိုငါးတွေအများကြီးဖမ်းပေးလိုက်တာ ကျေးဇူးတင်စကားလေးတောင် မေးလ်နဲ့ လှမ်းမပို့ဘူးလား''

Jian Xuan တစ်ယောက် တစ်စုံတစ်ယောက်၏ကျေးဇူးသိတတ်မှု ပျက်ကွက်နေခြင်းအပေါ် စိတ်ခံယားနေသည်. ပြီးတော့သူ့အစ်မ၏သဘောထားကြီးမှုအပေါ် အသုံးချခံရတော့မည်ကို တွေးပူနေသည်. Jian Yao ထိုကဲ့သို့သောအတွေးများမရှိခဲ့ဖူးသည်ကို ဝန်ခံရမည်. သူ့အတွက် Bao Jin Yan သည် ရိုးစင်းလှသည့် လူတစ်ဦးဖြစ်သည်. ထို့နောက် ပြုံးလိုက်ပြီး