The 79th အလယ်တန်းကျောင်း၏ ပတ်ဝန်းကျင် နယ်မြေတစ်ဝိုက်တွင် အထည်အလိပ်စက်ရုံဟောင်းများစွာ ရှိသည်. နှစ်ဆယ့်တစ်ရာစု အစောပိုင်းက SOE ကို ပြန်လည်ပြုပြင်လိုက်ပြီးနောက် အသေးစားချည်မျှင်နှင့် အထည်အလိပ်စက်ရုံငယ်အများစုက ဒေဝါလီခံလိုက်ရပြီး ပိတ်ချလိုက်သည်.
(SOE - state owned enterprise - နိုင်ငံပိုင်စီးပွားရေးလုပ်ငန်းဆိုသည်မှာ အစိုးရကိုယ်စားစီးပွားဖြစ် လုပ်ကိုင်သောတရားဝင်အဖွဲ့အစည်း)
အလုပ်လက်မဲ့ဖြစ်သွားသော စက်ရုံလုပ်သားများက Fragrant ခရိုင်အတွင်းလမ်းဘေးဆိုင်လေးများ ဖွင့်ပြီး စားဝတ်နေရေးအခက်အခဲများ ဖြေရှင်းကြသည်. သူတို့၏ ကလေးများကို The 79th အလယ်တန်းကျောင်းတွင် ပညာသင်ကြားစေခဲ့သည်. Ruan Ming Huai ၏ အကောင်းဆုံးသူငယ်ချင်းတစ်ဦးဖြစ်သော Huo Xiao Lu က ထိုသူများထဲက တစ်ယောက်ဖြစ်သည်.
Jian Yao နှင့် Bao Jin Yan က အရာရှိများယူဆောင်လာခဲ့သော Huo ၏ ထွက်ဆိုချက်များကို လေ့လာနေကြသည်. ညအချိန်နောက်ကျနေပြီး အပြင်ဘက်တွင် မှောင်မည်းနေပြီ. ကျောင်းထဲတွင်တော့ အလင်းရောင်များက ကောင်းမွန်စွာ တောက်ပနေသော်လည်း အချို့နေရာများတွင်တော့ မှောင်မိုက်နေသည်.
သူတို့အတွက် စာသင်ခန်းများထဲက တစ်ခန်းကို ယာယီရုံးခန်းအဖြစ် ဖွဲ့စည်းပေးထားသည်. မိန်းကလေးက သူ၏သူငယ်ချင်းကောင်းတစ်ယောက် ဆုံးရှုံးလိုက်ရ၍ ပူဆွေးသောကရောက်နေသည်.
"သူက အခြားတစ်ယောက်ယောက်နဲ့ တွေ့ဖို့ရှိတယ်လို့ မင်းကို ပြောပြခဲ့သေးလား?"
အရာရှိတစ်ဦးမှ မေးလိုက်သည်.
Huo Xiao Lu ငိုရှိုက်နေရင်း
"မပြောခဲ့ဘူး."
ခေါင်းခါလိုက်သည်.
သူက သာမာန်ရုပ်ရည်နှင့် ပုံမှန်မိန်းကလေးတစ်ဦးဖြစ်သည်. နှာခေါင်းတစ်ဝိုက်တွင် တင်းတိပ်အချို့နှင့် မျက်နှာသေးသေးလေးရှိသည်. သို့သော် မျက်လုံးအစုံမှာတော့ ကြည်လင်နေပြီး ထက်မြက်သည့်ပုံရှိသည်. ရိုးရိုးတီရှပ်နှင့် ဂျင်းကို ဝတ်ဆင်ထားသည်.
"သူ့မှာ ချစ်သူကောင်လေးရှိလား?"
ခေါင်းကို ထပ်ခါလိုက်ပြီး
"မရှိပါဘူး.."
BINABASA MO ANG
(Unicode) When He Comes, Close Your Eyes - MM Translation {Completed}
RomanceAuther - Ding Mo Year - 2014 Status in COO - 84 Chapters + Extras (Complete) From https://www.novelupdates.com/series/when-he-comes-close-your-eyes/ Chinese Series. "Love me if you dare'' *** Still editing***
