ငါမင်းအနားမှာပဲ နေချင်တယ်...
တစ်နေ့ပြီးတစ်နေ့... တစ်လပြီးတစ်လ.. တစ်နှစ်ပြီးတစ်နှစ်...
မင်းရဲ့အနားမှာပဲ.....
ငယ်ရွယ်စဉ်ကတည်းက ထားရှိခဲ့တဲ့ အိပ်မက်....
ငါမင်းအနားမှာပဲ နေချင်တယ်..
ငါတို့အတူ အိုမင်းသွားကြမယ်.. မင်းနဲ့ငါ..
ငါတို့ ဘယ်တော့... ဘယ်တော့မှ မခွဲကြဘူး.....
--------------------------
Maryland University.
သြဂုတ်လလယ်....
တက္ကသိုလ်စာကြည့်တိုက်ဆိုသည်မှာ မည်သည့်အရာကိုမှ စိတ်မဝင်စားတတ်သည့်သူများအတွက် နွေရာသီ၏ ပူပြင်းလှသည့် နေရှိန်ကို ရှောင်ရှားရန် အကြိုက်နှစ်သက်ဆုံး ကျက်စားရာနေရာလေး ဖြစ်သည်..
Fu Zi Yu က သူကိုယ့်သူ တစ်စုံတစ်ခုကို ရူးသွပ်စွာ စွဲလန်းတတ်သောသူဖြစ်ကြောင်း ဝန်မခံပေ.. သို့သော် ဆေးပညာကျောင်း၏ ထိုထိပ်ဆုံးကျောင်းသားလေးက တက္ကသိုလ်စာကြည့်တိုက်သို့ သွားရောက် ကျတ်စားရသည်ကိုတော့ သဘောကျသည်.
ဒီနေ့မှာတော့ ယခုနှစ်၏ ဆေးဘက်ဆိုင်ရာ နိုဗယ်ဆုရှင်၏ စာအုပ်သစ်ကို ငှားရမ်းချင်သည်. ထိုစာအုပ်မှာ နာမည်ကြီးသဖြင့် ရှာဖွေနေသူမှာ သူတစ်ယောက်တည်း မဟုတ်ပေ.. ထိုကဲ့သို့သောစာအုပ်မျိုးများ ထားရှိရာ စာအုပ်စင်ဘက်ခြမ်းတွင် သူ၏အတန်းဖော်သူငယ်ချင်းတချို့ကို တွေ့လိုက်သည်. သူပြုံးလိုက်ပြီး သူတို့ကို နှုတ်ဆတ်လိုက်သည်.
"Hi... မင်းတို့တွေလည်း စာအုပ်လာရှာကြတာလား?"
ဘွဲ့လွန်ကျောင်း၏ ပထမနှစ်ကျောင်းသားဖြစ်သော်လည်း သူသည် လူသိများသော ကျောင်းသားဖြစ်သည်. အဘယ်ကြောင့်ဆိုသော် သူ့ထံတွင် သင်တို့လိုချင်သော အမျိုးသားတစ်ယောက်၏ အရည်အသွေး အားလုံးနီးပါးရှိသည့်ပုံ ထွက်သောကြောင့်ဖြစ်သည်. အရပ်ရှည်ရှည်.. ခန့်ညားချောမော.. ပညာရေးတွင်လည်း ထက်ထက်မြက်မြက်.. ထို့အပြင် မိသားစုနောက်ခံကလည်း ကောင်းသည်. သို့သော်လည်း သူ့ထံတွင် မောက်မာထောင်လွှားသည့်ပုံ တစက်လေးမှ မရှိ... တကယ့်ကို လူအများနှင့် လိုက်လျောညီထွေနေထိုင်တတ်ပြီး စိတ်သဘောထားကာင်းမွန်သော သာမာန်လူတစ်ယောက် ဖြစ်သည်. လူတိုင်း သူ့ကို ချစ်ကြသည်. အာရှကျောင်းသားများ အားလုံးထဲတွင် သူက ကြော့ရှင်းရည်မွန်ပြီး ပြည့်စုံသည့် မင်းသားလေး ဖြစ်သည်.
ESTÁS LEYENDO
(Unicode) When He Comes, Close Your Eyes - MM Translation {Completed}
RomanceAuther - Ding Mo Year - 2014 Status in COO - 84 Chapters + Extras (Complete) From https://www.novelupdates.com/series/when-he-comes-close-your-eyes/ Chinese Series. "Love me if you dare'' *** Still editing***
